Matsɛmɛ II, 12:4 - BAIBLO ALOO NGMAMI KLƆUKLƆU Ɔ

⁴ Ligbi ko ɔ, Yoash de osɔfo ɔmɛ ke sika tsuo pɛpɛɛpɛ nɛ ma a kɛ baa Yawɛ we ɔ kaa nike ní klɔuklɔu ɔ, a ngɔ kɛ to. Lɔ ɔ ji sika nɛ nyumu tsuaa nyumu haa be mi nɛ a kane lɛ, sika nɛ nɔ tsuaa nɔ haa kɛ kpɔɔ e susuma, kɛ sika nɛ nɔ ko haa kɛ jeɔ lɛ nitsɛ e tsui mi.

Matsɛmɛ II, 12:4 ပူးပေါင်းရင်းမြစ်များ

Matsɛmɛ II, 22:4

“Yaa osɔfo nɔkɔtɔma pe kulaa Hilkia ngɔ, nɛ e bu sika nɛ osɔfo ɔmɛ nɛ tsuɔ ní ngɛ Yawɛ we ɔ agbo ɔ nya a bua nya ngɛ ma a dɛ ɔ he akɔtaa ha mo.

Mose II, 35:5

Nyɛ ba ke imi Yawɛ ní. Nɔ tsuaa nɔ nɛ ngɛ he tsui kaa e maa ke nɔ́ ko ɔ, nɔ́ nɛ e ngɔ kɛ ba ji sika tsu, sika hiɔ, kɛ akɔblee;

Mose II, 35:29

Israel ma a tsuo, nyumuhi kɛ yihi, kɛ nɔ tsuaa nɔ nɛ e ta e tsui mi kaa e ha nɔ́ ko nɛ a kɛ tsu ní tsumi slɔɔtohi nɛ Yawɛ fa Mose ke a tsu ɔ je a tsui mi faa ngɔ a nike ní ɔmɛ kɛ ba ba ha Yawɛ.

Mose II, 35:22

Nyumuhi kɛ yihi tsuo nɛ ngɛ he tsui ɔ ngɔ gugue nya gahi, tue nya ní, nguɛ ní, kuɛ ní, kɛ sika tsu june ní kpakpa babauu ba ke Yawɛ.

Luka 21:4

Niatsɛmɛ ɔmɛ lɛɛ a ní babauu ɔ mi bɔbɔyoo kɛkɛ nɛ a kɛ ba ke Mawu; se yo ohiatsɛ nɛ ɔ lɛɛ bɔɔ nɛ ngɛ e dɛ nɛ e kɛ maa hyɛ e he nɔ ɔ, lɔ ɔ tsuo nɛ e kɛ ba wo daka a mi ɔ nɛ.”

Ezra 7:16

Ngɔɔ ní nɛ ɔmɛ hu kɛ piɛ he: sika hiɔ, sika tsu tsuo nɛ o ma bua nya ngɛ Babilonia zugba a nɔ, kɛ nike níhi nɛ Israel ma a, kɛ osɔfo ɔmɛ wo si kaa a ma ha kɛ je a tsui mi faa a; nɛ o ngɔ lɛ tsuo kɛ ya Mawu we ɔ nɛ ngɛ Yerusalem ɔ.

Ezra 2:69

A ha bɔ nɛ a ma nyɛ, konɛ a kɛ tsu ní ɔ. Bɔ nɛ a ha ji nɛ ɔ nɛ: sika tsu kilo 500 sika hiɔ kilo 2,800 osɔfohi a tade 100.

Ezra 1:6

Nihi tsuo nɛ a kɛ mɛ ngɛ ɔ tsuo wo mɛ blɔ kɛ níhi babauu; sika hiɔ ní, sika tsu, tlomi, lohwehi, nike ní kpahi nɛ a he jua wa, kɛ nike níhi nɛ je tsui mi faa kɛ ba Mawu we ɔ.

Kronika II, 35:2

Yosia dla ní tsumi ngɔ ha osɔfo ɔmɛ, nɛ e wo mɛ he wami konɛ a tsu ní ɔ saminya.

Kronika II, 31:12

ma a muɔ nike ní ɔmɛ, kɛ níhi a mi dlami nyɔngmanyɔngma mi kakaaka a nɛ a ngɔ kɛ ba a kɛ ya to lejɛ ɔmɛ. Levi no ɔ nɛ a tsɛɛ lɛ Konania a ji ní ɔmɛ a nɔ hyɛlɔ nɔkɔtɔma; e setsɔ ji lɛ nitsɛ e nyɛminyumu Shimei.

