Matsɛmɛ II, 11:2 - BAIBLO ALOO NGMAMI KLƆUKLƆU Ɔ

² Ahazia binyumu Yoash pɛ ji nɔ nɛ nine sui e nɔ. Bɔ nɛ e ba ji, Matsɛ Yehoram biyo Yehosheba, Ahazia nyɛmiyo ɔ, kú Yoash kɛ je matsɛ bimɛ ɔmɛ nɛ a ma mɛ gbemi ɔ a kpɛti. E ngɔ lɛ kɛ e bimɛanyɛ ɔ ya to se tsu ko mi ngɛ Yawɛ we ɔ kɛ laa Atalia; nɛ a gbi lɛ.

Matsɛmɛ II, 11:2 ပူးပေါင်းရင်းမြစ်များ

Ezekiel 40:45

Nyumu ɔ de mi ke tsu nɛ hɛ mi kpee leneyi je ɔ, osɔfo ɔmɛ nɛ sɔmɔɔ ngɛ Yawɛ we ɔ a nɔ́ ji lɔ ɔ nɛ.

Yeremia 35:2

“Yaa Rekab bi ɔmɛ a we ɔ mi nɛ o kɛ mɛ ya tu munyu. Ke o kɛ mɛ tu munyu ɔ gbe nya a, ngɔɔ mɛ kɛ ba tsu kake mi ngɛ Yawɛ we ɔ, nɛ o ba ha mɛ wai nɛ a nu.”

Yeremia 33:26

Ní nɛ ɔmɛ nɛ i nyɛ pee he je ɔ, somi nɛ i kɛ Yakob nina, kɛ ye tsɔlɔ David so ɔ hu ma ye nɔ sisiisi. Ma hla David nina ko nɛ e ye Abraham, Isak, kɛ Yakob a nina a nɔ. Ma na ye ma a mɔbɔ, nɛ ma ha nɛ a ma ná a he ekohu.”

Yeremia 33:21

I kɛ ye tsɔlɔ David so somi kaa e nina maa ye matsɛ daa. Jehanɛ se hu, i kɛ osɔfohi nɛ je Levi wɛtso ɔ mi ɔ hu so kaa a ma sɔmɔ mi daa be tsuaa be. Kikɛmɛ a somi nɛ ɔmɛ ɔ, nɔ ko nɔ ko be nyɛe maa po a mi.

Yeremia 33:17

Imi, Yawɛ, i ngɛ si woe kaa David nina maa ye matsɛ ngɛ Israel ma a nɔ daa.

Yesaya 37:35

Ejakaa ma bu ma nɛ ɔ he; nɛ nɔ́ ko nɔ́ ko be a he sae. Ma pee nɔ́ nɛ ɔ ngɛ ye tsɔlɔ David he kɛ wo imi nitsɛ ye hɛ mi nyami.’ ”

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Kronika II, 22:11

Se Ahazia ngɛ nyɛmiyo ko nɛ a tsɛɛ lɛ Yehosheba, nɛ gba osɔfo ko nɛ a tsɛɛ lɛ Yehoyada. Yehosheba ku Ahazia binyumu ɔmɛ a ti nɔ kake nɛ a tsɛɛ lɛ Yoash ɔ kɛ je matsɛbinyumu ɔmɛ nɛ a yaa gbe ɔ a kpɛti. E ngɔ jokuɛ ɔ kɛ jokuɛ ɔ bimɛanyɛ ɔ ya laa ngɛ se tsu ko mi ngɛ Yawɛ we ɔ. Kikɛ nɛ ɔ Yehosheba pee kɛ he Yoash yi wami, nɛ Atalia nine sui e nɔ.

Matsɛmɛ II, 11:21

Yoash ye jeha kpaago benɛ e bɔni matsɛ yemi ngɛ Yuda ma a nɔ.

Matsɛmɛ II, 8:19

Se Yawɛ sume kaa e ma kpata Yuda hɛ mi, ejakaa e wo e tsɔlɔ David si kaa e nina maa ye matsɛ kɛ maa ya neneene.

Matsɛmɛ II, 8:16

Israel matsɛ, Yoram, Ahab binyumu ɔ yi nɔ jeha enuɔ ɔ mi ɔ, Yehoshafat binyumu Yehoram ba bɔni matsɛ yemi ngɛ Yuda.

Matsɛmɛ I, 6:10

E ma tsu tsɔwihi siaudo etɛ, nɛ e kɛ seda plai tsa mɛ kɛ wo gbogbo ɔmɛ a he kɛ kpe. Siaudo tsuaa siaudo hiɔwe yami ji nine mi blimi nyɔngma.

Matsɛmɛ I, 6:8

Tsu tsɔwi siaudo etɛ ɔmɛ nɛ a ma ngɔ wo gbogbo ɔmɛ a he ɔ, zugba nɔ́ ɔ sinya a nya fɔɔ si kɛ yaa we ɔ leneyi je; nɛ gba he tso ngɛ nɛ a kuɔɔ kɛ yaa siaudo enyɔne ɔ, kɛ etɛne ɔ a nɔ.

Mose II, 8:3

Nilo pa a maa wo ovɔnɔhi fuu, nɛ ovɔnɔ ɔmɛ maa sɛ he tsuaa he. A maa sɛ o we mi; a maa sɛ o se tsu mi, nɛ o sa nitsɛ po a maa kuɔ. Jehanɛ a maa sɛ o tsɔli ɔmɛ kɛ o ma mi bi ɔmɛ a wehi a mi; a maa sɛ o flɔɔnɔɔhi kɛ o ní hoomi níhi a mi.

Manyadali 9:5

Lɔ ɔ se ɔ, e pue nɔ kɛ ho e tsɛ we ɔ mi ya ngɛ Ofra, nɛ e ya gbe e nyɛminyumu nyingmi kpaago ɔmɛ nɛ ji Yerubaal bimɛ ɔmɛ ngɛ tɛ kake nɔ ngɛ lejɛ ɔ. Se Yotam, Yerubaal binyumu wayoo pe kulaa a lɛɛ e laa e he, nɛ Abimelek nine sui e nɔ.

Matsɛmɛ II, 11:3

Yehosheba ngɔ jokuɛ nyumuyo ɔ kɛ laa ngɛ Yawɛ we ɔ jeha ekpa, be mi nɛ Atalia ngɛ manyɛ yee ngɛ zugba a nɔ ɔ.

Matsɛmɛ II, 12:1

Israel matsɛ, Yehu yi nɔ jeha nɛ ji kpaago ɔ, Yoash ba bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyingmi eywiɛ. E nyɛ biɛ ji Zibia, nɛ e je Beersheba ma a mi.

Matsɛmɛ I, 11:17

Hadad, kɛ Edom bi komɛ nɛ ji e tsɛ tsɔli pɛ ji nihi nɛ tu fo kɛ ho Egipt ya. Jamɛ a be ɔ mi ɔ, jokuɛ bɔbɔyoo kɛkɛ ji Hadad.

Kronika I, 3:11

Yehoram, Ahazia, Yoash,

Yeremia 36:26

Kɛkɛ nɛ matsɛ ɔ fa matsɛbinyumu Yerameel, kɛ Seraya, Azriel bi ɔ, kɛ Shelemia, Abdeel bi ɔ ke a nu imi, kɛ ye womi ngmalɔ Baruk ɔ tsuo. Se Yawɛ ngɔ wɔ kɛ laa.