Matsɛmɛ II, 10:14 - BAIBLO ALOO NGMAMI KLƆUKLƆU Ɔ

¹⁴ Yehu de e we bi ɔmɛ ke, “Nyɛɛ nuu mɛ hɛ ngmengmle!” A nuu mɛ hɛ ngmengmle, nɛ a gbe mɛ ngɛ muɔ ko kasa nya ngɛ lejɛ ɔ. A gbe nimli nyingmi eywiɛ kɛ enyɔ sɔuu; nɔ kake po píɛ.

Matsɛmɛ II, 10:14 ပူးပေါင်းရင်းမြစ်များ

Kronika II, 22:10

Benɛ Matsɛ Ahazia nyɛ, Atalia na le kaa a gbe e binyumu ɔ, e ha nɛ a kpata Yuda matsɛ we mi bimɛ ɔmɛ tsuo a hɛ mi.

Kronika II, 22:8

Benɛ Yehu nyɛɛ Ahab weku li ɔmɛ, kɛ e huɛmɛ ɔmɛ a se nɛ e ngɛ mɛ gbee ɔ, e ya na Yuda ganɔ komɛ, kɛ Ahazia nyɛmimɛ ɔmɛ a bimɛ nɛ nyɛɛ Ahazia se kɛ ya slaa Yoram ɔ. Yehu gbe mɛ tsuo pɛpɛɛpɛ.

Matsɛmɛ II, 11:1

Benɛ Matsɛ Ahazia nyɛ Atalia na le kaa a gbe e binyumu ɔ, e ha nɛ a kpata matsɛ we mi bimɛ ɔmɛ tsuo a hɛ mi.

Matsɛmɛ II, 10:6

Yehu ngma mɛ womi enyɔne ke, “Ke nyɛ ngɛ ye se, nɛ nyɛ maa bu mi tue ɔ, lɛɛ hwɔɔ maa pee be nɛ ɔ mi ɔ, nyɛɛ ngɔ nyɛ nyɔmtsɛ ɔ binyumu ɔmɛ a yi koklodohi kɛ ba ha mi ngɛ Yezreel.” Matsɛ Ahab binyumu ɔmɛ a hiɛmi ji nyingmi kpaago, nɛ ma nɔ hyɛli ɔmɛ, kɛ ma nimeli ɔmɛ ji ni nɛmɛ nɛ ngɛ a nɔ hyɛe.

Matsɛmɛ II, 8:18

E ngɔ Ahab biyo; nɛ kaa bɔ nɛ Ahab we ɔ pee ɔ, lɛ hu e ya wo Israel matsɛmɛ ɔmɛ a nane, nɛ e pee yayami kɛ si Yawɛ.

Matsɛmɛ I, 20:18

Benhadad fa ke, “Ke a ma nɛ a ba ha yi jio, ta hwumi nɛ a ma jio, nyɛɛ nuu mɛ hɛ ngmengmle!”

Matsɛmɛ II, 10:12

Jehanɛ Yehu je Yezreel kɛ ho Samaria ya. Benɛ e ya su he ko nɛ a tsɛɛ “To hyɛli a hwɔ he” ɔ,

Matsɛmɛ II, 10:13

e kɛ Yuda matsɛ, Ahazia nyɛmimɛ ɔmɛ kpe. E bi mɛ ke, “Mɛnɔmɛ ji nyɛ?” A he nɔ ke, “Ahazia nyɛmimɛ ji wɔ. Wa yaa nɛ wa ya slaa matsɛ binyumu ɔmɛ, kɛ manyɛ binyumu ɔmɛ.”

Matsɛmɛ II, 10:15

Benɛ Yehu je lejɛ ɔ, e kɛ Rekab binyumu Yehonadab ya kpe ngɛ blɔ ɔ nɔ. Yehu nga lɛ, nɛ e bi lɛ ke, “Bɔ nɛ ye tsui mi ngɛ faa ngɛ o he ɔ, ja mo hu o nɔ́ ɔ ngɛ lo?” Yehonadab he nɔ ke, “Ee, ye tsui mi ngɛ faa.” Yehu de lɛ ke, “Ke ja a, lɛɛ moo ta ye dɛ mi.” A ta a sibi a dɛ mi, nɛ Yehu ngɔ lɛ kɛ wo e ta zugba lɛ ɔ mi;

Yeremia 41:5

nyumuhi nyingmi kpaanyɔ komɛ je Shekem, Shilo, kɛ Samaria kɛ ba. Nɛ a ma a, a sɛ a kpɛnihi, nɛ a hía a he tadehi, nɛ a je blɔ nɛ a plaa mɛ nitsɛmɛ a he. A hɛɛ niye ní bɔ, kɛ tsopa kɛ e he via ngɛ a dɛ mi kɛ ma Yawɛ we ɔ.