Matsɛmɛ II, 16:9 - BAIBLO ALOO NGMAMI KLƆUKLƆU Ɔ

⁹ Asiria matsɛ ɔ bu lɛ tue, nɛ e hia kɛ ya tua Damasko. E ngɔ ma a, nɛ e gbe Matsɛ Rezin; se ma a mi bi ɔmɛ lɛɛ e nuu mɛ nyɔguɛ kɛ ho Kir ya.

Matsɛmɛ II, 16:9 ပူးပေါင်းရင်းမြစ်များ

Amos 9:7

Yawɛ ke, “Israel ma, nyɛ ngɛ kaa Sudan bi ɔmɛ nɔuu ha mi; i susuɔ nyɛɛ kɛ mɛ tsuo nyɛ he fiee. Anɛ pi imi nɛ i je Filisti bi ɔmɛ kɛ je Kreta lo? Anɛ pi imi nɛ i je Siria bi ɔmɛ kɛ je Kir kaa bɔ nɛ i kpaka nyɛ, Israel bi ɔmɛ hu kɛ je Egipt zugba a nɔ ɔ lo?

Yesaya 22:6

Ta buli hi okpɔngɔhi a nɔ kɛ je Elam kɛ ba kɛ a dɛ mi kɛ̃ɛ̃. Ta buli nɛ je Kir hu mia kɛ tsɛ̃i ja nɔuu.

Yesaya 9:11

Enɛ ɔ he je ɔ, Yawɛ sú a he nyɛli ɔmɛ kɛ wo mɛ.

Yesaya 7:16

Jamɛ a be ɔ be sue tete po nɛ matsɛmɛ enyɔ ɔmɛ nɛ ngɛ nyɛ he gbeye woe ɔ a zugba amɛ a nɔ maa je gu.

Kronika II, 28:21

Ahaz ya muɔ sika tsu ngɛ Yawɛ we ɔ, matsɛ we ɔ, kɛ ganɔ ɔmɛ a we ɔmɛ a mi, nɛ e kɛ ha Asiria matsɛ ɔ. Se kɛ̃ ɔ, Tiglat Pileser piɛ we e he.

Kronika II, 28:5

Akɛnɛ Matsɛ Ahaz pee yayami he je ɔ, Yawɛ, e Mawu ɔ ha nɛ Siria matsɛ ɔ ba ye e nɔ kunimi, nɛ e nuu Yuda bi babauu nyɔguɛ kɛ ho Damasko ya. Jehanɛ hu, Yawɛ ha nɛ Israel matsɛ, Peka, Remalia binyumu ɔ ba ye Ahaz nɔ, nɛ e gbe Yuda ta buli kpakpahi akpe lafa kɛ nyingmi enyɔ ligbi kake. Yawɛ, a nɛmɛ a Mawu ɔ ngmɛ blɔ nɛ a pee nɔ́ nɛ ɔ, ejakaa Yuda ma a kua lɛ.

Yesaya 10:9

Kalno ma a, kɛ Karkemish ma a nɛɛ, mɛni slɔɔto ngɛ a kpɛti? Anɛ Hamat ma a be kaa Arpad ma a lo? Samaria kɛ Damasko ɔ nɛɛ, slɔɔto ko ngɛ a kpɛti lo?

Yesaya 17:1

Bɔ nɛ Yawɛ de ji nɛ ɔ nɛ: “Damasko be ma nitsɛ pee hu; e ma ba pee ma doku kulaa.

Yesaya 37:18

Yawɛ, wɔ tsuo wa le kaa Asiria matsɛmɛ ɔmɛ kpata je mahi, kɛ a zugbahi babauu a hɛ mi,

Kronika II, 16:4

Benhadad kplɛɛ Asa munyu ɔ nɔ, nɛ e tsɔ e tatsɛmɛ ɔmɛ nɛ a ya tua Israel ma amɛ. A ngɔ Iyon, Dan, Abel Bet Maaka, kɛ Naftali nito he ma amɛ tsuo.

Yesaya 9:10

“Bliikisi we ɔmɛ ku pue si; wɔɔ lɛɛ wa maa ngɔ tɛ nɛ a kó kɛ maa ma ekohu. A poo sikamore tsohi ngɔ pueɔ si; se wɔɔ lɛɛ waa kɛ seda tso kpakpahi ma tsake mɛ.”