Matsɛmɛ II, 11:12 - BAIBLO ALOO NGMAMI KLƆUKLƆU Ɔ

¹² Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”

Matsɛmɛ II, 11:12 ပူးပေါင်းရင်းမြစ်များ

Samuel I, 10:24

Samuel de ma a tsuo ke, “Nyumu ɔ nɛ Yawɛ hla ji nɛ ɔ nɛ. Nɔ ko nɔ ko be kaa lɛ ngɛ ma mi bi ɔmɛ tsuo a kpɛti.” Kɛkɛ nɛ ma a tsuo hwɔ lele nɛ a de ke, “Matsɛ yi nɛ e na wa!”

Mose II, 25:16

Somi womi ɔ nɛ ma ngɔ ha mo ɔ, ngɔɔ kɛ wo daka a mi.

Matsɛmɛ I, 1:39

Benɛ a su Gihon ɔ, osɔfo Zadok ya ngɔ nu kɛ koli ɔ ngɛ kpe he bo tsu ɔ mi, nɛ e pɔ Salomo nu. Lɔ ɔ se ɔ, a kpa titimati; nɛ ma a tsuo he ose ke, “Matsɛ Salomo yi nɛ na wami oo!”

Samuel II, 1:10

Lɔ ɔ he ɔ, i hɛ kɛ su e he nɛ i gbe lɛ; ejakaa i le sa kaa si nɛ e nɔ ɔ, e be je mi tlɔe. I je matsɛ pɛɛ ɔ nɛ e bu ɔ, kɛ ga nɛ ngɛ e kɔni si ɔ, nɛ i hɛɛ kɛ ma mo, ye nyɔmtsɛ ɔ ha mi.”

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

La 98:8

Nyɛ pahi, nyɛɛ fia nyɛ dɛ! Nyɛ yokuhi tsuo, nyɛ nya ngɛ Yawɛ hɛ mi,

La 47:1

Je ma amɛ tsuo, nyɛɛ fia nyɛ dɛ mi! Nyɛɛ kɛ bua jɔmi nɛ he ose kɛ je Mawu yi!

Matsɛmɛ II, 11:2

Ahazia binyumu Yoash pɛ ji nɔ nɛ nine sui e nɔ. Bɔ nɛ e ba ji, Matsɛ Yehoram biyo Yehosheba, Ahazia nyɛmiyo ɔ, kú Yoash kɛ je matsɛ bimɛ ɔmɛ nɛ a ma mɛ gbemi ɔ a kpɛti. E ngɔ lɛ kɛ e bimɛanyɛ ɔ ya to se tsu ko mi ngɛ Yawɛ we ɔ kɛ laa Atalia; nɛ a gbi lɛ.

Samuel II, 16:16

Benɛ David huɛ Hushai, Arki no ɔ ba su Absalom ngɔ ɔ, e hwɔ lele, nɛ e de ke, “Manye oo, manye! Manye oo, manye!”

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Kpojemi 19:12

E hɛngmɛ ngɛ kaa la lilɛ, nɛ jlasi babauu fi e yi. A ngma biɛ ko ngɛ e nɔmlɔ tso ɔ he ko; se nɔ ko nɔ ko li nɔ́ nɛ ji, ja lɛ pɛ.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.

Hebribi 1:9

O suɔ dami sane yemi; se mlaa nɔ tɔmi lɛɛ o nyɛ. Enɛ ɔ he je Mawu nɛ ji o Mawu ɔ pɔ mo nu, nɛ o na bua jɔmi kulaa pe o nyɛmimɛ ɔmɛ.”

2 Korintobi 1:21

Mawu ji nɔ nɛ peeɔ waa kɛ nyɛ tsuo anɔkuale Kristo se nyɛɛli. Mawu nitsɛ lɛ hla wɔ ngɔ to,

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.

