Matsɛmɛ I, 8:57 - BAIBLO ALOO NGMAMI KLƆUKLƆU Ɔ

⁵⁷ Yawɛ, wa Mawu ɔ kɛ wɔ nɛ hi si kaa bɔ nɛ e kɛ wa nɛmɛ ɔmɛ hi si ɔ; e ko si wɔ, nɛ e ko kua wɔ hulɔ.

Matsɛmɛ I, 8:57 ပူးပေါင်းရင်းမြစ်များ

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Mose V, 31:6

Nyɛ he nɛ wa nɛ nyɛɛ pee kã. Nyɛ ko ye mɛ gbeye. Yawɛ, nyɛ Mawu ɔ nitsɛ kɛ nyɛ maa hi si. E be nyɛ sie, nɛ e be nyɛ kuae hulɔ.”

Hebribi 13:5

Nyɛ ko di sika se; nɔ́ tsuaa nɔ́ nɛ nyɛ ngɛ ɔ, nyɛ bua nɛ jɔ he. Ejakaa Mawu de ke, “I be mo sie, nɛ i be mo kuae gblegbleegble.”

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 46:7

Yawɛ, Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

Mose V, 31:17

Ke e ba mi ja a, ye mi mi ma fu. I ma kua mɛ, nɛ a hɛ mi ma kpata. Haomihi nɛ ngɛ gbeyegbeye maa ba a nɔ, nɛ lɔ ɔ loko a ma kpa si kaa ní nɛ ɔmɛ ngɛ a nɔ bae, ejakaa imi a Mawu ɔ, i kua mɛ.

Yoshua 24:23

Yoshua kɛ fɔ a hɛ mi ke, “Ke jã a, lɛɛ nyɛ je ma se mawu ɔmɛ ngɔ hɛ pue he, nɛ nyɛɛ wo si kaa nyɛ maa ye Yawɛ, Israel Mawu ɔ anɔkuale.”