Matsɛmɛ II, 13:21 - BAIBLO ALOO NGMAMI KLƆUKLƆU Ɔ

²¹ Ligbi ko, benɛ a yaa nɛ a ya pu nyumu ko ɔ, a na ojo fiali a kuu nɛ ɔ nɛ ma. Kɛkɛ nɛ a sake gbogboe ɔ ngɔ fɔ Elisha yɔkɔ ɔ mi. Benɛ gbogboe ɔ he ya sa Elisha wuhi a he pɛ, nɔ ɔ hɛ tsɛ, nɛ e te da si.

Matsɛmɛ II, 13:21 ပူးပေါင်းရင်းမြစ်များ

Ni Tsumi 19:12

A ngɔɔ dukuhi, kɛ tade hɛ mi hami bohi tete nɛ Paulo he sa he kɛ ya haa hiɔtsɛmɛ a nɔ, kɛkɛ ɔ, hiɔ taa; nɛ mumi yayami ɔmɛ jee a mi.

Ni Tsumi 5:15

Nyakpɛ níhi nɛ bɔfo ɔmɛ pee he je ɔ, ke pee ɔ, nihi ngɔɔ hiɔtsɛmɛ kɛ a sa kɛ baa gbɛjegbɛ tue, konɛ ke Petro bee ɔ, e nini kɛkɛ po nɛ nɔ a nɔ.

Yohane 5:25

I ngɛ nyɛ dee anɔkuale mi ke be ma, pohu e su ta, nɛ gbogboehi maa nu Mawu Bi ɔ gbi, nɛ a maa ba wami mi ekohu.

Matsɛmɛ II, 4:35

Elisha te si nɛ e nyɛɛ kɛ ya kɛ ba ngɛ tsu ɔ mi, nɛ e ho ya bu jokuɛ ɔ nɔ ekohu. Kɛkɛ nɛ jokuɛ ɔ tsile si kpaago; nɛ lɔ ɔ se ɔ, e bli e hɛngmɛ.

Kpojemi 11:11

Ligbi etɛ kɛ fa a se ɔ, Mawu ha nɛ a kpale ba wami mi ekohu. A te si da a nane nɔ, nɛ nihi tsuo nɛ na mɛ ɔ ye gbeye wawɛɛ.

Yohane 11:44

Kɛkɛ nɛ gbogboe ɔ je kpo. Bo nɛ a kɛ pu lɛ ɔ blaa e nine kɛ e nane, nɛ duku fi e hɛ mi. Yesu de mɛ ke, “Nyɛɛ pɛne lɛ nɛ nyɛ ha e ya.”

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

Matsɛmɛ II, 13:22

Siria matsɛ, Hazael wa Israel bi ɔmɛ yi mi Yehoahaz matsɛ yemi be ɔ tsuo;