Matsɛmɛ II, 15:8 - BAIBLO ALOO NGMAMI KLƆUKLƆU Ɔ

⁸ Yuda matsɛ, Uzia yi nɔ, jeha nɛ ji nyingmi etɛ kɛ kpaanyɔ ɔ mi ɔ, Yeroboam binyumu Zakaria ba ye tsɛ ngɛ Israel ma a nɔ. E hi Samaria kɛ ye matsɛ nyɔhiɔ ekpa.

Matsɛmɛ II, 15:8 ပူးပေါင်းရင်းမြစ်များ

Matsɛmɛ II, 14:29

Yeroboam ba gbo, nɛ a pu lɛ ngɛ Israel matsɛmɛ ɔmɛ a yɔkɔ ɔ mi; nɛ e binyumu Zakaria ba ye matsɛ ngɛ e se.

Matsɛmɛ II, 14:21

Yuda ma a tsuo wo Uzia matsɛ ngɛ e tsɛ Amazia se. Jamɛ a be ɔ mi ɔ, e ye jeha nyɔngma kɛ ekpa.

Matsɛmɛ II, 15:1

Israel matsɛ, Yeroboam yi nɔ jeha nɛ ji nyingmi enyɔ kɛ kpaago ɔ mi ɔ, Yuda matsɛ, Uzia, Amazia binyumu ɔ bɔni tsɛ yemi ngɛ Yuda ma a nɔ.

Matsɛmɛ II, 15:7

Uzia ba gbo, nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi; nɛ e binyumu Yotam ba ye matsɛ ngɛ e se.

Matsɛmɛ II, 15:9

E pee yayami kɛ si Yawɛ kaa bɔ nɛ matsɛmɛ ɔmɛ nɛ nyɛɛ e hɛ mi ɔ pee ɔ pɛpɛɛpɛ. Yayamihi nɛ Nebat binyumu Yeroboam ha nɛ Israel pee ɔ, e ngmɛɛ we he.

Matsɛmɛ II, 15:13

Yuda matsɛ, Uzia yi nɔ jeha nɛ ji nyingmi etɛ kɛ nɛɛ ɔ mi ɔ, Yabesh binyumu Shalum ba ye tsɛ ngɛ Israel ma a nɔ. E hi Samaria kɛ ye matsɛ nyɔhiɔ kake.

Matsɛmɛ II, 15:17

Yuda matsɛ, Uzia yi nɔ jeha nɛ ji nyingmi etɛ kɛ nɛɛ ɔ mi ɔ, Gadi binyumu Menahem bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyɔngma.

Matsɛmɛ II, 15:23

Yuda matsɛ, Uzia yi nɔ jeha nɛ ji nyingmi enuɔ ɔ mi ɔ, Menahem binyumu Pekahia ba bɔni tsɛ yemi ngɛ Israel ma a nɔ. E hi Samaria kɛ ye matsɛ jeha enyɔ.

Abɛ Womi 28:2

Ma nɛ peeɔ yayami ɔ, pe a hii ma nɔ yeli ɔmɛ tsakee nɔtonɔto kpamisa. Se ma nɛ ní leli, kɛ nɔ́ sisi nuli hiɛ ngɛ mi ɔ, e maa si kpɛii.

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

Amos 7:9

A ma kpata hehi tsuo nɛ Isak nina a jaa mi ngɛ ɔ a hɛ mi. Israel he klɔuklɔu ɔmɛ maa pee kaa kuku nɔ, nɛ ma ha nɛ Yeroboam matsɛ yemi ɔ se maa po.”

Matsɛmɛ II, 10:30

Yawɛ de Yehu ke, “Nɔ́ tsuaa nɔ́ nɛ o pee ɔ sa ye hɛ mi; bɔ nɛ i to nɛ ma pee Ahab we ɔ, ja o pee ɔ nɛ. Enɛ ɔ he ɔ, o bimɛ maa hi Israel matsɛ sɛ ɔ nɔ kɛ yaa si yi nɔ eywiɛne ɔ.”