Matsɛmɛ II, 13:12 - BAIBLO ALOO NGMAMI KLƆUKLƆU Ɔ

¹² Yehoash he sane kpahi, kã nɛ e pee benɛ e kɛ Yuda matsɛ, Amazia hwu ta, kɛ níhi tsuo nɛ e pee ɔ, a ngma ngɛ Israel Matsɛmɛ ɔmɛ a Yi nɔ Sanehi Womi ɔ mi.

Matsɛmɛ II, 13:12 ပူးပေါင်းရင်းမြစ်များ

Matsɛmɛ II, 14:25

Yeroboam kpɔ Israel zugba amɛ nɛ je a dɛ ɔ ekohu, kɛ je Hamat yo kpɛ blɔ ɔ nya, ngɛ omleyi je, kɛ ya si Ngo wo ɔ nya, ngɛ leneyi je. Yawɛ, Israel Mawu ɔ wo nɔ́ nɛ ɔ he si kɛ gu e tsɔlɔ, gbalɔ Yona, Amitai binyumu ɔ nɛ je Gat Hefer ɔ nɔ.

Matsɛmɛ II, 13:11

Lɛ hu e pee yayami kɛ si Yawɛ. Yayamihi tsuo nɛ Nebat binyumu Yeroboam ha nɛ Israel pee ɔ, Yehoash ngmɛɛ we he; se mohu e tsa nɔ.

Matsɛmɛ II, 13:13

Yehoash ba gbo, nɛ a pu lɛ ngɛ Israel matsɛmɛ ɔmɛ a yɔkɔ ɔ mi ngɛ Samaria, nɛ Yeroboam ba ye e se.

Matsɛmɛ I, 14:19

Yeroboam he sane kpahi nɛ piɛ, tahi nɛ e hwu, kɛ bɔ nɛ e ye tsɛ ha a, a ngma ngɛ Israel Matsɛmɛ ɔmɛ a Blema Sanehi Womi ɔ mi.

Matsɛmɛ II, 1:18

Ni kpahi tsuo nɛ Matsɛ Ahazia pee ɔ, a ngma ngɛ Israel Matsɛmɛ ɔmɛ a Yi nɔ Sanehi Womi ɔ mi.