Matsɛmɛ II, 10:4 - BAIBLO ALOO NGMAMI KLƆUKLƆU Ɔ

⁴ Samaria ma nɔ yeli ɔmɛ a tsui po wawɛɛ nitsɛ, nɛ a de ke, “Nyɛɛ hyɛ! Matsɛmɛ enyɔ ɔmɛ po nyɛ we Yehu hɛ mi nɛ a da; kɛ wɔɔ wa maa pee kɛ da e hɛ mi kɛɛ?”

Matsɛmɛ II, 10:4 ပူးပေါင်းရင်းမြစ်များ

Matsɛmɛ II, 9:27

Benɛ Yuda matsɛ, Ahazia na nɔ́ nɛ ba a, e tu fo kɛ gu Bet Hagan blɔ. Yehu nyɛɛ e se, nɛ e de ke, “Lɛ hu nyɛ tsɛ̃ lɛ kɛ̃ɛ̃ ɔ eko!” Nɛ a tsɛ̃ lɛ kɛ̃ɛ̃ ngɛ e ta zugba lɛ ɔ mi ngɛ Gur blɔ ɔ nɔ, ngɛ Ibleam kasa nya. E tu fo kɛ ho Megido ya, nɛ e ya gbo ngɛ lejɛ ɔ.

Matsɛmɛ II, 9:24

Kɛkɛ nɛ Yehu kɛ e he wami tsuo tsɛ̃ e kɛ̃ɛ̃ ɔ kɛ gu Yoram kotimi. Kɛ̃ɛ̃ mi bi ɔ ya gbɔ e tsui mi; nɛ e gbo kɛ fɔ e ta zugba lɛ ɔ mi.

Luka 14:31

“Ke matsɛ ko, kɛ e ta buli akpe nyɔngma yaa nɛ e kɛ matsɛ kpa, kɛ lɛ hu e ta buli akpe nyingmi enyɔ ya hwu ta a, bɔ nɛ e maa pee ji nɛ ɔ nɛ. Kekleekle ɔ, e maa hi si, nɛ e ma susu e yi mi nɛ e hyɛ kaa e ma nyɛ nɛ e kɛ matsɛ kpa a nɛ hwu lo.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Yesaya 27:4

Ye wai ngmɔ ɔ he mi mi la ko be ye mi hu. Ke kaa miohi, kɛ mio pu kɛkɛ nɛ i kɛ gba ta a, jinɛ ma ya mɛ a he la, nɛ ma sã mɛ tsuo.

Matsɛmɛ II, 10:3

nyɛɛ hyɛ nyɛ nyɔmtsɛ ɔ binyumu ɔmɛ a kpɛti nɔ nɛ hi, nɛ e hɛ mi hu wa pe mɛ tsuo, nɛ nyɛɛ ngɔ lɛ kɛ hi e tsɛ sɛ ɔ nɔ, nɛ nyɛɛ hwu ta kɛ fa nyɛ nyɔmtsɛ ɔ we ɔ he.”

Hiob 41:8

Moo ta e he si kake nɛ o hyɛ, nɛ e be mo jloe kaa o ta e he si enyɔne; o hɛ be nɔ jee gblegbleegble.