Matsɛmɛ II, 12:5 - BAIBLO ALOO NGMAMI KLƆUKLƆU Ɔ

⁵ Osɔfo tsuaa osɔfo nɛ e he sika a ngɛ lɛ nitsɛ e we asafo bi a dɛ, konɛ be tsuaa be nɛ e maa hia kaa a dla Yawɛ we ɔ, a ngɔ sika a kɛ dla lɛ.

Matsɛmɛ II, 12:5 ပူးပေါင်းရင်းမြစ်များ

Yesaya 58:12

Nyɛ maa fia gbogbo he ngɛ blema tsu kokoe ɔmɛ a nane mi. A maa fia kɛ ma sisi tomi momo ɔmɛ a nɔ. Sisi tomi ɔmɛ nɛ a to blema a, nyɛ ma tle mɛ si kɛ ma si ekohu. Lɔ ɔ he ɔ, a ma tsɛ nyɛ ke nihi nɛ ba fia gbogbo ɔmɛ ekohu, nihi nɛ ba dla ma doku ɔmɛ.”

Kronika II, 24:5

E fa osɔfo ɔmɛ, kɛ Levi bi ɔmɛ ke a ya Yuda ma amɛ a mi, nɛ a ya tsu sika ngɛ ma mi bi ɔmɛ tsuo a dɛ kɛ ba nɛ a kɛ dla Yawɛ we ɔ kaa bɔ nɛ a peeɔ daa jeha a. E de mɛ ke a pee esɔ, se Levi bi ɔmɛ to tsle.

Matsɛmɛ II, 12:12

gbogbo fiali, kɛ tɛ koli nɛ tsuɔ ní ngɛ Yawɛ we ɔ hiɔ. A kɛ sika nɛ ɔ eko ma he tso kɛ tɛ nɛ a kó, nɛ a kɛ ma dla Yawɛ we ɔ. A kɛ eko hu maa wo Yawɛ we ɔ dlami hiɔ kpahi.

Matsɛmɛ I, 11:27

Bɔ nɛ Yeroboam atuã tsɔmi sane ɔ ba ha ji nɛ ɔ nɛ. Salomo ngɛ Milo mɔ ɔ mae, nɛ e ngɛ e tsɛ David ma a he gbogbo ɔmɛ nɛ hule ɔ fiae ekohu.

Kronika II, 24:7

(Jamɛ a yo yiwutsotsɛ ɔ nɛ a tsɛɛ lɛ Atalia a, e se nyɛɛli ɔmɛ ya ku Yawɛ we ɔ, nɛ a muɔ ní klɔuklɔuhi nɛ ngɛ lejɛ ɔ kɛ ho Baal piɛ ɔ mi ya.)

Matsɛmɛ II, 12:4

Ligbi ko ɔ, Yoash de osɔfo ɔmɛ ke sika tsuo pɛpɛɛpɛ nɛ ma a kɛ baa Yawɛ we ɔ kaa nike ní klɔuklɔu ɔ, a ngɔ kɛ to. Lɔ ɔ ji sika nɛ nyumu tsuaa nyumu haa be mi nɛ a kane lɛ, sika nɛ nɔ tsuaa nɔ haa kɛ kpɔɔ e susuma, kɛ sika nɛ nɔ ko haa kɛ jeɔ lɛ nitsɛ e tsui mi.

Matsɛmɛ II, 12:6

Se kɛ ba si Matsɛ Yoash tsɛ yemi jeha nɛ ji nyingmi enyɔ kɛ etɛ ɔ, osɔfo ɔmɛ dla we Yawɛ we ɔ he ko he ko.

Mose II, 30:13

Nɔ tsuaa nɔ nɛ a maa kane lɛ ɔ, e maa wo hiɔ nɛ ɔ kaa bɔ nɛ a po fɔ si ngɛ kpe he bo tsu ɔ mi. Nɔ tsuaa nɔ maa wo hiɔ nɛ ɔ kaa nike ní ko nɛ e ngɔ kɛ ba ha imi Yawɛ.

Mose III, 27:2

e de Israel bi ɔmɛ ke, ke nɔ ko wo si kaa e maa ngɔ nɔ ko ngɔ ha Yawɛ ɔ, blɔ nɔ nɛ a maa gu kɛ kpɔ nɔ ɔ ji nɛ ɔ nɛ.

Mose IV, 18:15

“Nɔ́ tsuaa nɔ́ nɛ bliɔ muklii nya, nɛ a kɛ ba ha Yawɛ ɔ maa pee o nɔ, nɔmlɔ jio, we mi lohwe jio. Se nɔmlɔ adesa e kekleekle bi, kɛ lohwe nɛ he tsɔ we e kekleekle bi lɛɛ o ha nɛ a kpɔ mɛ.

Matsɛmɛ II, 22:4

“Yaa osɔfo nɔkɔtɔma pe kulaa Hilkia ngɔ, nɛ e bu sika nɛ osɔfo ɔmɛ nɛ tsuɔ ní ngɛ Yawɛ we ɔ agbo ɔ nya a bua nya ngɛ ma a dɛ ɔ he akɔtaa ha mo.

Kronika I, 29:6

Kɛkɛ nɛ we puɔ nya dali ɔmɛ, wɛtsoyi ɔmɛ, asafoatsɛmɛ ɔmɛ, kɛ matsɛ ní tsumihi nɔ hyɛli ɔmɛ si a gugue ke a ma ha

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.