Matsɛmɛ II, 12:1 - BAIBLO ALOO NGMAMI KLƆUKLƆU Ɔ

¹ Israel matsɛ, Yehu yi nɔ jeha nɛ ji kpaago ɔ, Yoash ba bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyingmi eywiɛ. E nyɛ biɛ ji Zibia, nɛ e je Beersheba ma a mi.

Matsɛmɛ II, 12:1 ပူးပေါင်းရင်းမြစ်များ

Kronika I, 3:11

Yehoram, Ahazia, Yoash,

Matsɛmɛ II, 11:21

Yoash ye jeha kpaago benɛ e bɔni matsɛ yemi ngɛ Yuda ma a nɔ.

Matsɛmɛ II, 9:27

Benɛ Yuda matsɛ, Ahazia na nɔ́ nɛ ba a, e tu fo kɛ gu Bet Hagan blɔ. Yehu nyɛɛ e se, nɛ e de ke, “Lɛ hu nyɛ tsɛ̃ lɛ kɛ̃ɛ̃ ɔ eko!” Nɛ a tsɛ̃ lɛ kɛ̃ɛ̃ ngɛ e ta zugba lɛ ɔ mi ngɛ Gur blɔ ɔ nɔ, ngɛ Ibleam kasa nya. E tu fo kɛ ho Megido ya, nɛ e ya gbo ngɛ lejɛ ɔ.

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Matsɛmɛ II, 12:2

Yoash pee Yawɛ suɔmi nya ní e wami be ɔ tsuo, ejakaa osɔfo Yehoyada ji nɔ nɛ tsɔse lɛ.

Matsɛmɛ II, 13:1

Yuda matsɛ, Yoash, Ahazia binyumu ɔ yi nɔ jeha nɛ ji nyingmi enyɔ kɛ etɛ ɔ mi ɔ, Yehu binyumu Yehoahaz bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyɔngma kɛ kpaago.

Matsɛmɛ II, 13:10

Yuda matsɛ, Yoash yi nɔ jeha nɛ ji nyingmi etɛ kɛ kpaago ɔ, Yehoahaz binyumu Yehoash bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyɔngma kɛ ekpa.