Matsɛmɛ II, 11:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ se ɔ, ma mi bi ɔmɛ tsuo ya sɛ Baal jami he ɔ, nɛ a gbɛ lɛ kɛ pue si. A ku bɔ sami la tɛ ɔmɛ, kɛ amaga amɛ dukuduku, nɛ a gbe Baal osɔfo ɔ nɛ a tsɛɛ lɛ Matan ɔ ngɛ bɔ sami la tɛ ɔmɛ a hɛ mi. Osɔfo Yehoyada ngɔ buli ya to Yawɛ we ɔ.

Matsɛmɛ II, 11:18 ပူးပေါင်းရင်းမြစ်များ

Mose V, 12:3

Nyɛɛ ku a bɔ sami la tɛ ɔmɛ, nɛ nyɛɛ ywia a wɔ titima amɛ wɔtsɔwɔtsɔ. Nyɛɛ sã a yo wɔ Ashera a, nɛ nyɛɛ poo a mawu ɔmɛ a we amaga amɛ pue he. Nyɛ kpata a hɛ mi pɛsɛpɛsɛ, konɛ a ko ja mɛ ngɛ lejɛ ɔmɛ hu.

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

Matsɛmɛ II, 10:26

nɛ a ya muɔ amagahi nɛ ngɛ lejɛ ɔ, nɛ a sã mɛ.

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Kronika II, 34:7

Yosia ywia bɔ sami la tɛ ɔmɛ, kɛ Ashera amaga amɛ. E wɛɛ amaga amɛ nɛ a pee mɔnyɔmɔnyɔ kaa la zu, nɛ e ywia tsopa kɛ e he via bɔ sami la tɛ ɔmɛ ngɛ Israel zugba a nɔ tsuo loko e kpale kɛ ba Yerusalem.

Kronika II, 34:4

Bɔ sami la tɛhi nɛ ngɛ Baal jami he ɔ, kɛ tsopa kɛ e he via sami la tɛhi nɛ ngɛ lejɛ ɔ, Yosia ha nɛ a ku mɛ tsuo ngɔ pue si ngɛ e hɛ mi. Ashera amaga amɛ, kɛ amaga kpa amɛ tsuo lɛɛ a wɛɛ mɛ mɔnyɔmɔnyɔ kaa la zu, nɛ a ngɔ kɛ fĩa nihi nɛ sã bɔ ha mɛ ɔ a yɔkɔhi a nɔ.

Kronika II, 21:17

A ba tua Yuda, nɛ a ha ní ngɛ matsɛ we ɔ. A nuu matsɛ ɔ yi ɔmɛ, kɛ e binyumu ɔmɛ tsuo nyɔguɛ kɛ je. Matsɛ ɔ binyumu sekpɛ ɔ nɛ a tsɛɛ lɛ Ahazia a pɛ ji nɔ nɛ piɛ ngɛ se.

Matsɛmɛ II, 23:14

Matsɛ Yosia ywia tɛ titimahi, kɛ amagahi nɛ a puɛ ha yo mawu Ashera a dukuduku; nɛ e ya muɔ nimli a wuhi kɛ ba pue a ma he ɔmɛ.

Matsɛmɛ II, 23:10

Jehanɛ se hu, Matsɛ Yosia ya ble Tofet, nɛ ji jami he ɔ nɛ ngɛ Hinom kɔ̃ ɔ mi ɔ, bɔ nɛ pee nɛ nɔ ko nɛ ko ya sã e binyumu, loo e biyo bɔ kɛ ha Molek ngɛ lejɛ ɔ hu.

Mose V, 13:9

Gbee lɛ! Mo kekle o fia lɛ tɛ, nɛ lɔ ɔ se ɔ, nɔ tsuaa nɔ nɛ fiaa lɛ tɛ ɔ eko.

Mose II, 32:20

E wo na bi ɔ nɛ a pee ɔ, nɛ e mɛ he la, nɛ e sile. Lɔ ɔ se ɔ, e wɛɛ lɛ nɛ e pee mamu bukɔbukɔ, nɛ e ngɔ fĩa nyu hɛ mi, nɛ e ngɔ ha Israel bi ɔmɛ nɛ a nu.

Mose V, 12:2

Hehi nɛ je ma amɛ nɛ nyɛ yaa fie ɔ jaa a mawu ɔmɛ ngɛ, ngɛ yo gaga amɛ a nɔ, yoku ɔmɛ a nɔ, kɛ tso kusuu ɔmɛ a sisi ɔ, nyɛ kpata a hɛ mi.

Matsɛmɛ II, 10:21

Yehu tsɔ nɛ a ya kpee Israel ma a, kɛ Baal jali ɔmɛ tsuo kɛ ba Baal piɛ ɔ mi. Baal piɛ ɔ mi hyi tɔ kɛ nimli; e piɛ nɔ ko nɛ bɛ.

Matsɛmɛ II, 10:27

A ku Baal amaga a ngɔ pue si, nɛ a gbɛ piɛ ɔ; nɛ a ngɔ lejɛ ɔ kɛ pee agbotso kɛ ba si mwɔnɛ ɔ.

Matsɛmɛ II, 23:20

E gbe osɔfo ɔmɛ tsuo nɛ ngɛ lejɛ ɔ ngɛ bɔ sami la tɛ ɔmɛ a nɔ he nɛ a jaa ngɛ ɔ, nɛ e sã nimli a wuhi ngɛ bɔ sami la tɛ tsuaa bɔ sami la tɛ nɔ. Enɛ ɔ se ɔ, e kpale kɛ ho Yerusalem ya.

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.

Mose V, 13:10

Á fiaa lɛ tɛ nɛ e gbo! E hla kaa e ma puɛ o tue ngɛ Yawɛ, o Mawu ɔ nɛ kpɔ̃ mo kɛ je Egipt, he nɛ o ya ye nyɔguɛ ngɛ ɔ he.

Matsɛmɛ II, 10:25

Benɛ a dla bɔ sami ní ɔmɛ ta a, Yehu de buli ɔmɛ, kɛ asafoatsɛmɛ ɔmɛ ke, “Nyɛɛ ya nɛ nyɛ ya gbe mɛ tsuo; nyɛ ko ha nɛ nɔ ko nɛ je kpo!” Kɛkɛ nɛ buli ɔmɛ, kɛ asafoatsɛmɛ ɔmɛ kɛ klaate gbe ni ɔmɛ, nɛ a sake mɛ kɛ pue kpo ɔ nɔ. Lɔ ɔ se ɔ, a ya sɛ Baal wɔ tsu ɔ mi,