Matsɛmɛ II, 15:30 - BAIBLO ALOO NGMAMI KLƆUKLƆU Ɔ

³⁰ Yuda matsɛ, Yotam, Uzia binyumu ɔ yi nɔ jeha nɛ ji nyingmi enyɔ ɔ mi ɔ, Ela binyumu Hoshea so Matsɛ Peka yi nɔ nɛ e fia lɛ nɔ́ nɛ e gbe; nɛ e ye matsɛ ngɛ e se.

Matsɛmɛ II, 15:30 ပူးပေါင်းရင်းမြစ်များ

Matsɛmɛ II, 17:1

Yuda matsɛ, Ahaz yi nɔ jeha nɛ ji nyɔngma kɛ enyɔ ɔ, Ela binyumu Hoshea ba bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nɛɛ.

Hosea 10:15

Betel bi, nɔ́ nɛ maa ba nyɛ nɔ ji nɛ ɔ nɛ; ejakaa nyɛ pee yayami gbegbeegbe. A ma kpata Israel matsɛ ɔ hɛ mi pɛsɛpɛsɛ ngɛ ta mi.”

Hosea 10:7

Samaria matsɛ ɔ hɛ mi ma kpata kaa tso kpoku ngɛ pa hɛ mi.

Hosea 10:3

Kɛkɛ ɔ, a ma de ke, “Wa be matsɛ, ejakaa wa yi Yawɛ gbeye. Ke wa ngɛ matsɛ po, mɛni e ma nyɛ maa pee ha wɔ?”

Yesaya 8:6

E ke, “Akɛnɛ ma nɛ ɔ sume Shiloa pa a nɛ mi nyu ɔ bee dii ɔ, se Matsɛ Rezin kɛ Matsɛ Peka mohu he a he ngɛ doe ngɛ ɔ,

Kronika II, 28:16

Pee se ɔ, Edom bi ɔmɛ ba tua Yuda ekohu, nɛ a nuu ta nyɔguɛhi babauu kɛ ho. Enɛ ɔ he je ɔ, Matsɛ Ahaz tsɔ ya de Asiria matsɛ, Tiglat Pileser ke e ba je ngmlaa ha lɛ.

Matsɛmɛ II, 16:1

Israel matsɛ Peka, Remalia binyumu ɔ yi nɔ jeha nɛ ji nyɔngma kɛ kpaago ɔ mi ɔ, Yuda matsɛ, Yotam binyumu Ahaz ba bɔni tsɛ yemi ngɛ Yuda ma a nɔ.

Matsɛmɛ II, 15:25

Pekahia we asafoatsɛ Peka, Remalia binyumu ɔ, kɛ Gilead bi nyingmi enuɔ so Pekahia yi nɔ, nɛ a gbe lɛ ngɛ matsɛ we ɔ mɔ ɔ mi ngɛ Samaria; nɛ Peka ye matsɛ ngɛ e se.

Matsɛmɛ II, 15:10

Yabesh binyumu Shalum so Matsɛ Zakaria yi nɔ, nɛ e fia lɛ nɔ́ nɛ e gbe ngɛ Ibleam; nɛ e ye matsɛ ngɛ e se.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ II, 15:31

Peka he sanehi kpahi, kɛ níhi tsuo nɛ e pee ɔ, a ngma ngɛ Israel Matsɛmɛ ɔmɛ a Yi nɔ Sanehi Womi ɔ mi.

Yesaya 7:16

Jamɛ a be ɔ be sue tete po nɛ matsɛmɛ enyɔ ɔmɛ nɛ ngɛ nyɛ he gbeye woe ɔ a zugba amɛ a nɔ maa je gu.