Matsɛmɛ II, 1:15 - BAIBLO ALOO NGMAMI KLƆUKLƆU Ɔ

¹⁵ Yawɛ bɔfo ɔ de Eliya ke, “Kple si nɛ o kɛ lɛ nɛ ya; koo ye gbeye.” Kɛkɛ nɛ Eliya kɛ asafoatsɛ ɔ ho matsɛ ɔ ngɔ ya,

Matsɛmɛ II, 1:15 ပူးပေါင်းရင်းမြစ်များ

Yesaya 51:12

Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Yeremia 15:20

Ma ha nɛ o maa pee kaa akɔblee gbogbo nɛ he wa ngɛ a hɛ mi; a kɛ mo maa hwu ta, se a be mo nyɛe. I kɛ mo maa hi si; ma bu o he, nɛ ma he o yi wami.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

Matsɛmɛ II, 1:3

Se Yawɛ bɔfo ɔ de gbalɔ Eliya nɛ je Tishbe ɔ ke e ya nɛ e kɛ Matsɛ Ahazia tsɔli ɔmɛ ya kpe, nɛ e bi mɛ ke, “Mɛni he je nyɛ yaa bi ní ngɛ Ekron mawu Baalzebub ɔ ngɔ ɔ? Anɛ Mawu be Israel lo?

Matsɛmɛ I, 18:15

Eliya he nɔ ke, “I na Yawɛ Tabohiatsɛ ɔ nɛ i sɔmɔɔ lɛ ɔ, kaa mwɔnɛ ligbi nɛ ɔ, ma ngɔ ye he kɛ tsɔɔ matsɛ ɔ.”

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Hebribi 11:27

Hemi kɛ yemi lɛ ha nɛ Mose je Egipt nɛ e yi matsɛ ɔ mi mi fumi ɔ gbeye. E kpale we e se, ejakaa Mawu nɛ e nɛ́ kɛ e hɛngmɛ ɔ, e pɛtɛ e he wawɛɛ kaa nɔ́ nɛ e ngɛ lɛ hyɛe paa.

Matsɛmɛ II, 1:14

Hyɛ, la je hiɔwe ba sã asafoatsɛmɛ enyɔ ɔmɛ kɛ a we bihi nyingmi enuɔɔnuɔ nɛ a sɛ hlami ɔ; i kpa mo pɛɛ nɛ o na imi lɛɛ mɔbɔ.”