Matsɛmɛ II, 10:19 - BAIBLO ALOO NGMAMI KLƆUKLƆU Ɔ

¹⁹ Lɔ ɔ he ɔ, nyɛɛ ya nɛ nyɛ ya kpee Baal gbali ɔmɛ, Baal jali ɔmɛ, kɛ Baal wɔnɔ ɔmɛ tsuo pɛpɛɛpɛ kɛ ba ha mi; a ko si nɔ ko nɔ ko. I ma nɛ ma ba sã bɔ ngua ko ha Baal; nɔ nɛ bɛ ɔ, a maa gbe lɛ.” (Blɔɔ ga nɛ Yehu to nɛ e kɛ ma kpata Baal jali ɔmɛ a hɛ mi ji nɛ ɔ nɛ.)

Matsɛmɛ II, 10:19 ပူးပေါင်းရင်းမြစ်များ

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Matsɛmɛ I, 18:19

Lɔ ɔ he ɔ, moo tsɔ nɛ a ya bua Israel ma a tsuo nya nɛ a kɛ mi ba kpe ngɛ Karmel yo ɔ nɔ. Ngɔɔ Baal gbali lafa eywiɛ kɛ nyingmi enuɔ ɔmɛ, kɛ yo mawu Ashera gbali lafa eywiɛ ɔmɛ nɛ a nyɛɛɔ Manyɛ Yezebel se ɔ hu kɛ ba.”

1 Tesalonikabi 2:3

Lɔ ɔ he ɔ, nyɛ maa na kaa munyu nɛ wa kɛ ba fɔ nyɛ hɛ mi ɔ, pi mu ní tsumi, loo juɛmi yayami mi nɛ e je; wa bɛ nɛ wa ba sisi nyɛ.

2 Korintobi 11:3

I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Abɛ Womi 29:5

Nɔ nɛ kɛ e nyɛmi tuɔ munyu dɔkɔbii ɔ, klama e ngɛ lɛ tsɔe ɔ nɛ.

Hiob 13:7

Mɛni he je nyɛ ngɛ lakpa yee? Nyɛ susu kaa nyɛ lakpa a he maa ba se nami ha Mawu lo?

Matsɛmɛ II, 10:18

Enɛ ɔ se ɔ, Yehu bua ma a tsuo nya nɛ e de mɛ ke, “Ahab ja Baal bɔɔ pɛ; se imi Yehu lɛɛ ma ja lɛ wawɛɛ nitsɛ.

Matsɛmɛ II, 3:13

Elisha de Israel matsɛ ɔ ke, “Mɛni sane i kɛ mo ngɛ? Yaa o tsɛ kɛ o nyɛ a gbali ɔmɛ a ngɔ.” Israel matsɛ ɔ de lɛ ke, “Dɛbi, Yawɛ ji nɔ nɛ ngɔ wɔ matsɛmɛ etɛ nɛ ɔmɛ kɛ wo Moab matsɛ ɔ dɛ mi ɔ nɛ.”