Matsɛmɛ II, 16:14 - BAIBLO ALOO NGMAMI KLƆUKLƆU Ɔ

¹⁴ Lɔ ɔ se ɔ, e je akɔblee bɔ sami la tɛ momo ɔ nɛ maa Yawɛ hɛ mi ɔ kɛ je e ma he ɔ ngɛ Yawɛ we ɔ, kɛ e bɔ sami la tɛ he ɔ a kpɛti ɔ, nɛ e kɛ ya ma e bɔ sami la tɛ he ɔ we omleyi je.

Matsɛmɛ II, 16:14 ပူးပေါင်းရင်းမြစ်များ

Kronika II, 4:1

Matsɛ Salomo ha nɛ a pee akɔblee bɔ sami la tɛ; e kami ji gugue enuɔ, e blimi ji gugue enuɔ, nɛ e hiɔwe yami ji gugue enyɔ kɛ fa.

Mose II, 40:29

E ngɔ bɔ sami la tɛ ɔ nɛ a sãã sami bɔ ngɛ nɔ ɔ kɛ ma kpe he bo tsu ɔ sinya a nya, nɛ e sã sami bɔ, kɛ niye ní bɔ ngɛ nɔ kaa bɔ nɛ Yawɛ fa lɛ ɔ.

Mose II, 40:6

Ngɔɔ bɔ sami la tɛ ɔ nɛ a sãã sami bɔ ngɛ nɔ ɔ kɛ ma kpe he bo tsu ɔ sinya a nya.

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Kronika II, 1:5

Akɔblee bɔ sami la tɛ ɔ nɛ Uri bi Bezalel, Hur bibi ɔ pee ɔ hu maa si ngɛ kpe he bo tsu ɔ hɛ mi ngɛ Gibeon. Matsɛ Salomo kɛ ma a tsuo ya ja Yawɛ ngɛ lejɛ ɔ.

Matsɛmɛ II, 16:11

Nɛ loko Matsɛ Ahaz je Damasko kɛ ba a, osɔfo Uria puɛ bɔ sami la tɛ nɛ henɔ ngɛ kaa nɔ́ nɛ Matsɛ Ahaz ngɔ kɛ mane lɛ kɛ je Damasko ɔ pɛpɛɛpɛ.

Mose II, 27:1

“Ngɔɔ akasia tso kɛ pee bɔ sami la tɛ. E hi kɔ nya eywiɛ; e kami nɛ pee nine mi blimi nyɔngma, e blimi nine mi blimi nyɔngma, kɛ e si temi nine mi blimi ekpa.

Mose II, 27:2

Moo pee kolihi ngɛ e kɔ nya eywiɛ ɔmɛ, nɛ a kɛ bɔ sami la tɛ ɔ nɛ tsa. A ngɔ akɔblee kɛ ha he.

Matsɛmɛ II, 16:13

E sã sami bɔ, kɛ niye ní bɔ ngɛ nɔ. E sã wai bɔ, nɛ lohwe ɔ nɛ e kɛ sã tue mi jɔmi bɔ ɔ, e fĩa e muɔ kɛ pue bɔ sami la tɛ ɔ nɔ.

Matsɛmɛ II, 16:15

Kɛkɛ nɛ Matsɛ Ahaz fa osɔfo Uria ke, “Moo sã mɔtu sami bɔ, gbɔkuɛ niye ní bɔ, matsɛ sami bɔ, e niye ní bɔ, kɛ zugba a nɔ bimɛ tsuo a sami bɔ ɔmɛ, kɛ a niye ní bɔ ɔmɛ ngɛ bɔ sami la tɛ ngua nɛ ɔ nɔ. Moo sã wai bɔ ngɛ lejɛ ɔ, nɛ o ngɔ lohwehi nɛ a kɛ ba sã sami bɔ, kɛ bɔ kpa amɛ a muɔ kɛ fĩa nɔ. Se akɔblee bɔ sami la tɛ ɔ lɛɛ mo si ha mi nɛ ma bi ní ngɛ lejɛ ɔ.”

Kronika II, 29:19

Jehanɛ, ní klɔuklɔuhi tsuo nɛ Matsɛ Ahaz hɛ ngɔ fɔ he benɛ e kpa Yawɛ se nyɛɛmi ɔ, wa bua tsuo nya nɛ wa pee mɛ klɔuklɔu ekohu. Amlɔ nɛ ɔ, ní ɔmɛ pueɔ si ngɛ Yawɛ bɔ sami la tɛ ɔ hɛ mi.”

Ezekiel 43:8

Matsɛmɛ ɔmɛ pee a kpoku ɔmɛ, nɛ a ma a sinya tso ɔmɛ ngɛ ye kpoku ɔmɛ, kɛ ye sinya tso ɔmɛ a kasa nya haa, nɛ gbogbo kɛkɛ lɛ po wa kpɛti. Se a ngɔ a ní hiemi níhi nɛ a pee ɔ kɛ ble ye biɛ klɔuklɔu ɔ; lɔ ɔ he ɔ, i kɛ abofu kpata a hɛ mi.