Matsɛmɛ II, 1:11 - BAIBLO ALOO NGMAMI KLƆUKLƆU Ɔ

¹¹ Matsɛ ɔ tsɔ asafoatsɛ kpa, kɛ lɛ hu e we bihi nyingmi enuɔ kɛ ho, nɛ a ya de Eliya ke, “Mawu nɔmlɔ, matsɛ ɔ ke o kple si kɛ ba esɔ!”

Matsɛmɛ II, 1:11 ပူးပေါင်းရင်းမြစ်များ

Matsɛmɛ II, 1:10

Eliya he nɔ ke, “Ke Mawu nɔmlɔ ji mi ɔ, lɛɛ la nɛ e je hiɔwe ba sã mo kɛ o we bihi nyingmi enuɔ ɔmɛ!” Kɛkɛ nɛ la je hiɔwe ba sã asafoatsɛ ɔ kɛ e we bi nyingmi enuɔ ɔmɛ.

Matsɛmɛ II, 1:12

Eliya he nɔ ke, “Ke Mawu nɔmlɔ ji mi ɔ, lɛɛ la nɛ e je hiɔwe ba sã mo kɛ o we bihi nyingmi enuɔ ɔmɛ!” Kɛkɛ nɛ Mawu la a je hiɔwe ba sã asafoatsɛ ɔ kɛ e we bihi nyingmi enuɔ ɔmɛ.

Abɛ Womi 29:12

Nɔ yelɔ nɛ lakpa munyu tue e buɔ ɔ, e tsɔli tsuo peeɔ yiwutsotsɛmɛ.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 32:7

Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Mose IV, 16:41

E nɔ jena a, Israel ma a tsuo hɔɔ nya si kɛ wo Mose kɛ Aaron, nɛ a de ke, “Nyɛ lɛ nyɛ gbe Yawɛ ni ɔmɛ ɔ nɛ.”

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Samuel I, 6:9

Lɔ ɔ se ɔ, nyɛɛ hi lɛ hyɛe; ke e ba mi kaa tlɔɔke ɔ nyɛɛ tɛ̃ɛ̃ kɛ ya su lɛ nitsɛ e zugba a nɔ ngɛ Bet Shemesh ɔ, lɛɛ Israel Mawu ɔ ji nɔ nɛ kɛ amanehlu nguaa nɛ ɔ ba wa nɔ ɔ nɛ. Se ke e pee we ja a, lɛɛ wa maa na kaa tsa pi lɛ nɛ e gbla wa tue, se mohu matahu kɛkɛ nɛ ba po wɔ.”