Matsɛmɛ II, 11:4 - BAIBLO ALOO NGMAMI KLƆUKLƆU Ɔ

⁴ Jeha nɛ ji kpaago ɔ mi ɔ, osɔfo Yehoyada tsɔ nɛ a ya kpee asafoatsɛmɛ ɔmɛ nɛ ngɛ matsɛ he buli ɔmɛ, kɛ matsɛ we bi a tabo ɔ nya a kɛ ba Yawɛ we ɔ. E kɛ mɛ so nɛ e ha a ka lɛ kita ngɛ Yawɛ we ɔ; nɛ e kɛ matsɛ binyumu ɔ tsɔɔ mɛ.

Matsɛmɛ II, 11:4 ပူးပေါင်းရင်းမြစ်များ

Matsɛmɛ II, 11:19

Lɔ ɔ se ɔ, e kɛ asafoatsɛmɛ ɔmɛ, matsɛ we ɔ buli ɔmɛ, matsɛ he buli ɔmɛ, kɛ ma a tsuo kpaka matsɛ ɔ kɛ je Yawɛ we ɔ kɛ ya gu buli agbo ɔ mi kɛ ya sɛ matsɛ we ɔ mi. Nɛ Yoash ya hi matsɛ sɛ ɔ nɔ.

Matsɛmɛ II, 11:9

Asafoatsɛmɛ ɔmɛ pee kaa bɔ nɛ osɔfo Yehoyada fa mɛ ɔ pɛpɛɛpɛ, nɛ nɔ tsuaa nɔ ngɔ e we bihi kɛ ba osɔfo Yehoyada ngɔ, ni nɛmɛ nɛ maa ba ní tsumi Hejɔɔmi ligbi ɔ, kɛ ni nɛmɛ nɛ ba tsu ní momo nɛ a kpa.

Kronika II, 15:12

A so, nɛ a kplɛɛ kaa a ma ja Yawɛ, a nɛmɛ a Mawu ɔ kɛ a tsui tsuo, kɛ a klaa tsuo.

Matsɛmɛ II, 11:17

Yehoyada ha Matsɛ Yoash, kɛ ma a kɛ Yawɛ so kaa a maa pee Yawɛ ma. Jehanɛ, e ha nɛ matsɛ ɔ kɛ ma a hu so.

Ni Tsumi 5:26

Kɛkɛ nɛ asafoatsɛ ɔ, kɛ e we bi ɔmɛ ya ngɔ bɔfo ɔmɛ kɛ ba. A pee we mɛ soisoi, ejakaa a ngɛ gbeye yee kaa ma a maa fia mɛ tɛ.

Ni Tsumi 5:24

Benɛ osɔfo nikɔtɔma amɛ, kɛ sɔlemi we ɔ asafoatsɛ ɔ nu kikɛmɛ a munyu nɛ ɔ, a hɛ mi pee mɛ yaa, nɛ a li nɔ nɛ a ma de.

Nehemia 10:29

wa piɛ wa ma nimeli ɔmɛ a he kɛ ngɛ kita kae ke gbiɛmi nɛ ba wa nɔ ke wa tɔ kita a. Wa ngɛ kita kae ke Mawu mlaa a nɛ e wo wɔ kɛ gu e tsɔlɔ Mose nɔ ɔ, wa maa ye nɔ. Wa ngɛ kita kae ke níhi tsuo kulaa nɛ Yawɛ, wa Mawu ɔ fa wɔ ke waa pee ɔ, wa maa pee. Wa ngɛ kita kae ekohu ke wa maa ye e mlaa amɛ, kɛ blɔ nya tomi ɔmɛ tsuo a nɔ.

Nehemia 9:38

Enɛ ɔmɛ tsuo nɛ ba wa nɔ he je ɔ, wɔ Israel ma a, wa ngɛ si woe veveeve ke wa ma sɔmɔ Yawɛ pɛ. Wa ngma nɔ́ nɛ ɔ kɛ wo womi mi, nɛ wa ma nimeli ɔmɛ, Levi bi ɔmɛ, kɛ wa osɔfo ɔmɛ ngma a biɛhi kɛ wo sisi kɛ sɔu nya.

Nehemia 5:12

Ma nimeli ɔmɛ kplɛɛ, nɛ a de ke, “Wa maa pee bɔ nɛ o de ɔ. Wa maa kpale nɔ́ tsuaa nɔ́ kɛ ha mɛ. Wa be nɔ́ ko nɔ́ ko hee ngɛ a dɛ.” Kɛkɛ nɛ i tsɛ osɔfo ɔmɛ kɛ ba, nɛ i ha ma nimeli ɔmɛ ka kita kɛ fɔ nɔ ngɛ a hɛ mi kaa a maa pee bɔ nɛ a wo si ɔ.

