Matsɛmɛ II, 13:23 - BAIBLO ALOO NGMAMI KLƆUKLƆU Ɔ

²³ se kɛ̃ ɔ, Yawɛ dloomi kɛ e mɔbɔ nami ngɛ a nɔ. Somi ɔ nɛ Yawɛ kɛ Abraham, kɛ Isak, kɛ Yakob so ɔ he je ɔ, e piɛ a he, nɛ e ha we nɛ a hɛ mi nɛ kpata; nɛ kɛ ba si mwɔnɛ ɔ hu e hɛ ji e ma a nɔ.

Matsɛmɛ II, 13:23 ပူးပေါင်းရင်းမြစ်များ

La 105:8

E kaiɔ e somi ɔ daa. Si ko nɛ e wo ɔ, e yeɔ nɔ yi nɔhi tsuo.

Matsɛmɛ II, 14:27

Se akɛnɛ Yawɛ to we kaa e ma kpata Israel hɛ mi pɛsɛpɛsɛ he je ɔ, e gu Yehoash binyumu Yeroboam nɔ nɛ e kɛ he a yi wami.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

Matsɛmɛ II, 24:20

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ.

Matsɛmɛ II, 17:18

Enɛ ɔ he je ɔ, Yawɛ mi mi fu Israel wawɛɛ nitsɛ, nɛ e je e hɛ ngɛ mɛ tsuo pɛpɛɛpɛ a nɔ, ja Yuda wɛtso ɔ pɛ.

Matsɛmɛ I, 8:28

Yawɛ, ye Mawu lee, o tsɔlɔ ji mi. I kpa mo pɛɛ nɛ o bu ye kue fami ɔ tue, nɛ níhi nɛ i ngɛ mo bie mwɔnɛ nɛ ɔ, o pee ha mi.

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Kɔmɔ Yemi 3:32

Eko ɔ, e ma ha nɛ wa maa ye aywilɛho lɛɛ, se kɛ̃, e maa na wɔ mɔbɔ, ejakaa e suɔmi ɔ kle, nɛ e ngɛ daa.

Yeremia 12:15

Se ke i ngɔ mɛ kɛ ho se ɔ, ma na mɛ mɔbɔ ekohu, nɛ ma kpale je ma tsuaa je ma kɛ ba mɛ nitsɛmɛ a zugba nɔ, kɛ mɛ nitsɛmɛ a ma mi ekohu.

La 51:11

Koo fie mi kɛ je o hɛ mi, nɛ ko je o Mumi Klɔuklɔu ɔ kɛ je ye mi.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

Mose III, 26:42

lɛɛ imi hu ma kai somi ɔmɛ nɛ i kɛ Yakob, Isak, kɛ Abraham so ɔ. Kɛkɛ ɔ, si nɛ i wo kaa ma ngɔ zugba a ngɔ ha ye ma a, ma ti mi ekohu.

Mose II, 33:19

Yawɛ de Mose ke, “Ma ha ye hɛ mi nyami ɔ tsuo maa be ngɛ o hɛ mi, nɛ ye biɛ nɛ ji Yawɛ ɔ hu ma wo nɔ ta ngɛ o hɛ mi. Nihi nɛ sa dloomi ɔ, ma dloo mɛ; nɛ ni nɛmɛ nɛ sa mɔbɔ nami ɔ, ma na mɛ mɔbɔ.”

Mose I, 6:3

Kɛkɛ nɛ Yawɛ de ke, “I be hae nɛ nɔmlɔ nɛ hi je mi kɛ ya neneene; ejakaa nɔ́ nɛ gboɔ ji lɛ. Kɛ je be nɛ ɔ mi kɛ yaa a, nɔmlɔ be yee pe jeha lafa kɛ nyingmi enyɔ.”

Matsɛmɛ II, 13:24

Benɛ Siria matsɛ, Hazael gbo ɔ, e binyumu Benhadad ba ye matsɛ ngɛ e se.

Matsɛmɛ II, 13:4

Kɛkɛ nɛ Yehoahaz fa kue ha Yawɛ, nɛ Yawɛ bu lɛ tue; ejakaa e na haomi nɛ Siria matsɛ ɔ ngɛ Israel bi ɔmɛ haoe ɔ.

Matsɛmɛ II, 14:26

Yawɛ ba na kaa amanehlu nɛ Israel bi ɔmɛ ngɛ nae ɔ nya wa tsɔ; nɔ ko nɔ ko na we he jɔmi, nɛ balɔ ko hu be.

Matsɛmɛ II, 17:20

Yawɛ kua Israel nina amɛ tsuo. E ha nɛ a na amanehlu, nɛ e ngɔ mɛ kɛ wo ní hali a dɛ mi kɛ ya si e je e hɛ ngɛ a nɔ kulaa.

Matsɛmɛ II, 17:23

kɛ ya si Yawɛ je e hɛ ngɛ a he kaa bɔ nɛ e de to kɛ gu e tsɔli gbali ɔmɛ a nɔ ɔ. Lɔ ɔ he ɔ, a ngɔ Israel bi ɔmɛ nyɔguɛ kɛ je mɛ nitsɛmɛ a zugba a nɔ kɛ ho Asiria ya; nɛ a ngɛ lejɛ ɔ kɛ ba si mwɔnɛ ɔ.

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

La 105:9

Somi nɛ e kɛ Abraham so ɔ, e kaiɔ; kita nɛ e ka Isak hu e maa ye nɔ.

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.