Matsɛmɛ II, 11:3 - BAIBLO ALOO NGMAMI KLƆUKLƆU Ɔ

³ Yehosheba ngɔ jokuɛ nyumuyo ɔ kɛ laa ngɛ Yawɛ we ɔ jeha ekpa, be mi nɛ Atalia ngɛ manyɛ yee ngɛ zugba a nɔ ɔ.

Matsɛmɛ II, 11:3 ပူးပေါင်းရင်းမြစ်များ

Malaki 3:15

Amlɔ nɛ ɔ, wa naa paa kaa he woli ji nihi nɛ a gbaa mɛ saminya; yayami peeli ji ni nɛmɛ nɛ ngɛ plɔkee ngɛ je mi; a kaa Mawu, se nɔ́ ko pee we mɛ.’ ”

Kronika II, 22:12

Yoash hi lejɛ ɔ ngɛ laami tso mi jeha ekpa sɔuu, be mi nɛ Atalia ngɛ manyɛ yee ngɛ zugba a nɔ.

Matsɛmɛ II, 11:2

Ahazia binyumu Yoash pɛ ji nɔ nɛ nine sui e nɔ. Bɔ nɛ e ba ji, Matsɛ Yehoram biyo Yehosheba, Ahazia nyɛmiyo ɔ, kú Yoash kɛ je matsɛ bimɛ ɔmɛ nɛ a ma mɛ gbemi ɔ a kpɛti. E ngɔ lɛ kɛ e bimɛanyɛ ɔ ya to se tsu ko mi ngɛ Yawɛ we ɔ kɛ laa Atalia; nɛ a gbi lɛ.

Matsɛmɛ II, 11:4

Jeha nɛ ji kpaago ɔ mi ɔ, osɔfo Yehoyada tsɔ nɛ a ya kpee asafoatsɛmɛ ɔmɛ nɛ ngɛ matsɛ he buli ɔmɛ, kɛ matsɛ we bi a tabo ɔ nya a kɛ ba Yawɛ we ɔ. E kɛ mɛ so nɛ e ha a ka lɛ kita ngɛ Yawɛ we ɔ; nɛ e kɛ matsɛ binyumu ɔ tsɔɔ mɛ.

Mose II, 2:2

Yo ɔ ba na mi, nɛ e fɔ binyumu. Benɛ e na kaa jokuɛ ɔ he ngɛ fɛu ɔ, e ngɔ lɛ ngɔ laa nyɔhiɔ etɛ.

Manyadali 9:5

Lɔ ɔ se ɔ, e pue nɔ kɛ ho e tsɛ we ɔ mi ya ngɛ Ofra, nɛ e ya gbe e nyɛminyumu nyingmi kpaago ɔmɛ nɛ ji Yerubaal bimɛ ɔmɛ ngɛ tɛ kake nɔ ngɛ lejɛ ɔ. Se Yotam, Yerubaal binyumu wayoo pe kulaa a lɛɛ e laa e he, nɛ Abimelek nine sui e nɔ.