Matsɛmɛ I, 9:6 - BAIBLO ALOO NGMAMI KLƆUKLƆU Ɔ

⁶ Se ke mo, loo o nina jɔɔ ye se nyɛɛmi, ke nyɛ yi mlaa amɛ nɛ i wo nyɛ ɔ, kɛ blɔ nya tomi ɔmɛ a nɔ, nɛ nyɛ ya sɔmɔ mawu kpahi nɛ nyɛ ja mɛ ɔ,

Matsɛmɛ I, 9:6 ပူးပေါင်းရင်းမြစ်များ

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

La 89:32

lɛɛ ma gbla a tue ngɛ a yayami ɔmɛ a he, nɛ ma ha a maa na nɔ́.

La 89:30

“Se ke e nina ya yi ye mlaa amɛ a nɔ, nɛ́ a bɛ a je mi kaa bɔ nɛ i fa mɛ ke a pee ɔ,

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

Samuel I, 15:11

“I pia ye he kaa i wo Saul matsɛ; ejakaa e je ye se nɛ e yi ye mlaa amɛ a nɔ.” Nɔ́ nɛ ɔ dɔ Samuel, nɛ e fa kue ha Yawɛ nyɔ ɔ mi tsuo.

Matsɛmɛ II, 18:12

Nɔ́ nɛ ha nɛ a ngɔ Samaria ji, Israel bi ɔmɛ bui Yawɛ, a Mawu ɔ tue. Somi nɛ Yawɛ kɛ mɛ so, kɛ mlaahi nɛ e tsɔlɔ Mose wo mɛ ɔ, a tɔ lɛ tsuo pɛpɛɛpɛ. A bui Mawu tue, nɛ e mlaa amɛ hu a yi nɔ.

Yeremia 26:4

Yawɛ fa mi ke ma de ni ɔmɛ ke, “Imi Yawɛ, i de ke nyɛɛ bu mi tue nɛ nyɛɛ ye mlaa amɛ nɛ i wo nyɛ ɔ a nɔ.

Matsɛmɛ II, 22:17

A kua mi, nɛ a ya sã tsopa kɛ e he via kɛ ha mawu kpahi. A kɛ níhi nɛ a pee nɛ ɔ tsuo wo ye mi mi la wawɛɛ nitsɛ, nɛ e nya be si bae.

La 89:31

ke a kua ye blɔ nya tomi ɔmɛ, nɛ a yi ye mlaa amɛ a nɔ ɔ

Kɔmɔ Yemi 1:8

Yerusalem pee yayami wawɛɛ kɛ pue e hɛ mi si. E pee kaa nɔ ko nɛ hɛɛ e he gu; nihi tsuo nɛ peeɔ e he akɔtaa a bui lɛ hu. Ee, e ngɛ kɛmɛe, nɛ e ngɛ e hɛ mi laae.