Mateo 27:29

A pee mio jlasi ngɔ fi e yi, nɛ a ngɔ tso ha lɛ nɛ e hɛɛ ngɛ e hiɔ nine mi. Kɛkɛ nɛ a kpla si ngɛ e hɛ mi, nɛ a ye e he fɛu ke, “Wa nga mo oo, Yuda bi a matsɛ!”

Mateo 21:9

Kɛkɛ nɛ nihi nɛ nyɛɛ hɛ mi, kɛ ni nɛmɛ nɛ nyɛɛ se ɔ tsuo hwɔ lele ke, “Mo kpɔ wɔ, David Bi! A gbaa nɔ nɛ ma ngɛ Nyɔmtsɛ ɔ biɛ mi ɔ! Mo kpɔ wɔ, mo Hiɔwe No!”

Daniel 6:21

Daniel he nɔ ke, “Nɛnɛ, o yi nɛ na wami kɛ ya neneene!

Daniel 3:9

A de Matsɛ Nebukadnezar ke, “Nɛnɛ, o yi nɛ na wa kɛ ya neneene!

Kɔmɔ Yemi 4:20

Wa matsɛ ɔ nɛ Yawɛ nitsɛ hla lɛ, nɛ woɔ wɔ he wami, nɛ wa ngɔ wa hɛ kɛ fɔ e nɔ kaa e ma ba kpɔ wɔ kɛ je he nyɛli ɔmɛ a dɛ mi ɔ sɛ a kpa mi, nɛ a nu lɛ.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Yesaya 8:16

Sɛ gbihi nɛ Mawu ngɔ ha mi ɔ, nyɛ, ye kaseli ɔmɛ, nyɛɛ hyɛ a nɔ saminya, konɛ a hi si daa.

La 132:18

Ma ha zo maa gbe e he nyɛli ɔmɛ kpɔtɔɔ, se e tsɛ yemi ɔ maa bɔ, nɛ e ma he biɛ saminya.”

La 89:39

Somi nɛ o kɛ o tsɔlɔ ɔ so ɔ, o je se; o sake e matsɛ pɛɛ ɔ ngɔ fɔ zugba, nɛ o ble lɛ.

La 78:5

E ha Israel bi ɔmɛ mlaa; ee, e ngɔ e munyu ɔ kɛ ha Yakob nina a. E fa wa nɛmɛ ɔmɛ ke a tsɔɔ a bimɛ ɔmɛ mlaa a,

La 21:3

O gbaa lɛ kɛ ní kpakpahi babauu; o fi lɛ jlasi nɛ a kɛ sika tsu ngmingmiingmi pee.

Ester 2:17

Matsɛ ɔ suɔ Ester pe yihewi kpa amɛ tsuo, nɛ e bua jɔ Ester he pe mɛ tsuo. Matsɛ Ahasuerus ngɔ jlasi ɔ ngɔ bu Ester, nɛ e wo lɛ manyɛ ngɛ Vashti nane mi.

Kronika II, 23:11

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ ngɔ wo e dɛ mi. Bɔ nɛ a pee kɛ wo lɛ matsɛ ji nɛ ɔ nɛ. Yehoyada kɛ e binyumu ɔmɛ pɔ Yoash nu, nɛ ma a he ose ke, “Matsɛ yi nɛ na wa oo!”

Matsɛmɛ II, 11:4

Jeha nɛ ji kpaago ɔ mi ɔ, osɔfo Yehoyada tsɔ nɛ a ya kpee asafoatsɛmɛ ɔmɛ nɛ ngɛ matsɛ he buli ɔmɛ, kɛ matsɛ we bi a tabo ɔ nya a kɛ ba Yawɛ we ɔ. E kɛ mɛ so nɛ e ha a ka lɛ kita ngɛ Yawɛ we ɔ; nɛ e kɛ matsɛ binyumu ɔ tsɔɔ mɛ.

