Matsɛmɛ II, 10:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, nyɛ ná nɛ nyɛɛ le kaa nɔ́ tsuaa nɔ́ nɛ Yawɛ de ngɛ Ahab we ɔ he ɔ, ekoeko be yaka pee. Nɔ́ nɛ Yawɛ de kɛ gu e tsɔlɔ Eliya nɔ ke e maa pee ɔ, lɔ ɔ e pee nɛ ɔ nɛ.”

Matsɛmɛ II, 10:10 ပူးပေါင်းရင်းမြစ်များ

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

Matsɛmɛ I, 21:19

De lɛ ke imi Yawɛ, i ngɛ lɛ bie ke, ‘Nɛ o gbe nyumu ɔ, o ma pa ngɔ e weto ní ɔ kɛ pee o nɔ lo?’ De lɛ ke bɔ nɛ i de ji nɛ ɔ nɛ: ‘He nɛ gbe ɔmɛ lɔ Nabot muɔ ngɛ ɔ, lejɛ ɔ nɔuu a ma lɔ mo hu o muɔ ngɛ!’ ”

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Matsɛmɛ II, 9:36

A kpale a se kɛ ba nɛ a ba bɔ Yehu amaniɛ ɔ. Yehu de ke, “Nɔ́ nɛ Yawɛ de to kaa e maa ba mi ɔ ji nɛ ɔ nɛ. Yawɛ tu munyu kɛ gu e tsɔlɔ Eliya, Tishbe no ɔ nɔ ke, ‘Yezreel zugba a nɔ nɔuu nɛ gbehi maa ye Yezebel lo ngɛ.

Samuel I, 15:29

Mawu nɛ ji Israel hɛ mi nyami ɔ, e yi lakpa, nɛ e tsakee we e yi mi tomi hulɔ; ejakaa tsa pi nɔmlɔ ji lɛ nɛ e ma tsake e yi mi tomi.”

Samuel I, 3:19

Nɛ́ Samuel ngɛ wae ɔ, Yawɛ kɛ lɛ ngɛ, nɛ nɔ́ tsuaa nɔ́ nɛ Samuel de ɔ, Yawɛ haa e baa mi ja pɛpɛɛpɛ.

Marko 13:31

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho kɔkɔɔkɔ.

Matsɛmɛ II, 10:17

Benɛ a ya su lejɛ ɔ, Yehu gbe Ahab nyɛmimɛ ɔmɛ tsuo nɛ piɛ ngɛ lejɛ ɔ. E kpata mɛ tsuo pɛpɛɛpɛ a hɛ mi; nɔ kake ngmelu po píɛ. Nɔ́ nɛ Yawɛ de Eliya ke e maa ba mi ji nɛ ɔ nɛ.

Matsɛmɛ II, 15:12

Lɔ ɔ he ɔ, si nɛ Yawɛ wo Matsɛ Yehu ɔ ba mi. Yawɛ de lɛ ke, “O bimɛ maa ye matsɛ ngɛ Israel kɛ yaa si yi nɔ nɛ ji eywiɛ ɔ.”

Ester 6:10

Kɛkɛ nɛ matsɛ ɔ de Haman ke, “Ngɔɔ ablade tade ɔ, kɛ okpɔngɔ ɔ esɔ, nɛ o ya pee ní nɛ ɔmɛ kɛ wo Yuda no ɔ nɛ a tsɛɛ lɛ Mordekai ɔ hɛ mi nyami. Pee kaa bɔ nɛ o de ɔ pɛpɛɛpɛ ha lɛ. O maa na lɛ nɛ hii si ngɛ matsɛ we ɔ agbo ɔ nya.”