Matsɛmɛ II, 16:3 - BAIBLO ALOO NGMAMI KLƆUKLƆU Ɔ

³ se mohu e ya wo Israel matsɛmɛ ɔmɛ a nane. E ngɔ lɛ nitsɛ e binyumu po kɛ sã sami bɔ kaa bɔ nɛ je ma amɛ nɛ Yawɛ fie kɛ je Israel bi ɔmɛ a blɔ ɔ nɔ ɔ a kusumi yayami ɔmɛ ngɛ ɔ.

Matsɛmɛ II, 16:3 ပူးပေါင်းရင်းမြစ်များ

Mose V, 12:31

Nyɛ ko ja Yawɛ, nyɛ Mawu ɔ kaa a jaa a mawu ɔmɛ; ejakaa ngɛ a mawu ɔmɛ a jami mi ɔ, a peeɔ níhi nɛ a hĩɔ, nɛ́ Yawɛ sume ɔ tsuo. A bimɛ po a sãã ngɛ la mi ngɛ bɔ sami la tɛ ɔmɛ a nɔ.

Mose III, 18:21

Koo ngɔ o bimɛ ɔmɛ eko kɛ ha nɛ a sã ha mawu ɔ nɛ a tsɛɛ lɛ Molek ɔ. Ke o pee ja a, o gbe Yawɛ, o Mawu ɔ he guɛ.

Matsɛmɛ II, 21:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Matsɛmɛ II, 21:11

“Yuda matsɛ, Manase tsu musu ní; e pee yayami nɛ nya wa kulaa pe níhi tsuo nɛ Kanaan bi ɔmɛ pee ɔ. Jehanɛ se hu, e ha nɛ Yuda ya ja amaga, nɛ a pee yayami.

Matsɛmɛ II, 17:17

A ngɔ a binyumuhi, kɛ a biyihi kɛ sã sami bɔhi, kɛ ha wɔhi. A kla, a ye kunya, nɛ a je blɔ pee yayami nɛ a kɛ wo Yawɛ mi mi la.

Ezekiel 20:31

Amlɔ nɛ ɔ po, nyɛ ngɔɔ nike níhi kɛ ya haa amagahi, nɛ nyɛ ngɔɔ nyɛ bimɛ ngɔ haa nɛ a sã mɛ ngɛ la mi; nyɛ jaa amagahi babauu kɛ bleɔ nyɛ he. Israel bi, enɛ ɔmɛ tsuo a se ɔ, nyɛ kpale baa ke a bi mi ní ha nyɛ. I be kplɛɛe nɛ nɔ ko ba bi mi ní ha nyɛ. Imi, Nyɔmtsɛ Yawɛ lɛ i de.

Ezekiel 20:26

I ha nɛ a ngɔ mɛ nitsɛmɛ a bɔhi kɛ ble a he, nɛ a ngɔ mɛ nitsɛmɛ a bitɛtehi hu kɛ sã bɔ. I ngɔ enɛ ɔ kɛ gbla a tue, konɛ a le kaa imi ji Yawɛ.

Ezekiel 16:47

Pi kaa o ya wo o nyɛmiyi ɔmɛ a nane ngɛ yayamihi nɛ a pee ɔ a mi kɛkɛ, se e yi be ko kulaa nɛ o ba puɛ wawɛɛ pe mɛ ngɛ blɔ tsuaa blɔ nɔ ngɛ o je mi bami tsuo mi.”

Ezekiel 16:21

nɛ lɔ ɔ he o kpale gbe ye bimɛ ɔmɛ, nɛ o ngɔ mɛ kɛ pee sami bɔ kɛ ha amagahi ɔ?

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

La 106:35

Mohu ɔ, a ya futu je ma amɛ, nɛ a kase a ní peemi ní ɔmɛ.

Kronika II, 33:6

E ngɔ e binyumuhi kɛ sã sami bɔhi ngɛ Hinom kɔ̃ ɔ mi. E kla, e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Kronika II, 33:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Kronika II, 22:3

Ahazia hu ya wo Ahab nane nɛ e kɛ pee yayami; ejakaa e nyɛ ji nɔ nɛ woɔ lɛ ga.

