Matsɛmɛ II, 10:17 - BAIBLO ALOO NGMAMI KLƆUKLƆU Ɔ

¹⁷ Benɛ a ya su lejɛ ɔ, Yehu gbe Ahab nyɛmimɛ ɔmɛ tsuo nɛ piɛ ngɛ lejɛ ɔ. E kpata mɛ tsuo pɛpɛɛpɛ a hɛ mi; nɔ kake ngmelu po píɛ. Nɔ́ nɛ Yawɛ de Eliya ke e maa ba mi ji nɛ ɔ nɛ.

Matsɛmɛ II, 10:17 ပူးပေါင်းရင်းမြစ်များ

Matsɛmɛ II, 9:8

Ahab weku kɛ nina tsuo pɛpɛɛpɛ a hɛ mi ma kpata; nɛ ma gbe binyumuyo tsuaa binyumuyo ngɛ Ahab we ɔ mi ngɛ Israel, odehe jio, nyɔguɛ jio.

Kronika II, 22:8

Benɛ Yehu nyɛɛ Ahab weku li ɔmɛ, kɛ e huɛmɛ ɔmɛ a se nɛ e ngɛ mɛ gbee ɔ, e ya na Yuda ganɔ komɛ, kɛ Ahazia nyɛmimɛ ɔmɛ a bimɛ nɛ nyɛɛ Ahazia se kɛ ya slaa Yoram ɔ. Yehu gbe mɛ tsuo pɛpɛɛpɛ.

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Matsɛmɛ I, 21:21

Lɔ ɔ he ɔ, Yawɛ ngɛ mo dee ke, ‘I kɛ haomi maa ba o nɔ. Ma kpata o hɛ mi, nɛ ma gbe nyumu tsuaa nyumu ngɛ o we ɔ mi, nyɔguɛ jio, odehe jio.

Matsɛmɛ II, 1:17

Ahazia gbo niinɛ kaa bɔ nɛ Yawɛ gu Eliya nɔ de to ɔ. Nɛ akɛnɛ Ahazia be binyumu he je ɔ, e nyɛminyumu Yoram ba ye matsɛ ngɛ e se ngɛ Yuda matsɛ, Yehoram nɛ ji Yehoshafat binyumu ɔ yi nɔ jeha enyɔne ɔ mi.