Matsɛmɛ II, 16:16 - BAIBLO ALOO NGMAMI KLƆUKLƆU Ɔ

¹⁶ Osɔfo Uria pee kaa bɔ nɛ Matsɛ Ahaz fa lɛ ke e pee ɔ pɛpɛɛpɛ.

Matsɛmɛ II, 16:16 ပူးပေါင်းရင်းမြစ်များ

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

1 Tesalonikabi 2:4

Mohu ɔ, wa tuɔ munyu kaa bɔ nɛ Mawu tsɔɔ wɔ ke waa pee ɔ; ejakaa e na wɔ kaa nihi nɛ sa nɛ a tu sane kpakpa a ngɔ wo a dɛ mi. Wa hla we kaa waa sa nimli a hɛ mi, se mohu kaa wa maa sa Mawu pɛ hɛ mi; ejakaa lɛ nɛ e le bɔ nɛ wa tsui mi ngɛ ha.

Ni Tsumi 5:29

Petro, kɛ bɔfo kpa amɛ he nɔ ke, “E sa kaa waa bu Mawu mohu tue, se pi nimli.

Ni Tsumi 4:19

Se Petro kɛ Yohane he nɔ nɛ a de mɛ ke, “Ke e da blɔ ngɛ Mawu hɛ mi kaa a bu nyɛ mohu tue pe Mawu ɔ, nyɛɛ kojo.

Matsɛmɛ II, 16:11

Nɛ loko Matsɛ Ahaz je Damasko kɛ ba a, osɔfo Uria puɛ bɔ sami la tɛ nɛ henɔ ngɛ kaa nɔ́ nɛ Matsɛ Ahaz ngɔ kɛ mane lɛ kɛ je Damasko ɔ pɛpɛɛpɛ.

Matsɛmɛ II, 16:15

Kɛkɛ nɛ Matsɛ Ahaz fa osɔfo Uria ke, “Moo sã mɔtu sami bɔ, gbɔkuɛ niye ní bɔ, matsɛ sami bɔ, e niye ní bɔ, kɛ zugba a nɔ bimɛ tsuo a sami bɔ ɔmɛ, kɛ a niye ní bɔ ɔmɛ ngɛ bɔ sami la tɛ ngua nɛ ɔ nɔ. Moo sã wai bɔ ngɛ lejɛ ɔ, nɛ o ngɔ lohwehi nɛ a kɛ ba sã sami bɔ, kɛ bɔ kpa amɛ a muɔ kɛ fĩa nɔ. Se akɔblee bɔ sami la tɛ ɔ lɛɛ mo si ha mi nɛ ma bi ní ngɛ lejɛ ɔ.”

Matsɛmɛ II, 16:17

Matsɛ Ahaz pee sisi daka amɛ a nɔ dami ní ɔmɛ, nɛ e je tsesi ɔmɛ ngɛ a nɔ. Jehanɛ, e je akɔblee nyu nɔ́ ngua a kɛ je akɔblee na ku ɔmɛ a se mi kɛ ma tɛ nɔ ngɛ zugba.

Matsɛmɛ II, 21:4

Yawɛ we ɔ ngɛ Yerusalem, he nɛ Yawɛ ke a ja lɛ pɛ ngɛ ɔ, Manase puɛ bɔ sami la tɛhi ngɛ lejɛ ɔ.

Kronika II, 33:4

Yawɛ we ɔ ngɛ Yerusalem, he nɛ Yawɛ to nɛ a ja lɛ ngɛ daa a, Manase puɛ bɔ sami la tɛhi ngɛ lejɛ ɔ kɛ ha Baal ɔmɛ.

Yesaya 8:2

Ngɔɔ nihi enyɔ nɛ a buu mɛ saminya kɛ pee odase yeli. Mɛ ji Uria, kɛ Zakaria, Yeberekia bi ɔ.”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.