Matsɛmɛ II, 14:10 - BAIBLO ALOO NGMAMI KLƆUKLƆU Ɔ

¹⁰ Amazia, o gbe Edom bi ɔmɛ; enɛ ɔ he je ɔ, o ngɛ o he nɔ woe. Amlɔ nɛ ɔ, o he biɛ. Lɔ ɔ he ɔ, ha nɛ o bua nɛ jɔ o he nɛ o hi si ngɛ o we mi. Mɛni he je nɛ o ngɛ sane yee kikɛ nɛ ɔ? Anɛ o li kaa nɔ́ nɛ ɔ kɛ haomi maa ba o kɛ Yuda tsuo nyɛ nɔ lo?”

Matsɛmɛ II, 14:10 ပူးပေါင်းရင်းမြစ်များ

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Mose V, 8:14

nyɛɛ hyɛ saminya nɛ nyɛ ko wo nyɛ he nɔ, nɛ nyɛ hɛ ba je Yawɛ, nyɛ Mawu ɔ nɔ. Lɛ nɛ je nyɛ kɛ je Egipt, he nɛ a ye nyɛ nyɔguɛ ngɛ ɔ.

Kronika II, 32:25

Se kpakpa nɛ ɔ nɛ a pee Hezekia a, e nɛ Yawɛ si, nɛ e je we Yawɛ yi kɛ to nane mi; mohu ɔ, e wo e he nɔ. Enɛ ɔ he je ɔ, Yawɛ mi mi fu lɛ, kɛ Yuda, kɛ Yerusalem.

Abɛ Womi 20:3

Nɔ nɛ bu ngɛ e he ɔ, e yuu e he kɛ jee pɛ he. Kuasiahi lɛ a hii pɛe kpamisa.

Abɛ Womi 16:18

Nɔ nɛ woɔ e he nɔ ɔ, e hɛ mi kpataa; nɔ nɛ tsɔɔ e he ɔ, e blɔ nya jeɔ e dɛ.

Abɛ Womi 15:18

Nɔ nɛ woɔ e mi mi la a, e tleɔ pɛ si; se nɔ nɛ mi mi fu we mla a, e kpataa pɛ, nɛ tue mi jɔmi baa.

Abɛ Womi 3:30

O kɛ nɔ ko nɛ ko pɛ yaka gu be mi nɛ e pee we mo nɔ́ yaya ko.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

Yakobo 1:9

Kristo se nyɛɛlɔ ohiatsɛ ɔ, ke Mawu wo e nɔ ɔ, e fĩa;

Habakuk 2:4

Enɛ ɔ ji sɛ gbi ɔ nɛ: ‘Yayami peeli a hɛ mi ma kpata; se dali lɛɛ, akɛnɛ a yeɔ Mawu anɔkuale ɔ, a yi ma na wami.’ ”

Ezekiel 38:17

Nyɔmtsɛ Yawɛ ke blema lokoo nɛ i ha ye tsɔli, Israel gbali ɔmɛ gba jehahi babauu ke be ma nɛ ma ha nɔ ko ma ba ye ye ma Israel nɔ ɔ, anɛ mo o he i de ngɛ lo?”

Ezekiel 38:5

Persia bi, Sudan bi, kɛ Libia bi piɛ a he. Ni nɛ ɔmɛ tsuo hɛɛ tsɛ̃i, nɛ a bu dade pɛɛ.

Ezekiel 38:2

E ke, “Nɔmlɔ adesa, gbaa kɛ si Gog, ganɔ ngua a nɛ ngɛ Meshek, kɛ Tubal ngɛ Magog zugba a nɔ ɔ. Gbaa kɛ si lɛ.

Abɛ Womi 26:17

Nɔ nɛ kɛ e he woɔ pɛ nɛ kɔ we e he mi ɔ, e ngɛ kaa nɔ ko nɛ na gbe nɛ bee nɛ e nu gbe ɔ tue.

Abɛ Womi 25:8

Nɔ bi nya sɔɛ ngɛ sane yemi he kɛ de nɔ́ nɛ e na. Ke o nya sɔ kɛ tu munyu, nɛ nyagbe ɔ, o nyɛmi ba pue o hɛ mi si ɔ, kɛ o maa pee kɛɛ?

Abɛ Womi 17:14

Pɛ sisi jemi ngɛ kaa nyu nɛ a bli nya nɛ́ e be; lɔ ɔ he ɔ, benɛ nya sami ɔ mi wɛ lolo ɔ, moo ngmɛɛ he.

Kronika II, 35:21

Se Neko ngɔ sɛ gbi nɛ ɔ mane Yosia ke, “Ta nɛ i gba nɛ ɔ kɔ we mo, Yuda matsɛ, o he. Tsa pi mo nɛ i kɛ na; pe i ba nɛ i kɛ ye he nyɛli ɔmɛ nɛ ba hwu, nɛ Mawu de mi ke ma pee esɔ. Mawu kɛ mi ngɛ. Lɔ ɔ he ɔ, koo te si ngɔ wo mi nɛ e ko ba kpata o hɛ mi.”

Matsɛmɛ II, 14:7

Amazia gbe Edom ta buli akpe nyɔngma ngɛ Ngo kɔ̃ ɔ mi. E kpɔ Sela ma a ngɛ ta mi, nɛ e wo lɛ biɛ ke Yokteel; nɛ ja a tsɛɛ ma nɛ ɔ kɛ ba si mwɔnɛ ɔ.

Mose II, 8:9

Mose de Farao ɔ ke, “Moo lɛɛ e je o nya nɛ o de kɛkɛ kaa be nɛ ɔ mi ɔ, ma kpa pɛɛ ha mo, kɛ o ma mi bi ɔmɛ, kɛkɛ a maa gbe ovɔnɔ ɔmɛ nɛ a be eko nae ngɛ he ko, ja Nilo pa a mi pɛ.”

Habakuk 2:5

Ní nami babauu sisiɔ nɔ. Nihi nɛ bua ní nya ha a he ɔ, a woɔ a he nɔ, nɛ a he mi jɔɛ mɛ; a ngɛ kaa gbenɔ kɛ gbeje, a tɔɛ gblee. Enɛ ɔ he je nɛ a kɛ ma tsuaa ma hwuu ta, nɛ a ngɔɔ ma amɛ kakaaka a nɛ.

Manyadali 9:52

Abimelek ba nɛ e ba tua mɔ ɔ. Se be nɛ e maa ho mɔ ɔ sinya a he sumi ya konɛ e mɛ he la a,

Ezekiel 28:5

O ngɛ jua yemi he juɛmi saminya, nɛ o ná ní babauu. Lɔ ɔ he ɔ, o wo o he nɔ gojoo ke niatsɛ ji mo!

Daniel 11:12

Nɔ́ nɛ ɔ ma ha nɛ e ma wo e he nɔ, nɛ e maa gbe nimli babauu nitsɛ. Se kɛ̃ ɔ, e kunimi yemi ɔ se be kɛe.