Matsɛmɛ II, 16:10 - BAIBLO ALOO NGMAMI KLƆUKLƆU Ɔ

¹⁰ Benɛ Matsɛ Ahaz, kɛ Asiria matsɛ, Tiglat Pileser ya kpe ngɛ Damasko ɔ, e na bɔ sami la tɛ ɔ ngɛ lejɛ ɔ. Matsɛ Ahaz ngɔ bɔ sami la tɛ ɔ henɔ pɛpɛɛpɛ kɛ mane osɔfo Uria.

Matsɛmɛ II, 16:10 ပူးပေါင်းရင်းမြစ်များ

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Yesaya 8:2

Ngɔɔ nihi enyɔ nɛ a buu mɛ saminya kɛ pee odase yeli. Mɛ ji Uria, kɛ Zakaria, Yeberekia bi ɔ.”

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

Mateo 15:9

Yaka gu a jaa mi, ejakaa tsɔɔmihi nɛ a tsɔɔ ji mlaahi nɛ nimli pee.’ ”

Mateo 15:6

Kikɛ nɛ ɔ nyɛ peeɔ, nɛ nyɛ siɔ Mawu mlaa a, nɛ nyɛ ya nyɛɛɔ nyɛ nitsɛmɛ nyɛ kusumihi a se.

Ezekiel 43:11

Ke a hɛ mi pue si kikɛ nɛ ɔ ngɛ a yayami ɔmɛ a he ɔ, lɛɛ ngɔɔ we ɔ he nɔ́ tsuaa nɔ́ kɛ tsɔɔ mɛ: e kami, e blimi, e hiɔwe yami, e blɔ nya tomi, hehi nɛ a guu kɛ sɛɛ we ɔ mi, kɛ hehi nɛ a guu kɛ jee kpo. Tsɔɔ mɛ mlaahi nɛ kɔɔ we ɔ he tsuo. Kadi ní nɛ ɔmɛ tsuo ngɛ womi nɔ ha mɛ, konɛ a na bɔ nɛ a to ní ɔmɛ pɛpɛɛpɛ ha, bɔ nɛ blɔ nya tomi ɔmɛ, kɛ ye mlaa amɛ tsuo ngɛ, nɛ a ye a nɔ fitsofitso.

Ezekiel 43:8

Matsɛmɛ ɔmɛ pee a kpoku ɔmɛ, nɛ a ma a sinya tso ɔmɛ ngɛ ye kpoku ɔmɛ, kɛ ye sinya tso ɔmɛ a kasa nya haa, nɛ gbogbo kɛkɛ lɛ po wa kpɛti. Se a ngɔ a ní hiemi níhi nɛ a pee ɔ kɛ ble ye biɛ klɔuklɔu ɔ; lɔ ɔ he ɔ, i kɛ abofu kpata a hɛ mi.

Yeremia 10:2

Yawɛ ke, “Nyɛ ko ya nyɛɛ je ma kpa amɛ a blɔ ɔmɛ a nɔ; ke nyɛ na okadihi ngɛ hiɔwe ɔ, nyɛ ko ye mɛ gbeye kaa bɔ nɛ je ma kpa amɛ yeɔ gbeye ɔ.

La 106:39

A kɛ a ní peemi ble mɛ nitsɛmɛ a he, nɛ Mawu hu a yi lɛ anɔkuale.

Kronika I, 28:19

Matsɛ David de Salomo ke, “Foni ɔ nɛ Yawɛ nitsɛ ha nɛ a pee, nɛ e ngɔ ha mi nɛ ma hyɛ nɔ kɛ tsu ní ɔ, a ngma ní nɛ ɔmɛ tsuo kɛ wo mi.”

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Mose V, 12:30

Ke Yawɛ kpata jamɛ a je ma amɛ a hɛ mi se ɔ, nyɛɛ hyɛ saminya nɛ nyɛ ko ya nyɛɛ a we amaga jami ní peemi ní ɔmɛ a se, ejakaa e maa pee gbenɔ ha nyɛ. Nyɛ ko hla a mawu ɔmɛ a se blɔ, nɛ nyɛ ko bi ke, ‘Kɛ jamɛ a ni ɔmɛ jaa a mawu ɔmɛ kɛɛ, konɛ wɔ hu waa pee ja!’

Mose II, 39:43

Mose ya nɛ e ya hyɛ nɔ́ tsuaa nɔ́, nɛ e na kaa a tsu ní ɔ pɛpɛɛpɛ kaa bɔ nɛ Yawɛ fa lɛ ɔ. Nɛ Mose gbaa mɛ.

Mose II, 24:4

Mose ngma níhi tsuo nɛ Yawɛ de lɛ ɔ. E nɔ jena makɛ ɔ, e ya puɛ bɔ sami la tɛ ngɛ yo ɔ sisi, nɛ e ma titima nyɔngma kɛ enyɔ ngɛ Israel wɛtso nyɔngma kɛ enyɔ ɔmɛ a nya.

Matsɛmɛ II, 16:11

Nɛ loko Matsɛ Ahaz je Damasko kɛ ba a, osɔfo Uria puɛ bɔ sami la tɛ nɛ henɔ ngɛ kaa nɔ́ nɛ Matsɛ Ahaz ngɔ kɛ mane lɛ kɛ je Damasko ɔ pɛpɛɛpɛ.

Matsɛmɛ II, 21:4

Yawɛ we ɔ ngɛ Yerusalem, he nɛ Yawɛ ke a ja lɛ pɛ ngɛ ɔ, Manase puɛ bɔ sami la tɛhi ngɛ lejɛ ɔ.

Ezekiel 16:28

“O ya bɔ ajuama kɛ kpa zugba a tsuo nɔ kɛ ya su Asiria bi ɔmɛ a ngɔ tɔɔ. O kɛ mɛ bɔ ajuama basaa, se lɔ ɔ tete po sui o nya.

Ezekiel 44:12

Akɛnɛ a nyɛɛ Israel ma a hɛ mi kɛ ya ja amagahi, nɛ a ha a pee yayami kɛ si mi he je ɔ, imi Nyɔmtsɛ Yawɛ, i ngɛ ye he kita kae ke ma gbla a tue kokooko.

Yoshua 22:28

Wa juɛmi ji, ke e maa ba mi ja a, wa nina ma nyɛ ma de ke, ‘Nyɛ nɛ́ kaa wa nɛmɛ ɔmɛ ma bɔ sami la tɛ nɛ ngɛ kaa Yawɛ bɔ sami la tɛ ɔ pɛpɛɛpɛ lo? A ma bɔ sami la tɛ nɛ ɔ, pi nɛ a sã sami bɔ, loo bɔ kpa komɛ ngɛ nɔ; se mohu kaa e pee okadi ha nyɛ nina, kɛ wa nina.’