Matsɛmɛ II, 12:7 - BAIBLO ALOO NGMAMI KLƆUKLƆU Ɔ

⁷ Lɔ ɔ he ɔ, Matsɛ Yoash tsɛ osɔfo Yehoyada, kɛ osɔfo kpa amɛ nɛ e de mɛ ke, “Mɛni he je nɛ nyɛ dla we Yawɛ we ɔ? Jehanɛ, nyɛ ko ngɔ sika ko ngɛ nyɛ asafo bi ɔmɛ a dɛ hu; sika tsuaa sika nɛ nyɛ nine maa su nɔ ɔ, nyɛɛ ngɔ kɛ ba nɛ a kɛ dla Yawɛ we ɔ.”

Matsɛmɛ II, 12:7 ပူးပေါင်းရင်းမြစ်များ

Kronika II, 24:16

A pu lɛ ngɛ matsɛmɛ ɔmɛ a pu he ɔ ngɛ David ma a mi. A pee nɔ́ nɛ ɔ kɛ wo e hɛ mi nyami ngɛ ní tsumi nɛ e tsu kɛ ha Israel ma a, kɛ Mawu we ɔ he.

Kronika II, 23:1

Manyɛ Atalia yi nɔ, jeha nɛ ji kpaago ɔ, osɔfo Yehoyada ba na kaa e su be nɛ sa kaa e pee nɔ́ ko. E kɛ asafoatsɛmɛ enuɔ so. Mɛ ji Yeroham bi Azaria, Yehohanan bi Ishmael, Obed bi Azaria, Adaya bi Maaseya, kɛ Zikri bi Elishafat.

Kronika I, 21:3

Yoab de matsɛ ɔ ke, “I ná nɛ Yawɛ ha nɛ ma a hiɛmi ba pee nimli nɛ ngɛ amlɔ nɛ ɔ a yibɔ totoe lafa! Nɛ ke e ba ja a, pi mo nɛnɛ, o tsɔli ji mɛ tsuo lo? Mɛni he je o ngɛ hlae nɛ o pee nɔ́ nɛ ɔ? O li kaa o kɛ haomi maa ba ma a tsuo nɔ lo?”

Matsɛmɛ II, 12:2

Yoash pee Yawɛ suɔmi nya ní e wami be ɔ tsuo, ejakaa osɔfo Yehoyada ji nɔ nɛ tsɔse lɛ.

Matsɛmɛ II, 11:4

Jeha nɛ ji kpaago ɔ mi ɔ, osɔfo Yehoyada tsɔ nɛ a ya kpee asafoatsɛmɛ ɔmɛ nɛ ngɛ matsɛ he buli ɔmɛ, kɛ matsɛ we bi a tabo ɔ nya a kɛ ba Yawɛ we ɔ. E kɛ mɛ so nɛ e ha a ka lɛ kita ngɛ Yawɛ we ɔ; nɛ e kɛ matsɛ binyumu ɔ tsɔɔ mɛ.

Matsɛmɛ II, 12:6

Se kɛ ba si Matsɛ Yoash tsɛ yemi jeha nɛ ji nyingmi enyɔ kɛ etɛ ɔ, osɔfo ɔmɛ dla we Yawɛ we ɔ he ko he ko.

Matsɛmɛ II, 12:8

Osɔfo ɔmɛ kplɛɛ kaa a be sika ko ngɔe ngɛ ma a dɛ hu; mɛ nitsɛmɛ hu a be Yawɛ we ɔ dlae.

Hagai 1:2

Yawɛ Tabohiatsɛ ɔ de Hagai ke, “Ma a ngɛ dee ke, be nɛ sa kaa a ma Mawu we ɔ sui lolo.”