Matsɛmɛ II, 13:19 - BAIBLO ALOO NGMAMI KLƆUKLƆU Ɔ

¹⁹ Kɛkɛ nɛ Mawu nɔmlɔ ɔ mi mi fu lɛ nɛ e de lɛ ke, “Kaa o tsɛ̃ kɛ̃ɛ̃ ɔ si enuɔ, loo si ekpa jinɛ o maa fia Siria bi ɔmɛ ní hluu kɛ yaa si o ma kpata a hɛ mi butuu. Bɔ nɛ e ba nɛ ɔ lɛɛ si etɛ pɛ o maa ye Siria nɔ kunimi.”

Matsɛmɛ II, 13:19 ပူးပေါင်းရင်းမြစ်များ

Matsɛmɛ II, 13:25

Israel matsɛ, Yehoash ye Benhadad nɔ kunimi si etɛ, nɛ e kpɔ mahi nɛ Benhadad ngɔ benɛ lɛ, Yehoash ɔ tsɛ, Yehoahaz ngɛ matsɛ yee ngɛ Israel ɔ.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Marko 6:5

Nɛ Yesu nyɛ we he wami ní tsumi ko nɛ e tsu ngɛ Nazaret pe kaa e kɛ e nine pue hiɔtsɛmɛ bɔɔ ko a nɔ nɛ e tsa mɛ.

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Matsɛmɛ II, 6:9

Se Mawu nɔmlɔ ɔ tsɔ ya naa Israel matsɛ ɔ nane nɔ ke e ko ya lejɛ ɔ; ejakaa Siria bi ɔmɛ ma ya wo ka ngɛ lejɛ ɔ.

Matsɛmɛ II, 4:40

Kɛkɛ nɛ a plɛ flɔɔ ɔ kɛ ha ni ɔmɛ nɛ a ye. Se benɛ a ngɛ ní ɔ yee ɔ, a kpa ngmlaa ke, “Mawu nɔmlɔ, duɔ ngɛ ní ɔ mi!” Nɛ a jɔɔ ní ɔ yemi.

Matsɛmɛ II, 4:16

nɛ Elisha de lɛ ke, “Hwɔɔ se jeha be nɛ ɔ mi ɔ, o maa hɛɛ binyumu ngɛ o kɔni bɔkɔ mi.” Yo ɔ de lɛ ke, “Dɛbi! Ye nyɔmtsɛ, koo mlɔɔ mi; Mawu nɔmlɔ ji mo!”

Mose IV, 16:15

Mose mi mi fu wawɛɛ nitsɛ, nɛ e de Yawɛ ke, “Ko he bɔ ɔmɛ nɛ a ba sã a! I he we teji kake po ngɛ a dɛ, nɛ i yi a ti nɔ ko nɔ ko sane yayami ko hulɔ.”

Mose III, 10:16

Enɛ ɔmɛ tsuo a se ɔ, Mose hla mi fitsofitso konɛ e le nɔ́ ko ngɛ apletsi ɔ nɛ a kɛ maa sã yayami pami bɔ ɔ he. Benɛ e na le kaa a sã lɛ momo ɔ, e mi mi fu Eleazar kɛ Itamar, Aaron bimɛ ɔmɛ nɛ piɛ ɔ, nɛ e bi mɛ ke,

Matsɛmɛ II, 5:20

nɛ Mawu nɔmlɔ Elisha tsɔlɔ Gehazi de ke, “Hyɛ kaa ye nyɔmtsɛ ngɔ Naeman, Siria no nɛ ɔ he ngɔ ke lɛ; nɔ́ nɛ e hɛɛ kɛ ba a hu, e he we ngɛ e dɛ. I na Mawu, ma tu fo kɛ fie e se nɛ ma ya he nɔ́ ko ngɛ e dɛ.”

Matsɛmɛ II, 13:18

Enɛ ɔ se ɔ, Elisha de Israel matsɛ ɔ ke e kukuɔ kɛ̃ɛ̃ mi bi kpa amɛ, nɛ e tsɛ̃ mɛ kɛ wo zu mi. Matsɛ ɔ tsɛ̃ kɛ̃ɛ̃ ɔmɛ kɛ wo zu mi si etɛ, nɛ e kpa.

Yeremia 48:10

Nihi nɛ tsuɔ ní ha Yawɛ kɛ yi si fiami ɔ, a gbiɛ mɛ. Ni nɛmɛ nɛ sume kaa a maa ngɔ klaate kɛ pue muɔ si kaa bɔ nɛ Yawɛ fa mɛ ɔ, a gbiɛ mɛ!