Matsɛmɛ I, 8:4 - BAIBLO ALOO NGMAMI KLƆUKLƆU Ɔ

⁴ nɛ a hɛɛ kɛ ho Yawɛ we ɔ mi ya. Levi bi ɔmɛ, kɛ osɔfo ɔmɛ hɛɛ kpe he bo tsu ɔ, kɛ ní klɔuklɔu ɔmɛ nɛ ngɛ mi ɔ hu kɛ ho Yawɛ we ɔ mi ya.

Matsɛmɛ I, 8:4 ပူးပေါင်းရင်းမြစ်များ

Kronika II, 1:3

Nɛ Salomo kɛ ma a tsuo pue nɔ kɛ ho jami he ɔ ya ngɛ Gibeon. A ya lejɛ ɔ, ejakaa kpe he bo tsu ɔ nɛ Yawɛ tsɔlɔ Mose pee ngɛ nga a nɔ ɔ, Gibeon ji he nɛ e ngɛ.

Matsɛmɛ I, 3:4

Ligbi ko ɔ, Salomo ya Gibeon, nɛ́ e ya sã bɔ. Gibeon ji he nɛ wɔ piɛ nguaa a ngɛ; nɛ bɔ sami la tɛ ɔ nɛ ngɛ lejɛ ɔ, e nɔ Salomo sã sami bɔ akpe abɔ ngɛ ba be.

Kronika I, 6:31

Nimli nɛ ɔmɛ ji nihi nɛ David ngɔ la he blɔ nya tomi ngɛ Yawɛ we ɔ ngɔ wo a dɛ, benɛ a kɛ somi daka a ya su lejɛ ɔ.

Samuel II, 6:12

Benɛ Matsɛ David nu kaa Mawu daka a he je ɔ, Yawɛ gbaa Obed Edom kɛ e we ɔ, kɛ e nɔ́ tsuaa nɔ́ nɛ e ngɛ ɔ, David ho nɛ e ya ngɔ Mawu daka a ngɛ Obed Edom we ɔ mi, nɛ e kɛ daka a ba Yerusalem kɛ nyami.