Kronika II, 29:10

“Amlɔ nɛ ɔ, i to ye yi mi kaa i kɛ Yawɛ, Israel Mawu ɔ maa so, konɛ e mi mi nɛ fu wɔ wawɛɛ ɔ se nɛ po.

Kronika I, 9:13

We puɔ nya dali ji osɔfo nɛ ɔmɛ; a hiɛmi ji 1,760, nɛ a le Yawɛ we ɔ he ní tsumi ɔmɛ tsuo tsumi saminya.

Matsɛmɛ II, 23:3

E ya da titima a kasa nya, nɛ e kɛ Yawɛ so. E ka lɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo; nɛ níhi nɛ a ngma ngɛ mlaa womi ɔ mi ɔ, e maa pee lɛ tsuo pɛpɛɛpɛ. Kɛkɛ nɛ ma a tsuo wo si kaa a maa ye somi ɔ nɔ.

Matsɛmɛ I, 18:10

I na Yawɛ, o Mawu ɔ kaa e píɛ ma ko, loo zugba ko nɔ nɛ matsɛ ɔ tsɔɛ kɛ yɛ nɛ a ya hla mo. Be tsuaa be nɛ matsɛ, aloo zugba a nɔ yelɔ ngɛ he nɛ a tsɔ kɛ ya a ha a nu sisi kaa o be lejɛ ɔ, Ahab ha nɛ jamɛ a matsɛ ɔ, aloo zugba a nɔ yelɔ ɔ ka kita ke o be lejɛ ɔ niinɛ.

Samuel I, 23:18

Mɛ ni enyɔ ɔmɛ ka a he kita ngɛ Yawɛ hɛ mi. Lɔ ɔ se ɔ, Yonatan je kɛ ho we mi ya; se David lɛɛ e tlɔ Horesh.

Samuel I, 18:3

Yonatan ka David kita kaa e kɛ lɛ maa bɔ kɛ yaa si gbenɔ mi, ejakaa e suɔ David kaa bɔ nɛ e suɔ lɛ nitsɛ e he.

Yoshua 24:25

Lɔ ɔ he ɔ, Yoshua kɛ ma a so somi jamɛ a ligbi ɔ ngɛ Shekem, nɛ e wo mɛ mlaahi, nɛ e tsɔɔ mɛ blɔ nya tomihi nɛ́ a ye nɔ.

Mose I, 50:25

Kɛkɛ nɛ Yosef ha nɛ e we bi ɔmɛ ka lɛ kita. E de mɛ ke, “Nyɛɛ wo mi si kaa ke Mawu ba kpaka nyɛ kɛ yaa jamɛ a zugba a nɔ ɔ, nyɛ maa ngɔ ye flɔ̃ ɔ kɛ ho.”

Samuel II, 20:23

Yoab ji Israel tatsɛ nɔkɔtɔma; Yehoyada bi Benaya ji Keret bi ɔmɛ, kɛ Pelet bi ɔmɛ a nyatsɛ.

Matsɛmɛ II, 11:3

Yehosheba ngɔ jokuɛ nyumuyo ɔ kɛ laa ngɛ Yawɛ we ɔ jeha ekpa, be mi nɛ Atalia ngɛ manyɛ yee ngɛ zugba a nɔ ɔ.

Samuel II, 8:18

Yehoyada binyumu Benaya ji Keret kɛ Pelet bi ɔmɛ a nyatsɛ. Keret kɛ Pelet bi ɔmɛ ji David we bi a tabo. David binyumu ɔmɛ ji osɔfohi.

Matsɛmɛ I, 14:27

Matsɛ Rehoboam pee akɔblee tsɛ̃ihi kɛ to a nane mi, nɛ e ngɔ mɛ ngɔ wo matsɛ we agbo nya buli ɔmɛ a nyatsɛmɛ ɔmɛ a dɛ.

Matsɛmɛ II, 12:7

Lɔ ɔ he ɔ, Matsɛ Yoash tsɛ osɔfo Yehoyada, kɛ osɔfo kpa amɛ nɛ e de mɛ ke, “Mɛni he je nɛ nyɛ dla we Yawɛ we ɔ? Jehanɛ, nyɛ ko ngɔ sika ko ngɛ nyɛ asafo bi ɔmɛ a dɛ hu; sika tsuaa sika nɛ nyɛ nine maa su nɔ ɔ, nyɛɛ ngɔ kɛ ba nɛ a kɛ dla Yawɛ we ɔ.”