Matsɛmɛ II, 9:3

Plɛ nu ɔ nɛ ngɛ tɔ ɔ mi ɔ ngɔ pue e yi mi, nɛ o de ke, ‘Bɔ nɛ Yawɛ de ji nɛ ɔ nɛ. I ngɛ mo nu pɔe kɛ ngɛ mo matsɛ woe ngɛ Israel ma a nɔ.’ Lɔ ɔ se ɔ, bli sinya a nɛ o je lejɛ ɔ esɔesɔ; koo to tsle.”

Matsɛmɛ I, 1:34

nɛ osɔfo Zadok, kɛ gbalɔ Natan nɛ a pɔ lɛ nu ngɛ lejɛ ɔ, nɛ a wo lɛ matsɛ, nɛ e ye Israel nɔ. Lɔ ɔ se ɔ, nyɛ kpa titimati, nɛ nyɛ he ose ke, ‘Matsɛ Salomo yi nɛ na wami!’

Samuel II, 12:30

David je jlasi ɔ nɛ ngɛ Amon bi ɔmɛ a we amaga Milkon ɔ yi, nɛ lɛ nitsɛ e bu. Jlasi ɔ jiimi maa pee sika tsu kilo nyingmi etɛ kɛ enuɔ jiimi; nɛ tɛ nɛ he jua wa ngɛ mi. David ngɔ ta yibu ní babauu nitsɛ kɛ je ma a mi kɛ ba.

Samuel II, 5:3

Lɔ ɔ he ɔ, Israel ma nimeli ɔmɛ tsuo ba Matsɛ David ngɔ ngɛ Hebron, nɛ e kɛ mɛ so somi ko ngɛ Yawɛ hɛ mi. A pɔ David nu nɛ a wo lɛ matsɛ ngɛ Israel.

Samuel II, 2:7

Lɔ ɔ he ɔ, nyɛ wlua nyɛ, nɛ nyɛɛ pee kã. Nyɛ matsɛ Saul ɔ gbo, nɛ Yuda ma a pɔ mi nu nɛ a wo mi a nɔ matsɛ.”

Samuel II, 2:4

Pee se ɔ, Yuda ma nimeli ɔmɛ ba Hebron ba pɔ David nu nɛ a wo lɛ Yuda matsɛ. Benɛ David nu kaa Yabesh Gilead bi ɔmɛ ya pu Saul ɔ,

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

Matsɛmɛ I, 2:44

Mo nitsɛ o le yayamihi tsuo nɛ o je blɔ pee tsaatsɛ David. Yawɛ maa wo mo he hiɔ.

Matsɛmɛ II, 11:11

Buli ɔmɛ a ti nɔ tsuaa nɔ hɛɛ e ta hwumi níhi, nɛ a ya da a blɔ hehi, kɛ je Yawɛ we ɔ omleyi je kɛ ya si leneyi je ngɛ bɔ sami la tɛ ɔ, kɛ we ɔ hɛ mi; nɛ a bɔle matsɛ ɔ kɛ kpe.

Matsɛmɛ I, 1:25

Mwɔnɛ ligbi nɛ ɔ, e ya gbe to, na, kɛ lohwehi nɛ wo zɔ babauu. E kpee o binyumu ɔmɛ tsuo, kɛ o tatsɛ Yoab, kɛ osɔfo Abiatar; nɛ amlɔ nɛ ɔ, a kɛ lɛ ngɛ ní yee, nɛ a ngɛ ní nue, nɛ a ngɛ ose hee kɛ ngɛ dee ke, ‘Matsɛ Adoniya yi nɛ na wami oo!’

Matsɛmɛ II, 9:13

Amlɔ nɔuu ɔ, Yehu nyɛmimɛ asafoatsɛmɛ ɔmɛ je a he tade ɔmɛ, nɛ a kɛ ha kpoku ɔ nɔ ha lɛ nɛ e da nɔ. A kpa titimati nɛ a de ke, “Yehu ji matsɛ!”

La 21:4

E bi mo ke o ha nɛ e wami se nɛ kɛ, nɛ o kplɛɛ nɔ ha lɛ. O ha lɛ be babauu nitsɛ nɛ nyagbe be he.