Matsɛmɛ II, 10:3 - BAIBLO ALOO NGMAMI KLƆUKLƆU Ɔ

³ nyɛɛ hyɛ nyɛ nyɔmtsɛ ɔ binyumu ɔmɛ a kpɛti nɔ nɛ hi, nɛ e hɛ mi hu wa pe mɛ tsuo, nɛ nyɛɛ ngɔ lɛ kɛ hi e tsɛ sɛ ɔ nɔ, nɛ nyɛɛ hwu ta kɛ fa nyɛ nyɔmtsɛ ɔ we ɔ he.”

Matsɛmɛ II, 10:3 ပူးပေါင်းရင်းမြစ်များ

Yohane 18:36

Yesu he nɔ ke, “Ye matsɛ yemi ɔ, pi je nɛ ɔ mi nɔ́. Kaa je nɛ ɔ mi nɔ́ ɔ, jinɛ ye se nyɛɛli ɔmɛ maa plee ye he, konɛ a ko ngɔ mi ngɔ ha Yuda ma nimeli ɔmɛ. Se enɛ ɔ, ye matsɛ yemi ɔ, pi je nɛ ɔ mi nɔ́.”

Samuel I, 11:15

Ma a tsuo ho nɛ a ya wo Saul matsɛ ngɛ Gilgal ngɛ Yawɛ hɛ mi. A sã tue mi jɔmi bɔhi ngɛ Yawɛ hɛ mi ngɛ lejɛ ɔ, nɛ Saul kɛ Israel ma a tsuo nyá babauu.

Samuel I, 10:24

Samuel de ma a tsuo ke, “Nyumu ɔ nɛ Yawɛ hla ji nɛ ɔ nɛ. Nɔ ko nɔ ko be kaa lɛ ngɛ ma mi bi ɔmɛ tsuo a kpɛti.” Kɛkɛ nɛ ma a tsuo hwɔ lele nɛ a de ke, “Matsɛ yi nɛ e na wa!”

Matsɛmɛ II, 10:2

“Nyɛ nyɔmtsɛ ɔ binyumu ɔmɛ a nɔ hyɛli ji nyɛ; nɛ nyɛ ngɛ ta zugba lɛhi, okpɔngɔhi, ta hwumi níhi, kɛ ma nɛ a fia gbogbo ngɔ wo he. Lɔ ɔ he ɔ, ke nyɛ nine su womi nɛ ɔ nɔ pɛ,

Matsɛmɛ II, 10:4

Samaria ma nɔ yeli ɔmɛ a tsui po wawɛɛ nitsɛ, nɛ a de ke, “Nyɛɛ hyɛ! Matsɛmɛ enyɔ ɔmɛ po nyɛ we Yehu hɛ mi nɛ a da; kɛ wɔɔ wa maa pee kɛ da e hɛ mi kɛɛ?”