Matsɛmɛ II, 10:25 - BAIBLO ALOO NGMAMI KLƆUKLƆU Ɔ

²⁵ Benɛ a dla bɔ sami ní ɔmɛ ta a, Yehu de buli ɔmɛ, kɛ asafoatsɛmɛ ɔmɛ ke, “Nyɛɛ ya nɛ nyɛ ya gbe mɛ tsuo; nyɛ ko ha nɛ nɔ ko nɛ je kpo!” Kɛkɛ nɛ buli ɔmɛ, kɛ asafoatsɛmɛ ɔmɛ kɛ klaate gbe ni ɔmɛ, nɛ a sake mɛ kɛ pue kpo ɔ nɔ. Lɔ ɔ se ɔ, a ya sɛ Baal wɔ tsu ɔ mi,

Matsɛmɛ II, 10:25 ပူးပေါင်းရင်းမြစ်များ

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.

Mose II, 32:27

Nɛ e de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Nyɛ ti nɔ tsuaa nɔ nɛ mia kɛ klaate, nɛ nyɛɛ kpa ma a sito he ɔ tsuo kɛ ya kɛ ba; kɛ je agbo kake nya kɛ yaa si agbo kpa nya, nɛ nyɛɛ gbe nɔ tsuaa nɔ nɛ nyɛ maa na; nyɛmi jio, huɛ jio, nɔ lele jio!’ ”

Mose II, 22:20

“Nɔ tsuaa nɔ nɛ maa sã bɔ kɛ ha mawu kpa ko, se pi imi Yawɛ ɔ, a kpata e hɛ mi.

Samuel I, 22:17

Nɛ matsɛ ɔ de e he buli nɛ daa si ngɛ e kasa nya a ke, “Nyɛɛ gbe Yawɛ osɔfo ɔmɛ, ejakaa a kɛ David so; a le e fo tumi ɔ he nɔ́ ko, se a wo we ye tue nɔ.” Se matsɛ tsɔli ɔmɛ kplɛɛ we kaa a ma wo a nine nɔ ngɛ Yawɛ osɔfo ɔmɛ a nɔ nɛ a gbe mɛ.

Matsɛmɛ II, 23:20

E gbe osɔfo ɔmɛ tsuo nɛ ngɛ lejɛ ɔ ngɛ bɔ sami la tɛ ɔmɛ a nɔ he nɛ a jaa ngɛ ɔ, nɛ e sã nimli a wuhi ngɛ bɔ sami la tɛ tsuaa bɔ sami la tɛ nɔ. Enɛ ɔ se ɔ, e kpale kɛ ho Yerusalem ya.

Matsɛmɛ II, 11:18

Lɔ ɔ se ɔ, ma mi bi ɔmɛ tsuo ya sɛ Baal jami he ɔ, nɛ a gbɛ lɛ kɛ pue si. A ku bɔ sami la tɛ ɔmɛ, kɛ amaga amɛ dukuduku, nɛ a gbe Baal osɔfo ɔ nɛ a tsɛɛ lɛ Matan ɔ ngɛ bɔ sami la tɛ ɔmɛ a hɛ mi. Osɔfo Yehoyada ngɔ buli ya to Yawɛ we ɔ.