Matsɛmɛ II, 13:18 - BAIBLO ALOO NGMAMI KLƆUKLƆU Ɔ

¹⁸ Enɛ ɔ se ɔ, Elisha de Israel matsɛ ɔ ke e kukuɔ kɛ̃ɛ̃ mi bi kpa amɛ, nɛ e tsɛ̃ mɛ kɛ wo zu mi. Matsɛ ɔ tsɛ̃ kɛ̃ɛ̃ ɔmɛ kɛ wo zu mi si etɛ, nɛ e kpa.

Matsɛmɛ II, 13:18 ပူးပေါင်းရင်းမြစ်များ

Matsɛmɛ II, 4:6

Benɛ buɛ ɔmɛ tsuo hyi ɔ, yo ɔ tsɛ e binyumu, nɛ e de lɛ ke e ngɔ buɛ ɔ eko kɛ ba. Se e binyumu ɔ he nɔ ke, “Buɛ kpa ko be hu!” Kɛkɛ nɛ nu ɔ se po.

Mose II, 17:11

Nɛ e ba mi kaa ke Mose wo e nine nɔ pɛ Israel bi ɔmɛ a nine gu Amalek bi ɔmɛ a nɔ. Ke e nine ba si pɛ kɛkɛ Amalek bi ɔmɛ a nine bɔni Israel bi ɔmɛ a he ngɔmi.

Matsɛmɛ II, 13:17

nɛ e de lɛ ke, “Bli saflɛ ɔ nɛ hyɛɛ beleku je ɔ!” Nɛ e pee ja. Jehanɛ Elisha de lɛ ke, “Tsɛ̃ kɛ̃ɛ̃ ɔ!” Benɛ matsɛ ɔ tsɛ̃ kɛ̃ɛ̃ ɔ pɛ kɛkɛ nɛ Elisha de ke, “Yawɛ kɛ̃ɛ̃ mi bi nɛ e kɛ maa ye Siria nɔ kunimi ji nɛ ɔ nɛ! O kɛ Siria bi ɔmɛ maa hwu ta ngɛ Afek hluu kɛ yaa si o ma kpata a hɛ mi butuu!”

Matsɛmɛ II, 13:19

Kɛkɛ nɛ Mawu nɔmlɔ ɔ mi mi fu lɛ nɛ e de lɛ ke, “Kaa o tsɛ̃ kɛ̃ɛ̃ ɔ si enuɔ, loo si ekpa jinɛ o maa fia Siria bi ɔmɛ ní hluu kɛ yaa si o ma kpata a hɛ mi butuu. Bɔ nɛ e ba nɛ ɔ lɛɛ si etɛ pɛ o maa ye Siria nɔ kunimi.”

Matsɛmɛ II, 13:25

Israel matsɛ, Yehoash ye Benhadad nɔ kunimi si etɛ, nɛ e kpɔ mahi nɛ Benhadad ngɔ benɛ lɛ, Yehoash ɔ tsɛ, Yehoahaz ngɛ matsɛ yee ngɛ Israel ɔ.