Matsɛmɛ II, 23:10

Jehanɛ se hu, Matsɛ Yosia ya ble Tofet, nɛ ji jami he ɔ nɛ ngɛ Hinom kɔ̃ ɔ mi ɔ, bɔ nɛ pee nɛ nɔ ko nɛ ko ya sã e binyumu, loo e biyo bɔ kɛ ha Molek ngɛ lejɛ ɔ hu.

Matsɛmɛ II, 21:6

E ngɔ e binyumu kɛ sã sami bɔ; e kla, nɛ e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Matsɛmɛ II, 8:18

E ngɔ Ahab biyo; nɛ kaa bɔ nɛ Ahab we ɔ pee ɔ, lɛ hu e ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Matsɛmɛ I, 14:24

Jehanɛ se hu, ngɛ a jami kusumi komɛ a mi ɔ, nyumu komɛ kɛ a sibi nyumuhi na bɔmi kaa nyumu kɛ yo. Yuda ma a pee zo níhi, kɛ níhi nɛ a hiee po pe níhi nɛ je ma amɛ nɛ Yawɛ fie kɛ je Israel bi ɔmɛ a blɔ nɔ ɔ pee ɔ tsuo pɛpɛɛpɛ.

Mose V, 18:10

Mo ko sã o bimɛ ngɛ o bɔ sami la tɛ nɔ; jehanɛ hu, nyɛ ti nɔ ko kó klaa, e ko pee nyakpɛ ní, e ko nu wɔ, e ko tsu kunya,

Mose III, 20:2

e de Israel bi ɔmɛ ke, “Ke nyɛ ti nɔ ko, loo nubwɔ ko nɛ ngɛ nyɛ kpɛti ngɔ e bi kɛ ha nɛ a kɛ ja mawu ɔ nɛ a tsɛɛ Molek ɔ, ma a tsuo nɛ fia lɛ tɛ nɛ e gbo.

Matsɛmɛ II, 17:8

Jehanɛ, je ma amɛ nɛ Yawɛ fie kɛ je a blɔ ɔ nɔ ɔ, Israel bi ɔmɛ bɔni a kusumi níhi peemi; slo ma se kusumi kpahi nɛ Israel matsɛmɛ ɔmɛ ngɔ kɛ ba a hulɔ.

Matsɛmɛ II, 17:19

Yuda wɛtso ɔ nitsɛ po yi Yawɛ, a Mawu ɔ mlaa amɛ a nɔ. Ma se kusumihi nɛ Israel kɛ ba a, lɔ ɔmɛ a he ní mɛ hu a tsuɔ.

Mika 6:7

Anɛ Yawɛ ma na bua jɔmi, ke i ba ha lɛ agbosu akpehi, loo nu nɛ hiɛ babauu kaa pa nɛ ngɛ bee lo? Anɛ ma ngɔ ye kekleekle bi ba ha lɛ kɛ wo ye yayami ɔmɛ a he hiɔ lo?

Matsɛmɛ II, 17:16

Mlaahi nɛ Yawɛ, a Mawu ɔ wo mɛ ɔ, a yi ekoeko nɔ; se mohu a ngɔ dade nɛ a sle kɛ pee na bi enyɔ kɛ ha a he. A pee Ashera, nɛ a ja hiɔwe níhi tsuo; a ja Baal hulɔ.

Matsɛmɛ II, 21:9

Se Yuda ma a bui Yawɛ tue, nɛ Manase mlɔɔ mɛ nɛ a ya pee yayami nɛ kle kulaa pe yayami nɛ je ma amɛ pee loko Yawɛ kpata a hɛ mi kɛ je Israel bi ɔmɛ a blɔ mi ɔ po.

Yesaya 57:5

Nyɛ nɛ nyɛ he mi akɔnɔ teɔ si, nɛ́ nyɛɛ kɛ bɔɔ ajuama ngɛ tso nguanguahi nɛ bɔ kusuu a sisi. Nyɛ ngɔɔ nyɛ bimɛ kɛ sãã bɔ ngɛ tɛ puɔhi a mi ngɛ kɔ̃ ɔmɛ a mi.