Matsɛmɛ II, 10:16 - BAIBLO ALOO NGMAMI KLƆUKLƆU Ɔ

¹⁶ nɛ e de lɛ ke, “Ha waa ho nɛ o ya hyɛ kɛ o hɛngmɛ níhi nɛ i pee ha Yawɛ.” Nɛ e kɛ lɛ hi ta zugba lɛ ɔ mi kɛ ho Samaria ya.

Matsɛmɛ II, 10:16 ပူးပေါင်းရင်းမြစ်များ

Matsɛmɛ I, 19:10

E he nɔ ke, “Yawɛ Tabohiatsɛ Mawu, i sɔmɔɔ mo daa be tsuaa bekɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe!”

Matsɛmɛ II, 10:31

Se Yehu yi Yawɛ, Israel Mawu ɔ mlaa a nɔ kɛ e tsui tsuo. Mohu ɔ, e ya wo Yeroboam, nɔ nɛ ha Israel pee yayami ɔ nane.

Romabi 10:2

Ejakaa i ngɛ odase ngɛ he kaa a hɛ dɔɔ wawɛɛ ngɛ Mawu he, se blɔ nɔ nɛ a kɛ ma ja lɛ ɔ nɛ a li.

Mateo 6:5

“Ke nyɛ ngɛ sɔlee ɔ, nyɛ ko pee nyɛ ní kaa osatotsɛmɛ ɔmɛ! A suɔ kaa a da kpe he ɔmɛ, kɛ gbɛjegbɛ ɔmɛ a kɔ nya kɛ sɔle, konɛ nihi nɛ na mɛ. Niinɛ, i ngɛ nyɛ dee ke a nine su a hiɔwo nɔ momo.

Mateo 6:2

“Lɔ ɔ he ɔ, ke o maa ke nɔ́ ɔ, koo pee lɛ hoo kaa bɔ nɛ osatotsɛmɛ ɔmɛ peeɔ ngɛ kpe hehi, kɛ gbɛjegbɛ ɔmɛ a nɔ ɔ. A peeɔ jã, konɛ nihi nɛ je a yi. I ngɛ nyɛ dee anɔkuale mi ke a nine su a hiɔwo nɔ momo.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Abɛ Womi 27:2

Ha nɛ nɔ kpa nɛ je o yi. Ha nɛ nubwɔ mohu nɛ kɔ mo; pi mo nitsɛ.

Matsɛmɛ I, 19:17

Nɔ tsuaa nɔ nɛ maa tu fo kɛ je Hazael klaate nya a, Yehu maa gbe lɛ; nɛ nɔ nɛ maa tu fo kɛ maa je Yehu klaate nya a, Elisha maa gbe lɛ.

Matsɛmɛ I, 19:14

E he nɔ ke, “Yawɛ Mawu Ope, i sɔmɔɔ mo daa be tsuaa be kɛ hɛdɔ. Se Israel ma a lɛɛ somi nɛ o kɛ mɛ so ɔ, a yi nɔ; a hule o bɔ sami la tɛ ɔmɛ pue si, nɛ a gbe o gbali ɔmɛ tsuo pɛpɛɛpɛ. Imi nɔ kake too pɛ nɛ i piɛ, nɛ a ngɛ mi hlae nɛ a gbe.”

Mose IV, 23:4

nɛ Mawu kɛ lɛ ya kpe ngɛ lejɛ ɔ. Balaam de Mawu ke, “I puɛ bɔ sami la tɛ kpaago ɔmɛ, nɛ i sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.”

Matsɛmɛ II, 10:17

Benɛ a ya su lejɛ ɔ, Yehu gbe Ahab nyɛmimɛ ɔmɛ tsuo nɛ piɛ ngɛ lejɛ ɔ. E kpata mɛ tsuo pɛpɛɛpɛ a hɛ mi; nɔ kake ngmelu po píɛ. Nɔ́ nɛ Yawɛ de Eliya ke e maa ba mi ji nɛ ɔ nɛ.