Matsɛmɛ II, 10:11 - BAIBLO ALOO NGMAMI KLƆUKLƆU Ɔ

¹¹ Enɛ ɔ se ɔ, Yehu gbe nihi tsuo pɛpɛɛpɛ nɛ piɛ ngɛ Ahab we ɔ mi ngɛ Yezreel, nimli ngua amɛ, e huɛmɛ kpakpa amɛ, kɛ osɔfo ɔmɛ tsuo; e píɛ a ti nɔ kake po.

Matsɛmɛ II, 10:11 ပူးပေါင်းရင်းမြစ်များ

Hiob 18:19

E be bi, loo nina ngɛ e ma mi bi ɔmɛ a kpɛti; he nɛ e hi be ko ɔ, e nina ko be lejɛ ɔ.

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Hosea 1:4

Yawɛ de Hosea ke, “Wo bi ɔ biɛ ke ‘Yezreel’; ejakaa e be kɛe kulaa nɛ ma gbla Israel matsɛ ɔ tue ngɛ nihi nɛ e nɛ̃, Yehu kpata a hɛ mi ngɛ Yezreel ɔ a he. Ma ha nɛ Yehu nɔ yemi ɔ se maa po.

Abɛ Womi 13:20

Nɔ nɛ kɛ ní leli nyɛɛɔ ɔ, e leɔ ní. Se nɔ nɛ kɛ kuasiahi bɔɔ ɔ, haomi lɛ baa e nɔ.

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

La 109:13

E ngmɛdu hɛ mi nɛ kpata pɛsɛpɛsɛ; nɛ yi nɔ nɛ maa nyɛɛ se ɔ ko le e biɛ tete po.

Matsɛmɛ II, 23:20

E gbe osɔfo ɔmɛ tsuo nɛ ngɛ lejɛ ɔ ngɛ bɔ sami la tɛ ɔmɛ a nɔ he nɛ a jaa ngɛ ɔ, nɛ e sã nimli a wuhi ngɛ bɔ sami la tɛ tsuaa bɔ sami la tɛ nɔ. Enɛ ɔ se ɔ, e kpale kɛ ho Yerusalem ya.

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Matsɛmɛ I, 21:22

Ma pee o we ɔ kaa bɔ nɛ i pee Nebat binyumu Yeroboam, kɛ Abiya binyumu Baasha a we ɔmɛ ɔ, ejakaa o wo ye mi mi la kaa o ha Israel ya pee yayami.’

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.

Matsɛmɛ I, 18:19

Lɔ ɔ he ɔ, moo tsɔ nɛ a ya bua Israel ma a tsuo nya nɛ a kɛ mi ba kpe ngɛ Karmel yo ɔ nɔ. Ngɔɔ Baal gbali lafa eywiɛ kɛ nyingmi enuɔ ɔmɛ, kɛ yo mawu Ashera gbali lafa eywiɛ ɔmɛ nɛ a nyɛɛɔ Manyɛ Yezebel se ɔ hu kɛ ba.”

Matsɛmɛ I, 16:11

Benɛ Zimri bɔni matsɛ yemi pɛ nɛ e gbe nɔ tsuaa nɔ ngɛ Baasha we ɔ mi; nyumu kake too po píɛ. E gbe Baasha weku li, kɛ e huɛmɛ tsuo.

Matsɛmɛ I, 15:29

Benɛ Baasha bɔni matsɛ yemi pɛ nɛ e gbe nɔ tsuaa nɔ ngɛ Yeroboam we ɔ mi kaa bɔ nɛ Yawɛ de to kɛ gu e tsɔlɔ, gbalɔ Ahiya, Shilo no ɔ nɔ ɔ. A gbe nɔ tsuaa nɔ ngɛ Yeroboam we ɔ mi; nɔ kake po piɛ.

Matsɛmɛ I, 14:10

Enɛ ɔ he je ɔ, i kɛ haomi maa ba o we ɔ nɔ, nɛ ma gbe nyumu tsuaa nyumu ngɛ we ɔ mi, nyɔguɛ jio, odehe jio. Ma kpata o we ɔ hɛ mi; a maa bɛɛ mɛ kɛ ho kaa a bɛɛɔ na fi.

Yoshua 11:8

Yawɛ ha Israel bi ɔmɛ ye a nɔ. Israel bi ɔmɛ tua mɛ, nɛ a nyɛɛ a se kɛ ya su Sidon Ngua, kɛ Misrefot Maim ngɛ omleyi je; jehanɛ, a nyɛɛ a se kɛ gu beleku je kɛ ya su Mizpa kɔ̃ ɔ mi tɔɔ. A hwu ta a kɛ ya si be nɛ a gbe he nyɛli ɔmɛ tsuo pɛpɛɛpɛ nɛ nɔ kake po píɛ.

Yoshua 10:30

Yawɛ ngɔ ma nɛ ɔ, kɛ matsɛ ɔ ngɔ wo a dɛ nɛ a gbe mɛ tsuo pɛpɛɛpɛ; a kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yoshua pee Yeriko matsɛ ɔ, jã pɛpɛɛpɛ nɛ e pee Libna matsɛ ɔ.

Yoshua 15:56

Yezreel, Yokdeam, Zanoa,

Matsɛmɛ II, 10:12

Jehanɛ Yehu je Yezreel kɛ ho Samaria ya. Benɛ e ya su he ko nɛ a tsɛɛ “To hyɛli a hwɔ he” ɔ,

Kronika II, 22:8

Benɛ Yehu nyɛɛ Ahab weku li ɔmɛ, kɛ e huɛmɛ ɔmɛ a se nɛ e ngɛ mɛ gbee ɔ, e ya na Yuda ganɔ komɛ, kɛ Ahazia nyɛmimɛ ɔmɛ a bimɛ nɛ nyɛɛ Ahazia se kɛ ya slaa Yoram ɔ. Yehu gbe mɛ tsuo pɛpɛɛpɛ.

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

Matsɛmɛ II, 9:7

O ma kpata o nyɔmtsɛ Ahab we ɔ hɛ mi; nɛ i kɛ nɔ́ nɛ ɔ maa ye ye tsɔli gbali ɔmɛ, kɛ imi Yawɛ, ye tsɔli kpa amɛ tsuo a muɔ nɛ Yezebel pue si ɔ he lue.

Matsɛmɛ II, 9:9

Ma pee Ahab we ɔ kaa bɔ nɛ i pee Nebat binyumu Yeroboam, kɛ Ahija binyumu Baasha a we ɔmɛ ɔ.

Kronika II, 22:7

Se Mawu gu slaami nɛ Ahazia ya slaa Yoram ɔ nɔ nɛ e kɛ kpata Ahazia hɛ mi. Benɛ Ahazia ngɛ lejɛ ɔ, e kɛ Yoram je kpo ya na Nimshi binyumu nɛ a tsɛɛ Yehu ɔ. Lɛ ji nɔ nɛ Yawɛ hla kɛ to nɛ e ba kpata Ahab we ɔ hɛ mi.