Matsɛmɛ I, 8:9 - BAIBLO ALOO NGMAMI KLƆUKLƆU Ɔ

⁹ Nɔ́ ko nɔ́ ko be somi daka a mi kaa ja tɛ tɛtlɛɛ enyɔ ɔmɛ nɛ Mose ngɔ wo mi kɛ je Sinai yo ɔ nɔ ɔ. Yawɛ kɛ Israel ma a so ngɛ lejɛ ɔ be mi nɛ a je Egipt zugba a nɔ kɛ ma a.

Matsɛmɛ I, 8:9 ပူးပေါင်းရင်းမြစ်များ

Mose II, 25:21

Ngɔɔ somi womi ɔ nɛ ma ha mo ɔ kɛ wo daka a mi, nɛ o ngɔ nya nɔ́ ɔ ngɔ bu nya.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Mose II, 40:20

E ngɔ mlaa amɛ kɛ wo somi daka a mi. E kɛ tso ɔmɛ hɔɔ daka a he ga amɛ a mi, nɛ e ngɔ daka a nya nɔ́ ɔ ngɔ bu nya.

Kronika II, 5:10

Nɔ́ ko nɔ́ ko be somi daka a mi, kaa ja tɛ tɛtlɛɛ enyɔ ɔmɛ nɛ Mose ngɔ to lejɛ ɔ ngɛ Sinai yo ɔ nɔ ɔ. Yawɛ kɛ Israel ma a so somi ngɛ Sinai, be mi nɛ a je Egipt zugba a nɔ kɛ ma a.

Mose V, 4:13

E tsɔɔ nyɛ bɔ nɛ nyɛ maa pee kɛ ye somi nɛ e kɛ nyɛ so ɔ nɔ; lɔ ɔ ji kaa nyɛ maa ye mlaa nyɔngma amɛ nɛ e ngma ngɛ tɛ tɛtlɛɛ enyɔ ɔmɛ a nɔ ɔ a nɔ.

Kpojemi 15:8

Mawu hɛ mi nyami, kɛ e he wami kpetekpleenyɛ ɔ ha nɛ la su ku hyi sɔlemi we ɔ tɔ. Nɛ nɔ ko nɔ ko nyɛ we nɛ e je sɔlemi we ɔ kɛ ya si haomi kpaago ɔmɛ nɛ bɔfo kpaago ɔmɛ kɛ ba a a se po.

Ezekiel 10:4

Yawɛ hɛ mi nyami ɔ wo e he nɔ kɛ je kerub ɔmɛ a nɔ kɛ ba da we ɔ agbo ɔ nya. Bɔku ɔ hyi we ɔ mi tɔ, nɛ kue ɔ mi tsuo ngɛ kpɛe hleii kɛ Yawɛ hɛ mi nyami ɔ.

Matsɛmɛ I, 8:21

Jehanɛ se hu, i hla he ko ngɔ to ngɛ Yawɛ we ɔ, he nɛ a kɛ somi daka a maa to. Benɛ Yawɛ jé wa nɛmɛ ɔmɛ kɛ je Egipt zugba a nɔ ɔ, somi nɛ e kɛ mɛ so ɔ ngɛ daka nɛ ɔ mi.”

Mose V, 31:26

“Nyɛɛ ngɔ Mawu mlaa womi nɛ ɔ nɛ nyɛ ngɔ to Yawɛ, nyɛ Mawu ɔ somi daka a kasa nya, nɛ e hi lejɛ ɔ, nɛ e ye odase kɛ si ma a.

Mose IV, 17:10

Lɔ ɔ se ɔ, Yawɛ de Mose ke, “Kpale Aaron dɛma tso ɔ ya fɔ daka a nɛ somi womi ɔ ngɛ mi ɔ hɛ mi ekohu, nɛ e hi lejɛ ɔ kaa kɔkɔ bɔmi nɔ́ kɛ ha atuã tsɔli ɔmɛ bɔ nɛ pee nɛ a munyu huitihuiti ɔmɛ nɛ a tuɔ kɛ siɔ mi ɔ se nɛ po. Ke pi ja a, a ma gbo.”

Mose IV, 9:15

Ligbi ɔ nɛ a ma kpe he ɔ, bɔku ɔ ba ha he. Kɛ je gbɔkuɛ kɛ ya si je na a, bɔku ɔ ngɛ kpɛe kaa la.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Mose II, 16:33

Mose de Aaron ke, “Hla buɛ ko, nɛ o kɛ mana lita enyɔ hiɛmi nya nɛ wo mi, nɛ o kɛ ma Yawɛ hɛ mi, nɛ a kɛ to si ha nyɛ nina.”

Mose II, 16:10

Benɛ Aaron kɛ Israel ma a ngɛ munyu ɔ tue nɛ a plɛ nɛ a maa hyɛ nga a nɔ blɔ ɔ, né Yawɛ hɛ mi nyami nɛ je kpo ngɛ bɔku ɔ mi.

Mose II, 14:24

Mɔtu kpla a, Yawɛ hyɛ Egipt tabo ɔ kɛ gu la titima a, kɛ bɔku titima a a mi, nɛ e ha nɛ sawale nu mɛ.

Mose II, 13:21

Piani ɔ, Yawɛ nyɛɛɔ a hɛ mi ngɛ bɔku titima mi nɛ e kɛ tsɔɔ mɛ blɔ. Nyɔ mi lɛɛ e nyɛɛɔ a hɛ mi ngɛ la titima mi nɛ e kɛ haa a hyɛɛ nɔ́, konɛ a nyɛ nɛ a nyɛɛ nyɔ kɛ pia.

Mose II, 25:16

Somi womi ɔ nɛ ma ngɔ ha mo ɔ, ngɔɔ kɛ wo daka a mi.

Kronika II, 5:9

Tso ɔmɛ ka gagaa bɔ nɛ ke nɔ ko daa si ngɛ he klɔuklɔu pe kulaa a hɛ mi ɔ, e maa na a nya amɛ nɛ je kpo; se a nya amɛ ji kpo ngɛ kpo nɔ je. Tso ɔmɛ ngɛ lejɛ ɔ kɛ ba si mwɔnɛ ligbi nɛ ɔ.