Matsɛmɛ II, 11:17 - BAIBLO ALOO NGMAMI KLƆUKLƆU Ɔ

¹⁷ Yehoyada ha Matsɛ Yoash, kɛ ma a kɛ Yawɛ so kaa a maa pee Yawɛ ma. Jehanɛ, e ha nɛ matsɛ ɔ kɛ ma a hu so.

Matsɛmɛ II, 11:17 ပူးပေါင်းရင်းမြစ်များ

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Kronika II, 34:31

Kɛkɛ nɛ e ho ya da kpoku ko nɔ nɛ e ka Yawɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo. E ka kita ke níhi nɛ a ngma ngɛ mlaa womi ɔ mi ɔ, e maa pee mɛ tsuo pɛpɛɛpɛ.

Yoshua 24:25

Lɔ ɔ he ɔ, Yoshua kɛ ma a so somi jamɛ a ligbi ɔ ngɛ Shekem, nɛ e wo mɛ mlaahi, nɛ e tsɔɔ mɛ blɔ nya tomihi nɛ́ a ye nɔ.

Ezra 10:3

Lɔ ɔ he ɔ, jehanɛ, nyɛ ha wa ka wa Mawu ɔ kita kaa wa maa wo kikɛmɛ a yi nɛ ɔmɛ, kɛ a bimɛ ɔmɛ tsuo pɛpɛɛpɛ blɔ. Nɔ́ nɛ mo, ye nyɔmtsɛ, kɛ nihi tsuo nɛ yeɔ Mawu mlaa a gbeye ma de ɔ, wa maa pee. Ee, wa maa ye Mawu mlaa a nɔ.

Kronika II, 29:10

“Amlɔ nɛ ɔ, i to ye yi mi kaa i kɛ Yawɛ, Israel Mawu ɔ maa so, konɛ e mi mi nɛ fu wɔ wawɛɛ ɔ se nɛ po.

Samuel I, 10:25

Jehanɛ Samuel tsɔɔ ma a bɔ nɛ matsɛ yemi ɔ blɔ nya tomi ngɛ ha, matsɛ ɔ blɔ nya nɛ e hɛɛ, kɛ e ní tsumi. E ngma nɔ́ nɛ ɔ kɛ wo womi mi, nɛ e ngɔ ya fɔ Yawɛ hɛ mi. Lɔ ɔ se ɔ, Samuel ha ma a nane, nɛ nɔ tsuaa nɔ ho e we mi ya.

2 Korintobi 8:5

Nɔ́ nɛ nyɛɛ se ɔ, wa hɛ be nɔ kulaa! Kekleekle ɔ, a ngɔ a he ngɔ ha kaa a ma sɔmɔ Nyɔmtsɛ Yesu ngɛ blɔ tsuaa blɔ nɔ. Jehanɛ hu, a wo wɔ si ke a maa bu wɔ tue kaa bɔ nɛ Mawu hlaa nɛ a pee ɔ.

Nehemia 9:38

Enɛ ɔmɛ tsuo nɛ ba wa nɔ he je ɔ, wɔ Israel ma a, wa ngɛ si woe veveeve ke wa ma sɔmɔ Yawɛ pɛ. Wa ngma nɔ́ nɛ ɔ kɛ wo womi mi, nɛ wa ma nimeli ɔmɛ, Levi bi ɔmɛ, kɛ wa osɔfo ɔmɛ ngma a biɛhi kɛ wo sisi kɛ sɔu nya.

Kronika II, 23:16

Kɛkɛ nɛ Yawɛ, kɛ ma a, kɛ matsɛ ɔ tsuo so kaa a maa pee Yawɛ ma.

Kronika I, 11:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel kaa bɔ nɛ Yawɛ wo si kɛ gu Samuel nɔ ɔ.

Matsɛmɛ II, 11:4

Jeha nɛ ji kpaago ɔ mi ɔ, osɔfo Yehoyada tsɔ nɛ a ya kpee asafoatsɛmɛ ɔmɛ nɛ ngɛ matsɛ he buli ɔmɛ, kɛ matsɛ we bi a tabo ɔ nya a kɛ ba Yawɛ we ɔ. E kɛ mɛ so nɛ e ha a ka lɛ kita ngɛ Yawɛ we ɔ; nɛ e kɛ matsɛ binyumu ɔ tsɔɔ mɛ.

Matsɛmɛ II, 23:3

E ya da titima a kasa nya, nɛ e kɛ Yawɛ so. E ka lɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo; nɛ níhi nɛ a ngma ngɛ mlaa womi ɔ mi ɔ, e maa pee lɛ tsuo pɛpɛɛpɛ. Kɛkɛ nɛ ma a tsuo wo si kaa a maa ye somi ɔ nɔ.

Yeremia 34:8

Matsɛ Zedekia, kɛ nihi nɛ ngɛ Yerusalem ma a mi tsuo so kaa a ma ha nɛ