Matsɛmɛ II, 11:14 - BAIBLO ALOO NGMAMI KLƆUKLƆU Ɔ

¹⁴ Benɛ e maa hyɛ ɔ, matsɛ ɔ ji nɛ ɔ nɛ daa si ngɛ titima a he kaa bɔ nɛ kusumi ɔ ngɛ ɔ. Asafoatsɛmɛ ɔmɛ, kɛ titimati kpali ɔmɛ daa si ngɛ e kasa nya, nɛ ma mi bi ɔmɛ tsuo ngɛ nyae nɛ a ngɛ titimati kpae. Kɛkɛ nɛ Atalia hía tade ɔmɛ ngɛ e he, nɛ e kpa ngmlaa nɛ e de ke, “Nyɛ tsɔ atuã! Nyɛ tsɔ atuã!”

Matsɛmɛ II, 11:14 ပူးပေါင်းရင်းမြစ်များ

Kronika II, 34:31

Kɛkɛ nɛ e ho ya da kpoku ko nɔ nɛ e ka Yawɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo. E ka kita ke níhi nɛ a ngma ngɛ mlaa womi ɔ mi ɔ, e maa pee mɛ tsuo pɛpɛɛpɛ.

Matsɛmɛ II, 23:3

E ya da titima a kasa nya, nɛ e kɛ Yawɛ so. E ka lɛ kita ke e maa bu lɛ tue, nɛ e maa ye e mlaa amɛ a nɔ kɛ e tsui tsuo, kɛ e klaa tsuo; nɛ níhi nɛ a ngma ngɛ mlaa womi ɔ mi ɔ, e maa pee lɛ tsuo pɛpɛɛpɛ. Kɛkɛ nɛ ma a tsuo wo si kaa a maa ye somi ɔ nɔ.

Matsɛmɛ II, 9:23

Kɛkɛ nɛ Yoram dɔ e ta zugba lɛ ɔ yi, nɛ e tu fo. Benɛ e yaa ngɛ blɔ ɔ nɔ tsuo ɔ, e ngɛ ngmlaa kpae nɛ e ngɛ Ahazia dee ke, “Ahazia lee, Yehu tsɔ matsɛ hɛ mi atuã!”

Luka 19:37

Benɛ e su Yerusalem ta, ngɛ he nɛ a kpleɔ Oliv yo ɔ ngɛ ɔ, nimli kpekpemi ɔ tsuo nɛ nyɛɛ e se ɔ bɔni nyami kɛ ngmlaa boboobo. A na Mawu si, nɛ a je e yi ngɛ nyakpɛ níhi nɛ a na a he.

Abɛ Womi 29:2

Ke nihi nɛ peeɔ nɔ nɛ da ngɛ ma nɔ ye ɔ, ma mi bi ɔmɛ a bua jɔɔ saminya; se ke nɔ yeli ɔmɛ ya pee yiwutsotsɛmɛ ɔ, ma a yeɔ kɔmɔ wawɛɛ nitsɛ.

Kronika I, 12:40

Nihi nɛ a kɛ lɛ a he kɛ́ we, kɛ ni nɛmɛ nɛ je Isakar, Zebulun, kɛ Naftali tɔɔ ngɔ niye ní slɔɔtoslɔɔto kɛ wo tejihi, afukpɔngɔhi, teji okpɔngɔhi, kɛ nahi a se kɛ ba. Níhi nɛ a ngɔ kɛ ba ji mamu, ngmɔkɔ, keeki, wai, kɛ nu. A ngɔ nahi kɛ tohi hu kɛ ba, nɛ a ba gbe nɛ a ye, ejakaa bua jɔmi ba Israel.

Mose I, 44:13

Nyɛmimɛ ɔmɛ kɛ aywilɛho hia a he tade ɔmɛ. A ti nɔ tsuaa nɔ wo e teji nɔ ní ekohu, nɛ a kpale a se kɛ ho ma a mi ya.

Mose I, 37:29

Benɛ Ruben kpale e se kɛ ba muɔ ɔ he, nɛ e na kaa Yosef be muɔ ɔ mi ɔ, e kɛ aywilɛho hía e he tade ɔmɛ kɛ tsɔɔ kaa e hao lɛ.

Matsɛmɛ II, 11:15

Osɔfo Yehoyada sume kaa a gbe Atalia ngɛ Yawɛ we ɔ. Lɔ ɔ he ɔ, e fa tabo ɔ nya asafoatsɛmɛ ɔmɛ ke, “Nyɛ je lɛ kpo kɛ gu buli ɔmɛ a kpɛti; nɔ nɛ maa ka kaa e ma kpɔ lɛ ɔ, a gbe lɛ!”

Matsɛmɛ I, 1:25

Mwɔnɛ ligbi nɛ ɔ, e ya gbe to, na, kɛ lohwehi nɛ wo zɔ babauu. E kpee o binyumu ɔmɛ tsuo, kɛ o tatsɛ Yoab, kɛ osɔfo Abiatar; nɛ amlɔ nɛ ɔ, a kɛ lɛ ngɛ ní yee, nɛ a ngɛ ní nue, nɛ a ngɛ ose hee kɛ ngɛ dee ke, ‘Matsɛ Adoniya yi nɛ na wami oo!’

Matsɛmɛ II, 9:13

Amlɔ nɔuu ɔ, Yehu nyɛmimɛ asafoatsɛmɛ ɔmɛ je a he tade ɔmɛ, nɛ a kɛ ha kpoku ɔ nɔ ha lɛ nɛ e da nɔ. A kpa titimati nɛ a de ke, “Yehu ji matsɛ!”