Matsɛmɛ II, 10:5 - BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, matsɛ we ɔ nɔ hyɛlɔ ɔ, amlaalo ɔ nɛ ngɛ ma a mi ɔ, ma nimeli ɔmɛ, kɛ matsɛ binyumu ɔmɛ a nɔ hyɛli ɔmɛ tsɔ ya de Yehu ke, “O tsɔli ji wɔ; nɛ nɔ́ tsuaa nɔ́ nɛ o ma de wɔ ke waa pee ɔ, wa maa pee. Wɔɔ lɛɛ wa be nɔ ko nɔ ko matsɛ woe; nɔ́ nɛ sa o hɛ mi ɔ, moo pee.”

Matsɛmɛ II, 10:5 ပူးပေါင်းရင်းမြစ်များ

Matsɛmɛ I, 20:32

Kɛkɛ nɛ a kɛ kpekpe ya bo muɔ a mlɛ mi, nɛ a kɛ tangme hu wo a kuɛ, nɛ a ya Ahab ngɔ ya de lɛ ke, “O tsɔlɔ, Benhadad ke e kpa mo pɛɛ nɛ o ngɔ e he ngɔ ke lɛ.” Ahab bi ke, “Benhadad ngɛ je mi kɛ mwɔɔ lo? Ye nyɛmi ji lɛ!”

Matsɛmɛ I, 20:4

Ahab he nɔ ke, “Mo ya de ye nyɔmtsɛ, Matsɛ Benhadad ke i kplɛɛ nɔ́ nɛ e bi mi ɔ nɔ; imi nitsɛ, kɛ nɔ́ tsuaa nɔ́ nɛ i ngɛ ɔ, e níhi ji wɔ.”

Yoshua 9:11

Wa ma nimeli ɔmɛ, kɛ wa zugba a nɔ bi ɔmɛ tsuo de wɔ ke wa hla niye ní kɛ to wa dɛ, nɛ waa hia blɔ kɛ ba nɛ wa ba na nyɛ. A de wɔ ke, ke wa ba a, wa ba de nyɛ ke wa ma sɔmɔ nyɛ. Lɔ ɔ he ɔ, waa kɛ nyɛ maa so.

Matsɛmɛ II, 18:14

Yuda matsɛ, Hezekia tsɔ ya de Asiria matsɛ ɔ ngɛ Lakish ke, “I tɔ o nɔ. I kpa mo pɛɛ nɛ o je ye zugba a nɔ; tue gblami saisaa nɛ o ma ha mi ɔ, ma pee.” Asiria matsɛ ɔ sɛ ke a ya de Yuda matsɛ, Hezekia ke e ba ha lɛ sika hiɔ kilo akpe nyɔngma, kɛ sika tsu kilo akpe.

Yoshua 9:8

A de Yoshua ke, “Wa ma sɔmɔ mo.” E bi mɛ ke, “Mɛnɔmɛ ji nyɛ? Jije nyɛ je?”

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Yeremia 27:17

Nyɛ ko bu mɛ tue kulaa! Nyɛ sɔmɔ Babilonia matsɛ ɔ, nɛ nyɛ yi nɛ na wami. Mɛni he je lɛ ma nɛ ɔ maa pee ma doku?

Mose IV, 11:12

Imi lɛ i ngɔ nimli nɛ ɔmɛ tsuo a hɔ? Imi lɛ i fɔ mɛ, loko o deɔ mi ke ma hɛɛ mɛ ngɛ ye mi si kaa bimɛanyɛ hɛɛɔ bimwɔyo, kɛ ya zugba nɛ o ka kita ke o maa ngɔ kɛ ha a tsɛmɛ ɔmɛ ɔ nɔ ɔ?

Matsɛmɛ II, 10:6

Yehu ngma mɛ womi enyɔne ke, “Ke nyɛ ngɛ ye se, nɛ nyɛ maa bu mi tue ɔ, lɛɛ hwɔɔ maa pee be nɛ ɔ mi ɔ, nyɛɛ ngɔ nyɛ nyɔmtsɛ ɔ binyumu ɔmɛ a yi koklodohi kɛ ba ha mi ngɛ Yezreel.” Matsɛ Ahab binyumu ɔmɛ a hiɛmi ji nyingmi kpaago, nɛ ma nɔ hyɛli ɔmɛ, kɛ ma nimeli ɔmɛ ji ni nɛmɛ nɛ ngɛ a nɔ hyɛe.