Matsɛmɛ II, 11:11 - BAIBLO ALOO NGMAMI KLƆUKLƆU Ɔ

¹¹ Buli ɔmɛ a ti nɔ tsuaa nɔ hɛɛ e ta hwumi níhi, nɛ a ya da a blɔ hehi, kɛ je Yawɛ we ɔ omleyi je kɛ ya si leneyi je ngɛ bɔ sami la tɛ ɔ, kɛ we ɔ hɛ mi; nɛ a bɔle matsɛ ɔ kɛ kpe.

Matsɛmɛ II, 11:11 ပူးပေါင်းရင်းမြစ်များ

Luka 11:51

Kɛ je Habel nɔ kɛ yaa su Zakaria nɛ a gbe ngɛ bɔ sami la tɛ ɔ, kɛ he klɔuklɔu ɔ a kpɛti ɔ nɔ ɔ, ee, i ngɛ nyɛ dee ke a ma bi a muɔ si ngɛ yi nɔ bi nɛ ɔmɛ a dɛ!

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Yoel 2:17

Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Ezekiel 8:16

Lɔ ɔ he ɔ, e kɛ mi ba Yawɛ we ɔ kue ɔ nɛ ngɛ mi mi je ɔ mi. Nyumuhi maa pee nyingmi enyɔ kɛ enuɔ daa si ngɛ kue ɔ, kɛ bɔ sami la tɛ ɔ a kpɛti. A plɛ a se kɛ wo Yawɛ we ɔ; a ngɔ a hɛ mi kɛ kpee beleku je, nɛ a ngɛ pu nɛ te si kɛ ma a jae.

Kronika II, 6:12

Jehanɛ benɛ Israel ma kpekpemi ɔ tsuo ngɛ Salomo hyɛe ɔ, e ho ya da bɔ sami la tɛ ɔ hɛ mi, nɛ e wo e nine nɔ kɛ ya hiɔwe, nɛ e sɔle.

Matsɛmɛ II, 11:10

Osɔfo Yehoyada dla Matsɛ David akplɔhi nɛ ngɛ Yawɛ we ɔ kɛ ha asafoatsɛmɛ ɔmɛ.

Matsɛmɛ II, 11:8

Nyɛɛ po klaangma kɛ bɔle Matsɛ Yoash, nɛ́ nɔ tsuaa nɔ nɛ hɛɛ e ta hwumi níhi ngɛ e dɛ mi. He tsuaa he nɛ matsɛ ɔ yaa a, nyɛɛ kɛ lɛ nɛ ya. Ke nɔ ko hɛ lɛ kɛ su nyɛ he haa a, a gbe lɛ.”

Mose II, 40:6

Ngɔɔ bɔ sami la tɛ ɔ nɛ a sãã sami bɔ ngɛ nɔ ɔ kɛ ma kpe he bo tsu ɔ sinya a nya.

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”