Matsɛmɛ II, 13:6 - BAIBLO ALOO NGMAMI KLƆUKLƆU Ɔ

⁶ Se yayamihi nɛ Matsɛ Yeroboam ha nɛ Israel pee ɔ, a ngmɛɛ we he; a tsa nɔ mohu. Jehanɛ, yo mawu Ashera amaga a hu maa si ngɛ Samaria kɛ mwɔɔ.

Matsɛmɛ II, 13:6 ပူးပေါင်းရင်းမြစ်များ

Matsɛmɛ I, 16:33

Jehanɛ, e puɛ amaga kɛ ha yo mawu ɔ nɛ a tsɛɛ Ashera a. Ahab pee yayami kɛ wo Yawɛ, Israel Mawu ɔ mi mi la pe Israel matsɛmɛ ɔmɛ tsuo nɛ nyɛɛ e hɛ mi ɔ.

Matsɛmɛ II, 13:2

Yehoahaz pee yayami kɛ si Yawɛ. Yayamihi nɛ Nebat binyumu Yeroboam ha nɛ Israel pee ɔ, e ngmɛɛ we he; se e tsa nɔ mohu.

Matsɛmɛ II, 23:4

Enɛ ɔ se ɔ, Matsɛ Yosia fa osɔfo nɔkɔtɔma pe kulaa Hilkia, kɛ osɔfo wawi ɔmɛ, kɛ Yawɛ we ɔ agbo nya buli ɔmɛ ke a ya je níhi tsuo nɛ a kɛ jaa Baal, kɛ yo mawu Ashera, kɛ dodoehi ngɛ Yawɛ we ɔ kɛ ba. Matsɛ ɔ ya sã ní nɛ ɔmɛ tsuo ngɛ Yerusalem ma a nya ngɛ Kidron kɔ̃ ɔ kasa nya, nɛ e ha a muɔ la zu ɔ kɛ ho Betel ya.

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Matsɛmɛ II, 17:16

Mlaahi nɛ Yawɛ, a Mawu ɔ wo mɛ ɔ, a yi ekoeko nɔ; se mohu a ngɔ dade nɛ a sle kɛ pee na bi enyɔ kɛ ha a he. A pee Ashera, nɛ a ja hiɔwe níhi tsuo; a ja Baal hulɔ.

Matsɛmɛ II, 10:29

Se lɛ hu e ya wo Matsɛ Yeroboam, Nebat binyumu ɔ nane; nɛ e pee yayami. Lɔ ɔ ji sika tsu na bi ɔmɛ nɛ Yeroboam pee kɛ ma Betel kɛ Dan nɛ e ha Israel ja mɛ, nɛ lɔ ɔ plɛ yayami ha mɛ ɔ, Yehu hu ya nɔ nɛ e ja mɛ ja nɔuu.

Matsɛmɛ I, 16:26

E ya wo Nebat binyumu Yeroboam nane, nɛ e pee yayami. E ja amaga, nɛ e ha Israel hu ya pee yayami nɛ ɔ; nɛ a kɛ nɔ́ nɛ ɔ peemi wo Yawɛ, Israel Mawu ɔ mi mi la.

Matsɛmɛ I, 15:3

E ya wo e tsɛ nane, nɛ e pee yayami nɛ e tsɛ pee ɔ tsuo pɛpɛɛpɛ. E ya nyɛɛ we Yawɛ, e Mawu ɔ se kaa bɔ nɛ e nɛnɛkasowa David pee ɔ.

Mose V, 7:5

Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Matsɛmɛ II, 13:11

Lɛ hu e pee yayami kɛ si Yawɛ. Yayamihi tsuo nɛ Nebat binyumu Yeroboam ha nɛ Israel pee ɔ, Yehoash ngmɛɛ we he; se mohu e tsa nɔ.

Matsɛmɛ II, 21:3

Jami hehi nɛ e tsɛ Hezekia gbɛ ɔ, e kpale dla mɛ ekohu. E ma bɔ sami la tɛhi kɛ ha Baal, nɛ e puɛ amaga kɛ ha yo mawu ɔ nɛ a tsɛɛ Ashera a kaa bɔ nɛ Israel matsɛ, Ahab pee ɔ. E ja dodoehi hulɔ.

Yesaya 26:10

E ngɛ mi kaa o naa yiwutsotsɛmɛ mɔbɔ lɛɛ, se a kase we nɛ a pee nɔ́ nɛ da. E ngɛ mi kaa a ngɛ nihi nɛ peeɔ nɔ́ nɛ da a zugba nɔ lɛɛ, se yayami mohu a ngɛ pee kpamisa; a yɔse we kaa Mawu kpetekpleenyɛ ji mo.