Matsɛmɛ II, 17:19 - BAIBLO ALOO NGMAMI KLƆUKLƆU Ɔ

¹⁹ Yuda wɛtso ɔ nitsɛ po yi Yawɛ, a Mawu ɔ mlaa amɛ a nɔ. Ma se kusumihi nɛ Israel kɛ ba a, lɔ ɔmɛ a he ní mɛ hu a tsuɔ.

Matsɛmɛ II, 17:19 ပူးပေါင်းရင်းမြစ်များ

Matsɛmɛ II, 16:3

se mohu e ya wo Israel matsɛmɛ ɔmɛ a nane. E ngɔ lɛ nitsɛ e binyumu po kɛ sã sami bɔ kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ ɔ nɔ ɔ a kusumi yayami ɔmɛ ngɛ ɔ.

Kronika II, 21:13

Mohu ɔ, o ya wo Israel matsɛmɛ ɔmɛ a nane, nɛ o ha nɛ Yuda ma a, kɛ Yerusalem tsuo ja amagahi kaa bɔ nɛ Ahab, kɛ ni nɛmɛ nɛ nyɛɛ e se ɔ ha nɛ Israel ma a pee ɔ pɛpɛɛpɛ. O nyɛminyumuhi nɛ a hi pe mo ɔ hu, o gbe mɛ.

Kronika II, 21:11

Jehanɛ se hu, Yehoram po jami hehi ngɛ Yuda yo ɔmɛ a nɔ, nɛ e ha nɛ Yuda ma a, kɛ Yerusalem tsuo pee yayami kɛ si Yawɛ.

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Matsɛmɛ II, 8:27

Ahazia ngatsɛ ji matsɛ Ahab. Nɛ kaa bɔ nɛ Ahab we ɔ pee ɔ, Ahazia hu ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Matsɛmɛ II, 8:18

E ngɔ Ahab biyo; nɛ kaa bɔ nɛ Ahab we ɔ pee ɔ, lɛ hu e ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Matsɛmɛ II, 17:8

Jehanɛ, je ma amɛ nɛ Yawɛ fie kɛ je a blɔ ɔ nɔ ɔ, Israel bi ɔmɛ bɔni a kusumi níhi peemi; slo ma se kusumi kpahi nɛ Israel matsɛmɛ ɔmɛ ngɔ kɛ ba a hulɔ.

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

Matsɛmɛ II, 18:6

E ngɔ e he ngɔ fɔ Yawɛ nɔ; e ye lɛ anɔkuale, nɛ mlaahi nɛ Yawɛ wo Mose ɔ, e ye lɛ tsuo pɛpɛɛpɛ nɔ.

Matsɛmɛ II, 21:14

Ma a nɛ piɛ ɔ, ma kua mɛ, nɛ ma ngɔ mɛ kɛ wo a he nyɛli a dɛ mi. A maa ye a nɔ nɛ a maa ha a níhi;

Kronika II, 17:4

E sɔmɔ e tsɛ Mawu ɔ; e ye Mawu mlaa amɛ a nɔ, nɛ e pee we e ní kaa Israel matsɛmɛ ɔmɛ.

Ezekiel 23:31

O ya wo o nyɛmiyo ɔ nane, lɔ ɔ he ɔ, tue gblami kplu ɔ nɛ i ha o nyɛmi ɔ, lɔ ɔ nɔuu ma ha mo.”