Matsɛmɛ II, 11:16 - BAIBLO ALOO NGMAMI KLƆUKLƆU Ɔ

¹⁶ A nu Atalia, nɛ a hɛɛ lɛ kɛ ya gu blɔ ɔ nɛ okpɔngɔ ɔmɛ guu nɔ kɛ yaa matsɛ we ɔ mi ɔ, nɛ a ya gbe lɛ ngɛ lejɛ ɔ.

Matsɛmɛ II, 11:16 ပူးပေါင်းရင်းမြစ်များ

Mose I, 9:6

I pee nɔmlɔ kaa bɔ nɛ imi, Mawu ɔ nitsɛ i ngɛ ɔ; lɔ ɔ he ɔ, nɔ tsuaa nɔ nɛ ma pue nɔmlɔ adesa muɔ si ɔ, e nyɛmi nɔmlɔ adesa nɔuu ma pue lɛ hu e muɔ si.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

Kronika II, 23:15

Kɛkɛ nɛ a nu Atalia pani nya kɛ ho matsɛ we ɔ mi ya, nɛ a ya gbe lɛ ngɛ okpɔngɔ agbo ɔ nya.

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.

Mose III, 24:17

“Nɔ tsuaa nɔ nɛ maa gbe nɔmlɔ ɔ, lɛ hu a gbe lɛ.

Matsɛmɛ II, 11:15

Osɔfo Yehoyada sume kaa a gbe Atalia ngɛ Yawɛ we ɔ. Lɔ ɔ he ɔ, e fa tabo ɔ nya asafoatsɛmɛ ɔmɛ ke, “Nyɛ je lɛ kpo kɛ gu buli ɔmɛ a kpɛti; nɔ nɛ maa ka kaa e ma kpɔ lɛ ɔ, a gbe lɛ!”

Nehemia 3:28

Osɔfo ɔmɛ a kuu ko fia gbogbo ɔ nɔ tsami ɔ, kɛ je Okpɔngɔ Agbo ɔ nya kɛ ya omleyi je; nɔ tsuaa nɔ fia gbogbo nɛ ngɛ lɛ nitsɛ e we hanɔ ɔ.

Yeremia 31:40

Nɛ kɔ̃ ɔ tsuo maa pee klɔuklɔu kɛ ha mi: gɔ ɔ, kuku ɔ, kɛ ngmɔ ɔmɛ nɛ ngɛ Kidron pa a yi mi ɔ, hluu kɛ yaa si okpɔngɔ agbo ɔ beleku je. Nɔ ko nɔ ko be ma a ngɔe hu, nɛ a be e hɛ mi kpatae hu gblegbleegble.”