Matsɛmɛ I, 9:8 - BAIBLO ALOO NGMAMI KLƆUKLƆU Ɔ

⁸ We nɛ ɔ maa pee we doku, nɛ nɔ tsuaa nɔ nɛ bee ɔ he mi ma jɔ̃, nɛ e nya maa kpɛ e he; nɛ e ma bi ke, ‘Mɛni he je nɛ Yawɛ pee zugba nɛ ɔ, kɛ we nɛ ɔ kikɛ nɛ ɔ?’

Matsɛmɛ I, 9:8 ပူးပေါင်းရင်းမြစ်များ

Kronika II, 7:21

“Amlɔ nɛ ɔ, bu ngɛ we nɛ ɔ he wawɛɛ nitsɛ. Se jamɛ a be ɔ mi ɔ, we nɛ ɔ maa pee we doku, nɛ nɔ tsuaa nɔ nɛ bee ɔ, e he mi ma jɔ̃, nɛ e nya maa kpɛ e he, nɛ e ma bi ke, ‘Mɛni he je nɛ Yawɛ pee zugba nɛ ɔ, kɛ we nɛ ɔ kikɛ nɛ ɔ?’

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 19:8

Ma ha nɛ Yerusalem ma nɛ ɔ maa pee ma doku, kɛ nɔ́ nɛ a hiee; nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e maa ye gbeye ngɛ amanehluhi nɛ maa ba ma a nɔ ɔ he.

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.

Yeremia 50:13

Imi Yawɛ, ye mi mi fu Babilon, nɛ nɔ ko nɔ ko be lejɛ ɔ hie hu; e maa pee ma doku kulaa, nɛ nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e nya maa kpɛ e he.

Yeremia 49:17

Bɔ nɛ Yawɛ de ji nɛ ɔ nɛ: “A ma kpata Edom hɛ mi pɛsɛpɛsɛ, bɔ nɛ ke nɔ ko ba be ngɛ lejɛ ɔ nɛ e he mi maa po, nɛ e maa ye gbeye.

Yesaya 64:11

Wa sɔlemi we klɔuklɔu saminyayoo, he nɛ wa nɛmɛ ɔmɛ je o yi ngɛ ɔ, a kɛ la sã, nɛ a kpata hehi nɛ ngɛ fɛu ɔ tsuo a hɛ mi.

Mose V, 28:37

Ma amɛ, he nɛ Yawɛ maa ngɔ nyɛ kɛ ya a, a mi bi ɔmɛ maa ye gbeye ngɛ nyakpɛ nɔ́ nɛ ba nyɛ nɔ nɛ ɔ he; a maa muɔ nyɛ, nɛ a maa ye nyɛ he fɛu.

Matsɛmɛ II, 25:9

E ya sã Yawɛ we ɔ, kɛ matsɛ we ɔ, kɛ nimli nguahi tsuo nɛ ngɛ Yerusalem ɔ a wehi,

Kronika II, 36:19

E sã Yawɛ we ɔ, kɛ Yerusalem ma a kɛ e mi mɔ ɔmɛ; e kpata ní kpakpahi tsuo a hɛ mi, nɛ e ku Yerusalem gbogbo ɔ ngɔ pue si.

Yeremia 5:19

Yeremia, ke a bi mo ke mɛni he je lɛ imi Yawɛ, a Mawu ɔ kɛ mɛ ye sane yaya kaa kikɛ nɛ ɔ, de mɛ ke, kaa bɔ nɛ a je ye se nɛ a ya sɔmɔ ma se mawuhi ngɛ mɛ nitsɛmɛ a zugba nɔ ɔ, jã nɔuu kɛ̃ lɛ a ma ya sɔmɔ nibwɔhi ngɛ ma se zugba nɔ.”

Yeremia 16:10

“Ke o ya de ma nɛ ɔ ní nɛ ɔmɛ tsuo ɔ, a ma bi mo ke mɛni he je lɛ i to ye yi mi kaa ma gbla a tue wawɛɛ kikɛ nɛ ɔ. A ma bi mo ke mɛni tɔmi a tɔ Yawɛ, a Mawu ɔ nɔ, nɛ mɛni yayami po a pee kɛ si lɛ.

Yeremia 18:16

A ha nɛ a zugba a pee gbeyegbeye kaa nɔ́ ko nɛ a maa hie daa. Nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e ma mimiɛ e yi.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?

Yeremia 52:13

E sã Yawɛ we ɔ, matsɛ we ɔ, kɛ ni nguahi tsuo nɛ ngɛ Yerusalem ɔ a wehi,

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Matsɛmɛ II, 22:17

A kua mi, nɛ a ya sã tsopa kɛ e he via kɛ ha mawu kpahi. A kɛ níhi nɛ a pee nɛ ɔ tsuo wo ye mi mi la wawɛɛ nitsɛ, nɛ e nya be si bae.

Kronika II, 29:8

Enɛ ɔ he je ɔ, Yawɛ mi mi fu Yuda kɛ Yerusalem, nɛ nɔ́ nɛ e pee mɛ ɔ ha nɛ nɔ tsuaa nɔ he mi po, nɛ a ye gbeye. Nyɛ nitsɛmɛ nyɛ na nɔ́ nɛ ɔ kɛ nyɛ hɛngmɛ.

Kɔmɔ Yemi 2:15

Nihi tsuo nɛ ba guu ma a nya kɛ bee ɔ, hwɔɔ o yi; a huanyaa a yi, nɛ a yeɔ o he fɛu. A deɔ ke, “Jamɛ a ma kɛ e he fɛu ɔ ji nɛ ɔ? Je ɔ tsuo fiami nɔ́ ɔ ji nɛ ɔ lo?”