Kronika II, 15:18

Asa ngɔ ní nɛ ɔmɛ kɛ ba ma Yawɛ we ɔ mi: níhi tsuo nɛ e tsɛ Abiya pee mɛ klɔuklɔu kɛ ha Mawu, kɛ sika tsu kɛ sika hiɔ níhi nɛ lɛ Asa nitsɛ e pee mɛ klɔuklɔu kɛ ha Mawu ɔ.

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Matsɛmɛ II, 12:18

Nike ní klɔuklɔuhi tsuo nɛ Yehoshafat, Yehoram, kɛ Ahazia, nɛ ji Yuda matsɛmɛ nɛ nyɛɛ Yoash hɛ mi ɔ gbaa nɔ kɛ ha Yawɛ ɔ, Matsɛ Yoash ngɔ. E kɛ lɛ nitsɛ e ní klɔuklɔu ɔmɛ, kɛ sika tsuo nɛ a na ngɛ Yawɛ we ɔ, kɛ matsɛ we ɔ nito he ɔmɛ piɛ he, nɛ e tsɔ nɛ a ngɔ ya ha Siria matsɛ, Hazael. Kɛkɛ nɛ Hazael kpale e se kɛ je Yerusalem.

Matsɛmɛ I, 7:1

Salomo po lɛ nitsɛ e we hulɔ; e ngɔ jeha nyɔngma kɛ etɛ kɛ gbe we ɔ nya.

Mose III, 27:31

Ke nɔ ko suɔ kaa e ma kpɔ eko ɔ, é wo hiɔ ɔ kaa bɔ nɛ a tsɔɔ ɔ, nɛ é ngɔ jua a mi dlami enuɔ mi kake ngɔ piɛ he.

Mose II, 36:3

Mose ngɔ nike níhi nɛ Israel bi ɔmɛ je a tsui mi kɛ ba nɛ a kɛ tsu he klɔuklɔu ɔ he ní ɔ tsuo ngɔ wo a dɛ. Se loloolo ɔ, Israel ma a kɛ a nike ní ɔmɛ ngɛ bae ba ngɛ Mose hae daa mɔtu.

Kronika I, 18:11

Matsɛ David gbaa ní nɛ ɔmɛ a nɔ kɛ ha Yawɛ kaa bɔ nɛ e pee sika hiɔ kɛ sika tsu nɛ e kpɔ ngɛ je mahi nɛ e ye a nɔ ɔ a dɛ ɔ. Je ma nɛ ɔmɛ ji Edom, Moab, Amon, Filistia, kɛ Amalek.

Matsɛmɛ II, 12:5

Osɔfo tsuaa osɔfo nɛ e he sika a ngɛ lɛ nitsɛ e we asafo bi a dɛ, konɛ be tsuaa be nɛ e maa hia kaa a dla Yawɛ we ɔ, a ngɔ sika a kɛ dla lɛ.

Matsɛmɛ I, 3:2

Jamɛ a be ɔ, a na we nɛ a ma we ha Yawɛ lolo; lɔ ɔ he ɔ, ma a ya nɔ nɛ a sã bɔ ngɛ wɔ piɛ ɔmɛ a mi.

Matsɛmɛ I, 3:3

Salomo suɔ Yawɛ, nɛ e ye e tsɛ David mlaa amɛ a nɔ; se e gbe lohwe, nɛ e sã tsopa kɛ e he via ngɛ wɔ piɛ ɔmɛ a mi.

Matsɛmɛ II, 14:4

Wɔ jami he ɔmɛ lɛɛ e puɛ we mɛ; lɔ ɔ he ɔ, ma a ya nɔ sã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ II, 15:4

Se mohu wɔ jami he ɔmɛ lɛɛ e puɛ we mɛ; lɔ ɔ he ɔ, ma a sã bɔ, kɛ tsopa kɛ e he via ngɛ lejɛ ɔmɛ kɛ mwɔɔ.

Matsɛmɛ II, 16:4

Ahaz sã bɔ, kɛ tsopa kɛ e he via ngɛ jami he ɔmɛ, ngɛ yoku ɔmɛ a nɔ, kɛ tsohi nɛ bɔ kusuu ɔ a sisi.

Matsɛmɛ II, 17:11

nɛ a sã tsopa kɛ e he via ngɛ jami he ɔmɛ tsuo, kaa bɔ nɛ je ma amɛ nɛ Yawɛ fie kɛ je a blɔ ɔ nɔ ɔ pee ɔ pɛpɛɛpɛ. A pee ní yayamihi kɛ wo Yawɛ mi mi la.