Matsɛmɛ II, 17:21 - BAIBLO ALOO NGMAMI KLƆUKLƆU Ɔ

²¹ Benɛ Yawɛ tsɔ́ Israel kɛ je David we ɔ he ɔ, Israel bi ɔmɛ wo Nebat binyumu Yeroboam matsɛ. Yeroboam ha nɛ Israel kpa Yawɛ se nyɛɛmi, nɛ e ngɔ mɛ ya wo yayami agbo mi.

Matsɛmɛ II, 17:21 ပူးပေါင်းရင်းမြစ်များ

Matsɛmɛ I, 11:11

nɛ e de lɛ ke, “Akɛnɛ o to o yi mi, nɛ o yi somi nɛ i kɛ mo so ɔ, kɛ mlaahi nɛ i wo mo ɔ a nɔ he je ɔ, i ngɛ mo dee ke, bɔ tsuaa bɔ nɛ pee ɔ, ma kpɔ matsɛ yemi ɔ ngɛ o dɛ, nɛ ma ngɔ kɛ ha o tsɔli ɔmɛ a ti nɔ kake.

Matsɛmɛ I, 11:31

nɛ e de Yeroboam ke, “Tade nɛ i hía nɛ ɔ, mo he e mi dlami nyɔngma, ejakaa Yawɛ, Israel Mawu ɔ ngɛ mo dee ke, ‘Ma kpɔ matsɛ yemi ɔ ngɛ Salomo dɛ, nɛ ma ngɔ wɛtso nyɔngma ngɔ ha mo.

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Yesaya 7:17

“Yawɛ ma ha haomi be ko ma ba na mo, kɛ o ma mi bi ɔmɛ, kɛ matsɛ weku ɔ tsuo. Kɛ je be nɛ Israel kɛ Yuda mi gba nɛ ɔ, be yaya kaa enɛ ɔ eko bɛ hyɛ. Asiria matsɛ ɔ ji haomi nɛ Yawɛ maa ngɔ kɛ ba a nɛ.

La 25:11

Yawɛ, ye o siwo ɔ nɔ, nɛ o ngɔ ye yayami ɔmɛ kɛ pa mi; ejakaa ye yayami ɔmɛ hiɛ babauu.

Kronika II, 11:15

Yeroboam wo osɔfohi nɛ lɛ nitsɛ e suɔ, nɛ e ha nɛ a sɔmɔ ngɛ jami he ɔmɛ; a ja wɔhi, kɛ amagahi nɛ ngɛ kaa na bi nɛ lɛ Yeroboam ɔ puɛ.

Kronika II, 11:11

Rehoboam fia gbogbo ngɔ wo ma nɛ ɔmɛ a he, nɛ e hla asafoatsɛmɛ kɛ to ma amɛ a nya. E to niye ní, oliv nu, kɛ wai ngɛ ma tsuaa ma mi.

Matsɛmɛ I, 14:8

I kpɔ matsɛ yemi ɔ ngɛ David nina dɛ ngɔ ha mo. Se o be kaa ye tsɔlɔ David. Lɛɛ e nyɛɛ ye se kɛ e tsui tsuo; e ye ye mlaa amɛ a nɔ, nɛ e pee ye suɔmi nya ní.

Samuel I, 2:24

Dɛbi, ye bimɛ, nyɛ kpa! Níhi nɛ i ngɛ nue nɛ Yawɛ ma a ngɛ dee ngɛ nyɛ he ɔ, pi ní kpakpahi.

Samuel I, 2:17

Eli binyumu ɔmɛ pee yayami agbo ngɛ Yawɛ hɛ mi, ejakaa a bui Yawɛ bɔ sami ɔ.

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Mose I, 20:9

Kɛkɛ nɛ Abimelek tsɔ ya tsɛ Abraham kɛ ba, nɛ e bi lɛ ke, “Mɛni o pee wɔ nɛ ɔ? Mɛni yayami i pee mo loko o ha amanehlu kaa kikɛ nɛ ɔ ba i kɛ ye ma mi bi ɔmɛ wa nɔ ɔ? Nɔ́ nɛ a pee we nɔ nɛ o pee mi nɛ ɔ nɛ.

Matsɛmɛ I, 13:34

Yayami nɛ ɔ nɛ Yeroboam pee ɔ, ha e matsɛ yemi ɔ, kɛ e we ɔ tsuo a hɛ mi kpata.

Matsɛmɛ II, 17:22

Israel bi ɔmɛ ya nyɛɛ Yeroboam se, nɛ a pee yayami tsuo nɛ e pee ɔ hluu

Matsɛmɛ II, 3:3

Se kaa bɔ nɛ Matsɛ Yeroboam, Nebat binyumu ɔ pee ɔ, Yehoram hu nyɛɛ Israel hɛ mi kɛ pee yayami nɛ e kpa we.