Matsɛmɛ II, 16:7 - BAIBLO ALOO NGMAMI KLƆUKLƆU Ɔ

⁷ Ahaz tsɔ ya de Asiria matsɛ, Tiglat Pileser ke, “O tsɔlɔ kɛ o binyumu ji mi. Siria matsɛ, kɛ Israel matsɛ ba tua mi, lɔ ɔ he ɔ, ba nɛ o ba je ngmlaa ha mi.”

Matsɛmɛ II, 16:7 ပူးပေါင်းရင်းမြစ်များ

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Kɔmɔ Yemi 4:17

Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

Kronika II, 28:20

Se benɛ Asiria matsɛ, Tiglat Pileser ba a, e ba piɛ we Matsɛ Ahaz he; e ba hao lɛ mohu.

Kronika II, 28:16

Pee se ɔ, Edom bi ɔmɛ ba tua Yuda ekohu, nɛ a nuu ta nyɔguɛhi babauu kɛ ho. Enɛ ɔ he je ɔ, Matsɛ Ahaz tsɔ ya de Asiria matsɛ, Tiglat Pileser ke e ba je ngmlaa ha lɛ.

Kronika I, 5:26

Enɛ ɔ he je ɔ, Israel Mawu ɔ ha nɛ Asiria matsɛ, Pul (nɛ e biɛ kpa ji Tiglat Pileser a) ba tua a ma a. Tiglat Pileser nuu Ruben, Gad, kɛ Manase wɛtso fa a mi bi ɔmɛ kɛ ya to Hala, Habor, Hara, kɛ Gozan pa a nya. Nɛ lejɛ ɔ ji he nɛ a ngɛ kɛ ba si mwɔnɛ ɔ.

Matsɛmɛ I, 20:4

Ahab he nɔ ke, “Mo ya de ye nyɔmtsɛ, Matsɛ Benhadad ke i kplɛɛ nɔ́ nɛ e bi mi ɔ nɔ; imi nitsɛ, kɛ nɔ́ tsuaa nɔ́ nɛ i ngɛ ɔ, e níhi ji wɔ.”

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

Yesaya 2:6

Mawu lee, o kua o ma, Yakob nina a, ejakaa klaali babauu nɛ je beleku je kɛ Filistia ba futu mɛ. Ma se bi a kusumi níhi o ma a ngɛ pee.

Ezekiel 16:28

“O ya bɔ ajuama kɛ kpa zugba a tsuo nɔ kɛ ya su Asiria bi ɔmɛ a ngɔ tɔɔ. O kɛ mɛ bɔ ajuama basaa, se lɔ ɔ tete po sui o nya.

Ezekiel 23:5

Ohola je ye se ya puɛ gba. E kɛ ni nɛmɛ nɛ je Asiria mohu ya pee e suɔli.

Ezekiel 23:12

Lɛ hu e ya nyɛɛ Asiria nyumu ɔmɛ a se, nɛ e kɛ mɛ pee e suɔli. Ta buli nɛ mia saminyayoo kɛ ta hwumi ní, amlaalohi kɛ asafoatsɛmɛ, mɛ tsuo nihewi nɛ a he ngɛ fɛu nɛ a hii okpɔngɔhi a nɔ nɛ e ya su.

Yeremia 13:21

Nihi nɛ mo nitsɛ o tsɔse mɛ nɛ o kɛ mɛ ngɛ kaa huɛmɛ ɔ, ke a wo mɛ nɔkɔtɔma ngɛ o nɔ ɔ, kɛ o ma de kɛɛ? Anɛ o he mi be mo kɔɔe kaa yo nɛ nu kɔɔmi nɛ e miɔ nɛ e ma fɔ lo?

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.