Matsɛmɛ II, 17:10 - BAIBLO ALOO NGMAMI KLƆUKLƆU Ɔ

¹⁰ A puɛ amagahi kɛ ha yo mawu Ashera a ngɛ yokuhi tsuo a nɔ, kɛ tsohi nɛ bɔ kusuu tsuo a sisi;

Matsɛmɛ II, 17:10 ပူးပေါင်းရင်းမြစ်များ

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

Mika 5:14

Amagahi nɛ nyɛ puɛ ngɛ nyɛ zugba a nɔ ngɔ ha yo mawu ɔ nɛ a tsɛɛ Ashera a, ma ku mɛ tsuo; nɛ ma kpata nyɛ ma amɛ a hɛ mi.

Matsɛmɛ II, 16:4

Ahaz sã bɔ, kɛ tsopa kɛ e he via ngɛ jami he ɔmɛ, ngɛ yoku ɔmɛ a nɔ, kɛ tsohi nɛ bɔ kusuu ɔ a sisi.

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Yesaya 57:5

Nyɛ nɛ nyɛ he mi akɔnɔ teɔ si, nɛ́ nyɛɛ kɛ bɔɔ ajuama ngɛ tso nguanguahi nɛ bɔ kusuu a sisi. Nyɛ ngɔɔ nyɛ bimɛ kɛ sãã bɔ ngɛ tɛ puɔhi a mi ngɛ kɔ̃ ɔmɛ a mi.

Mose V, 16:21

“Ke nyɛ ma bɔ sami la tɛ ha Yawɛ, nyɛ Mawu ɔ, nyɛ ko ngɔ yo Ashera a mawu we amaga nɛ a kɛ tso kpɛ kɛ ma e kasa nya.

Mose III, 26:1

Yawɛ de ke, “Nyɛ ko puɛ amagahi, nɛ nyɛ ko pee tɛ amagahi, loo titimahi kɛ ma si; nyɛ ko ja mɛ hulɔ; ejakaa imi ji Yawɛ, nyɛ Mawu ɔ nɛ.

Mose II, 34:12

Hyɛ saminya nɛ o kɛ ma he nɛ nyɛ yaa a mi bi ɔmɛ kó so somi ko, nɛ lɔ ɔ ba plɛ klama nɛ a tsɔ mo.

Matsɛmɛ II, 17:11

nɛ a sã tsopa kɛ e he via ngɛ jami he ɔmɛ tsuo, kaa bɔ nɛ je ma amɛ nɛ Yawɛ fie kɛ je a blɔ ɔ nɔ ɔ pee ɔ pɛpɛɛpɛ. A pee ní yayamihi kɛ wo Yawɛ mi mi la.

Mose V, 16:22

Jehanɛ hu, nyɛ ko ngɔ tɛ kɛ ma si nɛ nyɛ ja; Yawɛ, nyɛ Mawu ɔ hiɔ ní nɛ ɔmɛ.

Yesaya 2:8

Amagahi hyi a zugba a nɔ; nɛ níhi nɛ mɛ nitsɛmɛ a ngɔ a nine kɛ pee ɔ, lɔ ɔmɛ a jaa.

Yeremia 3:6

Benɛ Yosia ngɛ matsɛ yee ɔ, Yawɛ de mi ke, “Tse o na nɔ́ nɛ Israel pee? Israel je ye se nɛ e ya ja mawu kpahi ngɛ yokuhi tsuo nɛ ya hiɔwe a nɔ, kɛ tsohi tsuo nɛ bɔ kusuu a sisi. E ngɛ kaa yo yaholɔ pɛ.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.