Matsɛmɛ II, 10:29 - BAIBLO ALOO NGMAMI KLƆUKLƆU Ɔ

²⁹ Se lɛ hu e ya wo Matsɛ Yeroboam, Nebat binyumu ɔ nane; nɛ e pee yayami. Lɔ ɔ ji sika tsu na bi ɔmɛ nɛ Yeroboam pee kɛ ma Betel kɛ Dan nɛ e ha Israel ja mɛ, nɛ lɔ ɔ plɛ yayami ha mɛ ɔ, Yehu hu ya nɔ nɛ e ja mɛ ja nɔuu.

Matsɛmɛ II, 10:29 ပူးပေါင်းရင်းမြစ်များ

Matsɛmɛ I, 14:16

Yawɛ ma je e nine ngɛ Israel he, ejakaa Yeroboam pee yayami, nɛ e ha nɛ Israel hu ya pee yayami.”

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Matsɛmɛ II, 17:22

Israel bi ɔmɛ ya nyɛɛ Yeroboam se, nɛ a pee yayami tsuo nɛ e pee ɔ hluu

Matsɛmɛ II, 15:28

E pee yayami kɛ si Yawɛ. Yayamihi tsuo nɛ Yeroboam, Nebat binyumu ɔ ha nɛ Israel pee ɔ, e ngmɛɛ we he.

Matsɛmɛ II, 15:24

E pee yayami kɛ si Yawɛ. Yayamihi nɛ Nebat binyumu Yeroboam ha nɛ Israel pee ɔ, e ngmɛɛ we he.

Matsɛmɛ II, 15:18

E pee yayami kɛ si Yawɛ. E wami be ɔ tsuo ɔ, yayamihi nɛ Nebat binyumu Yeroboam ha nɛ Israel pee ɔ, e ngmɛɛ we a he.

Matsɛmɛ II, 15:9

E pee yayami kɛ si Yawɛ kaa bɔ nɛ matsɛmɛ ɔmɛ nɛ nyɛɛ e hɛ mi ɔ pee ɔ pɛpɛɛpɛ. Yayamihi nɛ Nebat binyumu Yeroboam ha nɛ Israel pee ɔ, e ngmɛɛ we he.

Matsɛmɛ II, 14:24

E pee yayami kɛ si Yawɛ. Yayamihi tsuo nɛ Yeroboam, Nebat binyumu ɔ ha nɛ Israel pee ɔ, e ngmɛɛ we he.

Matsɛmɛ II, 13:11

Lɛ hu e pee yayami kɛ si Yawɛ. Yayamihi tsuo nɛ Nebat binyumu Yeroboam ha nɛ Israel pee ɔ, Yehoash ngmɛɛ we he; se mohu e tsa nɔ.

Matsɛmɛ II, 13:2

Yehoahaz pee yayami kɛ si Yawɛ. Yayamihi nɛ Nebat binyumu Yeroboam ha nɛ Israel pee ɔ, e ngmɛɛ we he; se e tsa nɔ mohu.

Samuel I, 2:24

Dɛbi, ye bimɛ, nyɛ kpa! Níhi nɛ i ngɛ nue nɛ Yawɛ ma a ngɛ dee ngɛ nyɛ he ɔ, pi ní kpakpahi.

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Mose II, 32:4

E he tue nya ní ɔmɛ ngɛ a dɛ nɛ e sile, nɛ e plɛ sika tsu nyu ɔ kɛ wo tso nɛ a kpɛ́ mi, nɛ e kɛ pee sika tsu na bi. Kɛkɛ nɛ ma a de ke, “Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!”

Mose I, 20:9

Kɛkɛ nɛ Abimelek tsɔ ya tsɛ Abraham kɛ ba, nɛ e bi lɛ ke, “Mɛni o pee wɔ nɛ ɔ? Mɛni yayami i pee mo loko o ha amanehlu kaa kikɛ nɛ ɔ ba i kɛ ye ma mi bi ɔmɛ wa nɔ ɔ? Nɔ́ nɛ a pee we nɔ nɛ o pee mi nɛ ɔ nɛ.

Matsɛmɛ II, 10:28

Bɔ nɛ Yehu pee nɛ e gu Baal jami ngɛ Israel ji nɛ ɔ nɛ.

Matsɛmɛ II, 10:31

Se Yehu yi Yawɛ, Israel Mawu ɔ mlaa a nɔ kɛ e tsui tsuo. Mohu ɔ, e ya wo Yeroboam, nɔ nɛ ha Israel pee yayami ɔ nane.

Ezekiel 23:8

Yahomi nɛ e je sisi kɛ je e yihe mi ngɛ Egipt, he nɛ a fiɛ e nyɔ he, nɛ a kɛ lɛ bɔ ajuama nɛ a puɛ lɛ ngɛ ɔ, e kpa we.

Matsɛmɛ II, 3:3

Se kaa bɔ nɛ Matsɛ Yeroboam, Nebat binyumu ɔ pee ɔ, Yehoram hu nyɛɛ Israel hɛ mi kɛ pee yayami nɛ e kpa we.