Matsɛmɛ II, 15:32 - BAIBLO ALOO NGMAMI KLƆUKLƆU Ɔ

³² Israel matsɛ, Peka, Remalia binyumu ɔ yi nɔ jeha enyɔne ɔ mi ɔ, Uzia binyumu Yotam ba bɔni tsɛ yemi ngɛ Yuda ma a nɔ.

Matsɛmɛ II, 15:32 ပူးပေါင်းရင်းမြစ်များ

Kronika I, 3:12

Amazia, Uzia, Yotam,

Matsɛmɛ II, 15:7

Uzia ba gbo, nɛ a pu lɛ ngɛ matsɛmɛ ɔmɛ a yɔkɔ ɔ mi ngɛ David ma a mi; nɛ e binyumu Yotam ba ye matsɛ ngɛ e se.

Mateo 1:9

Uzia fɔ Yotam, nɛ Yotam fɔ Ahaz, nɛ Ahaz fɔ Hezekia.

Matsɛmɛ II, 15:27

Yuda matsɛ, Uzia yi nɔ jeha nɛ ji nyingmi enuɔ kɛ enyɔ ɔ mi ɔ, Remalia binyumu Peka bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyingmi enyɔ.

Matsɛmɛ II, 15:23

Yuda matsɛ, Uzia yi nɔ jeha nɛ ji nyingmi enuɔ ɔ mi ɔ, Menahem binyumu Pekahia ba bɔni tsɛ yemi ngɛ Israel ma a nɔ. E hi Samaria kɛ ye matsɛ jeha enyɔ.

Matsɛmɛ II, 15:17

Yuda matsɛ, Uzia yi nɔ jeha nɛ ji nyingmi etɛ kɛ nɛɛ ɔ mi ɔ, Gadi binyumu Menahem bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyɔngma.

Matsɛmɛ II, 15:13

Yuda matsɛ, Uzia yi nɔ jeha nɛ ji nyingmi etɛ kɛ nɛɛ ɔ mi ɔ, Yabesh binyumu Shalum ba ye tsɛ ngɛ Israel ma a nɔ. E hi Samaria kɛ ye matsɛ nyɔhiɔ kake.

Matsɛmɛ II, 15:1

Israel matsɛ, Yeroboam yi nɔ jeha nɛ ji nyingmi enyɔ kɛ kpaago ɔ mi ɔ, Yuda matsɛ, Uzia, Amazia binyumu ɔ bɔni tsɛ yemi ngɛ Yuda ma a nɔ.

Matsɛmɛ II, 14:21

Yuda ma a tsuo wo Uzia matsɛ ngɛ e tsɛ Amazia se. Jamɛ a be ɔ mi ɔ, e ye jeha nyɔngma kɛ ekpa.

Matsɛmɛ II, 15:31

Peka he sanehi kpahi, kɛ níhi tsuo nɛ e pee ɔ, a ngma ngɛ Israel Matsɛmɛ ɔmɛ a Yi nɔ Sanehi Womi ɔ mi.

Matsɛmɛ II, 15:33

Jamɛ a be ɔ, e ye jeha nyingmi enyɔ kɛ enuɔ, nɛ e hi Yerusalem kɛ ye matsɛ jeha nyɔngma kɛ ekpa. E nyɛ ji Zadok biyo Yerusha.

Kronika I, 5:17

A bua sane nɛ ɔmɛ tsuo a nya ngɛ Yuda matsɛ, Yotam, kɛ Israel matsɛ, Yeroboam a be ɔmɛ a mi.

Yesaya 1:1

Sɛ gbihi nɛ kɔɔ Yuda kɛ Yerusalem a he nɛ a ngma ngɛ womi nɛ ɔ mi. Mawu je nina nɛ ɔmɛ kpo kɛ tsɔɔ Yesaya, Amoz bi ɔ, ngɛ Yuda matsɛmɛ, Uzia, Yotam, Ahaz, kɛ Hezekia a yi nɔ.

Mika 1:1

Yuda matsɛmɛ, Yotam, Ahaz, kɛ Hezekia a yi nɔ ɔ, Yawɛ kɛ sɛ gbi nɛ ɔ ha Mika nɛ je Moreshet ɔ. Yawɛ je ní nɛ ɔmɛ nɛ kɔɔ Samaria kɛ Yerusalem ma amɛ a he ɔ ngɔ tsɔɔ Mika.

Matsɛmɛ II, 15:5

Yawɛ ha nɛ matsɛ ɔ nu he womi nɔ hiɔ yaya; nɛ hiɔ nɛ ɔ ngɛ e he kɛ ya si e gbenɔ ligbi. Enɛ ɔ he je ɔ, e klɛ̃ kɛ ya hi we kpa mi, nɛ e binyumu Yotam ba hi matsɛ we ɔ, nɛ e kɛ hyɛ ma a nɔ.

Matsɛmɛ II, 15:30

Yuda matsɛ, Yotam, Uzia binyumu ɔ yi nɔ jeha nɛ ji nyingmi enyɔ ɔ mi ɔ, Ela binyumu Hoshea so Matsɛ Peka yi nɔ nɛ e fia lɛ nɔ́ nɛ e gbe; nɛ e ye matsɛ ngɛ e se.